1 Samueli 15:11 - Amazwi Yakwe Leza 2013

¹¹ “Indi nu ulanda pa kupeela Saulo uwene, pamulandu wakuti wene watamfutatila nupya watakana ukuyela amalamulo yane.” Samueli ali pakusoka, nga atandika nu kupapata kuli Yawe usiku ulya onsi.

1 Samueli 15:11 ပူးပေါင်းရင်းမြစ်များ

Utandiko 6:6

aya nu ulanda cuze nu mwenzo umuwaya pa kuumba antu nu kuika pano nsi.

Utandiko 6:7

Caleka avwanga ati, “Namaonona antu yonsi pyu yano nauumba, ni nyama, ni vikasela, ni vyunyi ivikapapuka. Pano vyandenga ulanda pa kuviumba.”

2 Samueli 24:16

Lino umungeli wakwe Yawe wali pipi nu konona Yelusalemu, Yawe awezya umwenzo kuti atavunuka antu nga anena umungeli uwayakomanga ati, “Ta, caticilingana!” Umungeli wi waimi apipi na pa lwano lwa kupuulila lwakwe Alauna, umwina Yebusi.

1 Yamwene 11:9

Fwandi Yawe wasokile sana Solomoni, pamulandu wakuti umwenzo wakwe wafutatile Yawe Leza wa ina Izlaeli, wiyo uwamulolekile amaila yaili,

1 Milandu 10:13

Saulo wafwile pamulandu wakuti atali uwacumi kuli Yawe. Wene atayelanga amasunde yakwe Yawe. Walondanga utunguluzi ukupitila mu kusapola ku mipasi ya afwe

1 Milandu 21:15

Lyene Leza atuma umungeli wakwe kuti akonone umusumba wa Yelusalemu. Lelo ala umungeli acili akonona, Yawe amunena ati, “Ta! Calingana!” Apa nsita kwene ilya walanga umungeli wilya wakwe Yawe acili aimi pa lwano lwa kupuulila lwakwe Alauna umwina Yebusi.

Yobo 34:27

apamulandu nu utalami wao ni misuli uku masunde yakwe.

Masamu 109:4

Yatiyankatukila nanti angala nemo nayatemwa, nukuyapepela nemo nkayapepela kweneko.

Masamu 110:4

Umwene walafile umulapo, nu kufutuka atange afutuke foo! Watiile, “Wewe simapepo wakuyelelela mu lutambi lwakwe Mekisedeki.”

Masamu 119:136

Aminsonzi yakufomfomoka sile umu manso yane, apamulandu wakuti antu yasiyela amasunde yako.

Masamu 125:5

Lelo antu yano yakalondela inzila izipe, Yawe alayavunuka kumwi na yakaifya. Mutende uye kunuli we Izlaeli!

Masamu 36:3

Ivilandwa vyakwe vyonsi iviipe nupya ivyaufi, icakuti atange ailuke nanti ukwiluka.

Masamu 78:41

Lili lili yamusonsombanga nu kuleka Wamuzilo wa ina Izlaeli asoke.

Masamu 78:57

Yamusangukila, yata nu kumutontela, vivya kwene ndi vino ivikolwe vyao vyacitanga. Iyaya sile cuze cuze, yatalama wa ulapwa uvyongane.

Kufuma 32:11

Lelo Mose apapata kuli Yawe ati, “Mwe Yawe, pacani cino mwasokela antu inu musango uu, antu yano mwafumizye mu uzya mu Eguputo, ku maka inu akulu nu kwi kasa linu lya maka?

Kufuma 32:14

Caleka Yawe awezya umwenzo atalenzile kuti uzanzo ucitike uno wakasi kuti acite pa antu yakwe, aina Izlaeli.

Yelemiya 11:10

Yatiyasenukila ku maifyo ya vikolwe vyao ndi vino vyene vyakanyile kulondela amazwi yane. Lyene nayo ali vino yakucita. Yene yakupepa tuleza tuze. Aina Izlaeli kumwi na Ayuda yonona upangano uno napangine ni vikolwe vyao.

Yelemiya 13:17

Ndi cakuti mwemo musyakumuvwa, nemo ale namalililanga mu umfisolo. Apamulandu wa vilumba vinu, namalilisya wakwe cimwi cakuti na misonzi yamalukutanga. Apamulandu sile wakuti antu ya Mwene yatiyasendwa mu uzya.

Yelemiya 34:16

Nupya mwasenuka, mwasuula ni zina lyane, apakuwezya cila muntu umuzya wakwe, umwanaci nu monsi yano mwatazile mwapeela untungwa nu kuleka yaikalile. Mwayapatikizya ukuya azya nupya.”

Yelemiya 9:1

Cange cizipe umutwe wane iwuya cifula ca manzi, na manso yane yaye akafukoka ka minsozi, apakuti antu yane yano yakomola, injalosye usiku nu musanya.

