1 Samueli 14:23 - Amazwi Yakwe Leza 2013

²³ Uwanda ulya Yawe watuuzile aina Izlaeli, nga ulwi nao watantalile ukupuzya nu ku Beti Aveni.

1 Samueli 14:23 ပူးပေါင်းရင်းမြစ်များ

2 Yamwene 14:27

Lelo Yawe wene atalondanga ukukoma aina Izlaeli yonsi foo. Icalenzile nu kuti ayakulule ukupitila umu mwene Yeloboamu umwana wakwe Yeoasyi.

1 Milandu 11:14

Acino yene pali pamwi na antu yakwe yasile pakasi ka calo cici, yacicingilila nga yakoma aina Filisti. Yawe nawe amupeela ucimvyo ukulu wakwe cimwi.

2 Milandu 32:22

Umu musango uo tungati Yawe watuuzile Hezekiya na antu amu Yelusalemu uku maka yakwe Senakelibu umwene waku Asilya. Alino tungati wayatuuzile nu ku anisi yao yauze. Waleka antu kuti lyene yaikala umu longo na antu yauze yano yapalamana nayo.

Kufuma 14:30

Pa wanda ulya Yawe atuula aina Izlaeli ku ina Eguputo. Aina Izlaeli yalola vyala vikwelela mu mbali yakwe yemba.

Oseya 1:7

Lelo nanti cili vivyo nemo ndatemwa amu mutundu wakwe Yuda, nupya ndayatuula uku maka yane, ne Yawe Leza wao. Ntalayatuula apakuomvya ulapwa, nanti amalupanga, nanti mfwalasi na asilika akakwela pa mfwalasi, ndi vino cikaya apakulwa inkondo, awe.”

Malango 20:4

Yawe Leza winu amapita namwe, amamupeela na maka akucimvya.’

Yoswa 7:2

Yoswa apali pakutuma antu yamwi ukufuma ku Yeliko iyaya ku Ai, pipi nu ku Beti Aveni lwaku ufumondaka waku Betele, nga ayanena ati, “Pitangini mutumbele mukalengule impanga ilya.” Acino antu yalya iyapita iyaya yalengula umusumba wa Ai.

Yakapingula 2:18

Lyonsi lino Yawe wapeela aina Izlaeli intunguluzi, wene wali pamwi ni ntunguluzi ilya nga ayatuula ku anisi yao umu nsita yonsi iya umi wa ntunguluzi ilya. Pasi pano Yawe wali na mizu panoyali lino yakunyunguluka pa kuzunyiwa nu kucuziwa na anisi yao.

1 Samueli 10:19

Lelo mwemo mwatimukana Leza winu, wino akamutuula ku ntazi zinu zyonsi na kuli vyonsi vino vikamusakamika. Mwemo mwavwanga mwati, ‘Awe! Tupele sile umwene uwakuti atuteeka.’ Acino fwandi yangini mutantame pa manso yakwe Yawe umu mitundu inu ni miiko inu.”

1 Samueli 13:5

Aina Filisti nayo iyakongana ku kulwa na ina Izlaeli, yala yakweti amaceleta amazimbi yatatu, na asilika amu maceleta nayo amazimbi mutanda, nga ni vita ivivule wa musensenga uwamu nkumba yakwe yemba. Iyatumbela iyaya yakuula insakwe ku Mikimasyi, lwaku ufumondaka wa Betaveni.

1 Samueli 9:16

“Mutondo pa kasita kwene ndi kaka kwene ndakutumila umuntu umwi uwamu mpanga yakwe Benjamini. Ali wino wemo ukasonte ukuya umwene wa antu yane aina Izlaeli. Wene alakulula antu yane ku makasa ya ina Filisti. Nemo natindola ukucula kwa antu yane, pano nuvwa mpiti inkuta yao.”