1 Samueli 14:45 - Amazwi Yakwe Leza 2013

⁴⁵ Lelo antu iyanena Saulo iyati, “Uzye Yonatani ali nu kufwa, Yonatani uwatalenga na kuti Izlaeli akululwe apakalamba? Cipelele ukutali! Twalapa umwi zina lyakwe Yawe waumi ukuti ulunyele nanti longa ku mutwe wakwe lusikupona pansi, pano wene waliwacita cii ilelo umu wazwilizyo wakwe Leza.” Fwandi vili vino antu yapuswisye Yonatani, nu kumukoma yatamukomile foo.

1 Samueli 14:45 ပူးပေါင်းရင်းမြစ်များ

2 Samueli 14:11

Umwanaci wilya avwanga ati, “Musambazi, lenga kuli Yawe Leza wako, kuti ataleka uwakazi acite cimwi iciipisye nu kukoma umwana wane.” Davidi nawe amunena ati, “Nalapa umwi zina lyakwe Yawe waumi ukuti kusi umuntu nanti wenga alamukumyako nanti akantengezya.”

1 Yamwene 1:52

Solomoni nawe aasuka ati, “Ndi cakuti wene uwacuvwilo, ntalamucitila iciipe icili consi. Lelo ndi asi ni cuvwilo, ale wene alafwa.”

2 Milandu 19:11

Lyene Amaliya, Simapepo Mukulu, awino alamutungulula pali vyonsi ivikumile Yawe. Zebadiya umwana umonsi wakwe Isumeli, intunguluzi ya mutundu wakwe Yuda, aliwe akalolekesya vyonsi ivikumile umwene. Alino aina Levi nayo yalamuombela wakwe yakapaso. Mwacita vii nu mwenzo ufumaluke, nga Yawe si angala aye na wensi wino akacita ivisuma.

Neemiya 9:27

Fwandi nawe ali cino wayapile mu makasa ya anisi yao, nayo ali pakuyacuzya. Na lino yacuziwa cuze yapunzile ntulwe kunoli. Nawe ali pakuyuvwa ukwako kwiyulu, nga ku luse lwako ulukulu uyapeela akuyatuula, akuyakuulula ku anisi yao.

Ezaya 13:3

Ne Yawe natinaama ivita vyane nu kuvipeela ilamulo lya kulwisya inkondo apakupezya yano nasokela.

Mateo 10:30

Nupya inyele zyonsi zyaku mitwe inu nazyo kwene wazipenda zyonsi.

Luka 21:18

Lelo mutakasakamikwe nanti panono.

Milimo 14:27

Lino yafika mu Antioki, yakonganika iuvi lyonsi, yayalandila vyonsi vino Leza wayacitile, na vino wapile Akulukuwa isyuko kuti yataile.

Milimo 15:12

Onsi akongine yaya cele lino yakuuvwa kuli vino Banaba na Paulo yalandanga, pamulandu wa vilangililo nga ni vizungusyo vino Leza wacisile pakasi ka Akulukuwa kupitila munoyali.

Milimo 21:19

Paulo ayalamuka ayalandila vintu vyonsi vino Leza wacita pakasi ka Akulukuwa kupitila mu mulimo wakwe.

Milimo 27:34

Namupapata, lyene, mulye kamwi kuti muye nu umi. Kusi nanti umwi munomuli amaponzya nanti lunyele longa kumutwe wakwe.”

Loma 15:18

Ndapama nu kulanda sile pali vino Mwene Yesu Klistu wacita kupitila munondi pa kutungulula Akulukuwa mu kuyela Leza. Wene wacita cii mu mazwi nga nu mu micitile,

1 Kolinto 3:9

Pano sweswe aomvi alemana pamwi mu kuombela Leza, nga namwe mwemwe calo cakwe Leza. Nupya mwemwe cikulwa cakwe Leza.

2 Kolinto 6:1

Mu kuomba pamwi na Leza, lyene tukumupapata kuti mwapokelela cikuku cakwe Leza, mutaleka cikuku ciye caula mulimo.

Umbwilo 17:14

Yalalwisya Mwana wa Mfwele. Lelo Mwana wa Mfwele alayacimvya, pano ali Mwene wakwe yamwene, kateeka wakwe yakateeka. Nupya antu yakwe aamwa, asololwe na a utailo yalacimvya pamwi nawe.”

Umbwilo 19:14

Vita vya mwiyulu vyamulondile vila vikwezile pa mfwalasi zitiswe, nupya vyazwite nsalu ziswepe nupya zitiswe.

1 Samueli 11:13

Lelo Saulo aasuka ati, “Kusi nanti wenga angakomwa umu wanda wilelo, pano apilelo Yawe watakulula aina Izlaeli.”

1 Samueli 14:23

Uwanda ulya Yawe watuuzile aina Izlaeli, nga ulwi nao watantalile ukupuzya nu ku Beti Aveni.

1 Samueli 14:46

Lyene Saulo ata ukuzinganya aina Filisti, nga nayo iyaswilila ku mpanga yao.

1 Samueli 19:5

Nupya wene atali ni ntete zya kufwa lino wakomile umwina Filisti. Yawe wacimvizizye aina Izlaeli, nawe waciweni nga uzanga. Uzye lyene pacani cino ungafyengela umuntu asi nu mulandu, apakulonda ukukoma Davidi apaula umulandu?”