Yelemiya 9:18

Antu nayo ali pakuvwanga yati, “Lekini yize zuwa yatwimbile ulwimbo lwa ndosya, mpaka ivipa vitu vizuule aminsozi, ni nkopyo zitu zitipate na minsozi apa kulosya.”

Ezekelo 18:24

“Lelo umuntu musuma ndi wata kuzifya, watandika nu kwifya, amacita ni vintu iviipisye ivikacita antu aipe, uzye umuntu wiyo angaya nu umi? Awe foo. Ni visuma vyonsi vino wacita yatange yaviusye. Angafwila pa utalami wakwe na pa viipe vino wacita.

Amosi 7:3

Acino lyene Yawe aya na mizu, nga avwanga ati, “Vyonsi vii vitalacitika konsi awe.”

Yona 3:10

Lyene lino Leza walola vino antu yacita na vino yazenzwike uku misango yao yankota, aya na mizu kunoyali nga atayaponyezizye uwononesi uno walanzile ukuti alayaponyezya.

Yona 4:2

Acino Yona apepa kuli Yawe ati, “Iye, we Yawe, uzye ntalanzile vikwene lino nali kumwitu? Uli mulandu uno nacincile ukuutukila ku Tasisyi. Namanyile vino wewe Leza wa mizu nu wa luse, wino asisoka zuwa nupya akatemwa wakwe cimwi, Leza asisimwilila ku kuponya ivilumbelo.

Zefaniya 1:6

Ndonona yayo amfutatila yano yata ukundondela, nupya yasiiza kunondi nanti ukunguzya kuti njatungulule.

Mateo 24:13

Lelo wino wensi alaposya kufika nu ku mpelelekezyo wene alatuulwa.

Mateo 5:44

Lelo nemo namunena nati, temwini anisi inu, pepelini yano akamuzunya,

Luka 6:12

Mu manda yalya Yesu waile ku mwamba ku kupepa. Alola uca, ala akupepa kuli Leza.

Ayebulai 10:38

Lelo antu yane, aololoke, yalaya nu umi pa utailo wao. Lelo ndi umwi uvwa intete wamfutatila, nemo ntalazangila muli aliwe.”

Yoswa 22:16

“Iuvi lyonsi lyakwe Yawe likuilizyanya iliti, ‘Uzye pacani cino mwacitila ulukota luu, pa kutalamila Yawe Leza wa ina lzlaeli? Uzye ndakai mukasi mute ukulondela Yawe, pa kuikuulila kavuwa kuti mumukane apaswe?

1 Samueli 12:23

Nemo ne Samueli, cipelele ukutali ukwifya Yawe pa kuposiwa ukupepela mwemwe. Namamusambilizyanga imiyele isuma nupya iyampomvu.

1 Samueli 13:13

Samueli nawe amwaasuka ati, “Waliwacita ivyauwelewele. Watukana ukusunga isunde lino Yawe Leza wako wakunenyile. Ulisunga sile, wene wange aleke wewe na amu mupanda wako yateeka aina Izlaeli amanda pe.

1 Samueli 15:10

Lyene Yawe anena Samueli ati,

1 Samueli 15:3

Acili cino fwandi wemo pita sile ukalwisye aina Amaleke nu kulovya ivintu vyao vyonsi. Cisi cakwezya kuti usyepo nanti umwi. Ukome aonsi na anaci kwene, nga na ana kumwi nu tunya kwene tuno yakulela, ni ng'ombe nga ni mfwele, ingamila na yapunda.’”

1 Samueli 15:35

Samueli yatatazile nupya iyalolana na Saulo, mpaka sile ukufika pa wanda wa kufwa kwakwe, nanti angala Samueli wamuvwilile ulanda, pamulandu wakuti Yawe walangulwike cino wamucisile ukuya umwene wa ina Izlaeli.

1 Samueli 15:9

Lelo Saulo na antu yakwe yatakomile Agagi ni viteekwa vyakwe ivisuma ukuluta umu mfwele ni ng'ombe, utwana twa ng'ombe nu twa mfwele. Vii vyonsi ivyalolekanga ningo yatakasi ukuvyonona. Lelo iviteekwa vyonsi ivitali ningo ivitali nu muzano umwi vyene yavyononyile.

1 Samueli 16:1

Yawe anena Samueli ati, “Uzye fwandi wemo ulata lilaci ukutezela Saulo? Nemo namukana mpiti ukuti atangaya umwene wa ina Izlaeli. Wemo zuzya sile amafuta umu musazi wako nga ukatuke uwapita. Namakutuma kwakwe Yese umwina Betelemu. Natinsolola wenga uwamu ana yakwe aonsi kuti aye umwene.”

1 Samueli 8:6

Lelo Samueli atatemilwe ukulenga kwao awe, ukwakukwata umwene. Acino wene apepa kuli Yawe.