1 Samueli 15:12 - Amazwi Yakwe Leza 2013

¹² Katondotondo pa macaca Samueli akatuka aya ku kukomenkanya Saulo, lelo iyamunena iyati, “Saulo wataya ku Kalimeli. Kuku akuno wataimika icipilala kuti acindikilemo izina lyakwe nga watasenuka nu kuya ku Giligali.”

1 Samueli 15:12 ပူးပေါင်းရင်းမြစ်များ

Utandiko 21:14

Lino waca katondo Abulaamu apeela Haga ivyakulya nu lufinga luzile amanzi, amutwika nu kumupapika umwana, nga amuzinga. Alino Haga apita afuma akululumba mu Lwanga lwa Belisyeba.

2 Samueli 18:18

Mu manda ya umi wakwe Abusalomu walanga waikuulila icipilala umu Cifoloma ca mwene, pamulandu wakuti atakweti umwana uwakuti aimike umupanda wakwe. Acino watemile icipilala cici izina lyakwe, nga ni lelo kwene cikaamwa ukuti Icipilala cakwe Abusalomu.

2 Samueli 23:35

Na Hezilo umwina Kalimeli, na Paalai umwina Alibi.

1 Yamwene 18:42

Lino Aabu waya ku kulya, Eliya nawe ali pakusyala wakwela pa mwamba wa Kalimeli, afukama aika nu mutwe wakwe umu mpamba.

2 Milandu 26:10

Pacisila cakwe vyonsi vii, Uziya akuula impungu nu mulwanga kwene nga aimba ni vifula ivivule, pamulandu wakuti wene wakweti iviteekwa nyanya mu misana ya twamba nu mu manyika.

Yoswa 15:55

Na Maoni, Kalimeli, Zifu, Yuta,

1 Samueli 13:12

nalinelenganya nati, ‘Aina Filisti yamatuzanza pano kwene pa Giligali, nga nupya ntezizye ukulenga Yawe kuti atwazwe.’ Acino cali campamvya kuti ningapeela uwila wakoca.”

1 Samueli 13:15

Lyene Samueli afuma ku Giligali nga alungama ku Gibeya umu mpanga yakwe Benjamini, nga Saulo apenda antu yano wali nayo. Yonsi pamwi impendwa yali manye imyanda mutanda.

1 Samueli 17:20

Katondotondo lino ukuca sile Davidi asya imfwele kuli kacema umwi uwakuti azilola. Atenuka apita nu kupita ndi muno Yese wamutungulwile, afika pa nsakwe pa nsita ino ivita vikuya mu kutantama mu ncende zyao izya nkondo ale yakupunda na welelele wooo!

1 Samueli 25:2

Kwali umuntu umwi mu musumba wa Maoni wino wakweti impanga mupipi nu ku Kalimeli. Wene wali umukama wakwe cimwi. Wakweti imfwele amazimbi yatatu ni mbuzi izimbi lyonga, zino wasenyanga ku Kalimeli.

1 Samueli 7:12

Lyene Samueli atoola iwe nga alisimpa pakasi kakwe Mizipa na Syeni. Alitemela ni zina lyakuti Ebenezeli, nga avwanga ati, “Avino ukufika na paa Yawe uwatatwazwa.”