1 Samueli 14:50 - Amazwi Yakwe Leza 2013

⁵⁰ Umuci wali a Ainoamu umwana wakwe Aimaazi. Musika mukalamba uwa vita vyakwe Saulo wali a Abineli umwana wakwe Neli. Neli nawe wali a nyinalume wakwe Saulo.

1 Samueli 14:50 ပူးပေါင်းရင်းမြစ်များ

2 Samueli 2:8

Pa nsita kwene ilya, Abineli umwana umonsi wakwe Neli, uwali musika mukalamba uwa vita vyakwe Saulo, asenda Isyibosyeti umwana wakwe Saulo, nga amuleta ku Maanaimu.

2 Samueli 3:27

Lino Abineli wafika umu Hebuloni, Yoabu amusenda pa mbali lwapa mpongolo, kwati akulonda ukulanda nawe umu nkama. Kuku kwene akuno amutota umu lunda. Avino Abineli yamukomile pamulandu wakuti wene wakomile Asaeli umwina wakwe Yoabu.

2 Samueli 3:38

Lyene umwene anena antu yakwe ati, “Uzye mwatimulooka ukuti wi afwile umu mpanga ya Izlaeli intunguluzi ya maka?

2 Samueli 3:6

Lino ulwi watwalilila apakasi ka vita vyakwe Davidi nga ni vita ivyatontelile akazi kakwe Saulo, Abineli alunduluka ku kwata amaka pakasi kakwe yao alondelelanga Saulo.

1 Milandu 26:28

Syelomiti pamwi na akazi kakwe yasunganga ivintu vyonsi ivyapilwe kuti viombe mu Ng'anda ikulu yakwe Yawe, ukwika penepo na mawila alesilwe na kasema Samueli, nu mwene Saulo umwana umonsi wakwe Kisyi, na Abineli umwana umonsi wakwe Neli, nga na Yoabu umwana umonsi wakwe Zeluya, kumwi ni vintu vyuze ivyapeelwa na ali wensi uwasyala.

1 Milandu 27:21

Intunguluzi ya mutundu pakasi wakwe Manase mu Gileadi yali a Ido umwana umonsi wakwe Zakaliya. Intunguluzi ya aina Benjamini yali a Yaasieli umwana umonsi wakwe Abineli.

1 Samueli 10:14

Alino lyene isi umukalamba wakwe Saulo amuuzya pamwi nu muomvi wakwe ati, “Uzye aukwi kuno mwaile?” Saulo nawe amwaasuka ati, “Twafuma ku kulonda yapunda aponzile. Lino twaweni ukuti twaposiwa ukuyazana, vili vino twaile kuli Samueli.”

1 Samueli 17:55

Lino Saulo walola kuno Davidi akuya ku kukomenkanya umwina Filisti wiya, anena Abineli, musika mukalamba uwa vita vyakwe, ati, “We Abineli, uzye umulumendo wilya amwana weni?” Abineli nawe aasuka ati, “Mwene wakwisaci, vino uli pano umumi, nkulapa ukuti ntamanyile.”

1 Samueli 26:5

Lyene lilyo kwene Davidi atenuka nga aya ku ncende kuno Saulo wakuuzile inkambi. Aya asininkizya na pano Saulo na Abineli umwana wakwe Neli, musika mukalamba uwa vita, yatiyalambalala. Saulo walambalile mukasi ka nkambi, na asilika yala yamuzingulwike.