1 Samueli 14:47 - Amazwi Yakwe Leza 2013

⁴⁷ Lino Saulo walasikwe pa cilimba ca wene wa ina Izlaeli, wene walwisizye anisi yakwe konsi konsi, aina Moabu, aina Amoni, aina Edomu, yamwene aku Zoba, na ina Filisti. Fwandi konsi sile kuno wayanga, wene wayacimvyanga.

1 Samueli 14:47 ပူးပေါင်းရင်းမြစ်များ

Utandiko 19:37

Nyinalenzi waviile umwana umonsi wino watemile izina Moabu. Cili cikolwe ca ina Moabu kufika ni lelo.

Utandiko 19:38

Nu muto nawe kwene waviile umwana umonsi, nga wamutemile izina Benami. Cili cikolwe ca mutundu wa ina Amoni kufika ni lelo.

Utandiko 36:1

Yaa ali ana amu mupanda wakwe Esau nanti Edomu.

Utandiko 36:19

Yaa onsi, yali ana yakwe Esau (nanti Edomu) nupya yali intunguluzi.

Utandiko 36:8

Acino lyene Esau (kuli kuti Edomu) aya aikala mu Seili impanga ya myamba.

2 Samueli 1:22

Ulapwa wakwe Yonatani utatazile uwele sile ukwaula ukusalipa. Ulupanga lwakwe Saulo lwakomanga icikalale, lula lukuwisya antu yamaka, ilukoma anisi.

2 Samueli 10:6

Aina Amoni iyiluka ukuti yatiyapanga uwanisi pakasi kao na Davidi. Pali pakutuma nu kulipila asilika kuti yize yayazwilizye. Asilika yapa ngazo aina Asilya ukufuma ku Beti Leobu nu ku Zoba yali amazimbi amakumi yaili, nayauze ukufuma ku Tobu yali amazimbi ikumi na yaili, nga ukwikapo nu mwene waku Maaka pamwi na antu yakwe izimbi lyonga.

2 Samueli 8:15

Davidi ateeka impanga yonsi iya Izlaeli ala akucitila antu yakwe ivya ulungami ukwaula ulufyengo.

2 Samueli 8:3

Davidi acimvya nu mwene kwene uwa mpanga iya Asilya ino ikaamwa ukuti Zoba. Nga acimvya na Hadadezeli umwana umonsi wakwe Leobu lino wali pa ulendo kuti aswilile pa wene wa mpanga yonsi iyalondelela Luzi lwa Yufulate.

1 Yamwene 11:23

Yawe nawe aleka umwanisi namuze uwi zina lyakwe Lezoni, umwana umonsi wakwe Eliyada, kuti akatukile Solomoni. Lezoni walanga wapuuka Hadadezeli umusambazi wakwe, umwene waku Zoba.

2 Yamwene 14:27

Lelo Yawe wene atalondanga ukukoma aina Izlaeli yonsi foo. Icalenzile nu kuti ayakulule ukupitila umu mwene Yeloboamu umwana wakwe Yeoasyi.

1 Samueli 12:2

Lyene ndakai mukweti uwa kumutungulula. Nemo lyene natinkota, nupya indi ni imvwi na ana yane aonsi yali pamwi namwe. Namutungululanga ukutandika sile mu ulumendo wane ukufika na ndakai.

1 Samueli 13:1

Saulo wali ni myaka amakumi yatatu lino wizile aya umwene, nga wene wateesile aina Izlaeli pa myaka amakumi yani na iili.

1 Samueli 14:46

Lyene Saulo ata ukuzinganya aina Filisti, nga nayo iyaswilila ku mpanga yao.

1 Samueli 14:52

Kwali kweneko inkondo ikakate sana iyakulwisya aina Filisti mu manda yonsi ya umi wakwe Saulo. Lyene lyonsi lino Saulo walola umonsi umwi uwalolekanga uwamaka nanti umusipe, ala amamutola nu kumucita icita cakwe.

1 Samueli 21:7

Lyene Doegi, umukalamba wenga pali yakacema yakwe Saulo, wali kweneko uwanda kwene ulya. Wene yamutesile pakuti afikilizye incito zimwizimwi izikumile ku mipepele yao.)