1 Samueli 14:19 - Amazwi Yakwe Leza 2013

¹⁹ Lino Saulo acili akulanda kuli simapepo, icimvulunganya mukasi ka nkambi ya ina Filisti icikulilako. Acino Saulo anena simapepo wilya ati, “Utatwalilila ukuuzya ku mwene pano umulandu watiuvwika mpiti.”

1 Samueli 14:19 ပူးပေါင်းရင်းမြစ်များ

Masamu 106:13

Yakalauka ukwilila uku vicitwa vyakwe, kusi kulolela ukuti ayapanzyeko amano.

Ezaya 28:16

Ali cino Yawe Simwandalali akuti, “Nemo namaimba umufula mu Zioni umucumi. Alino umufula kwene uo, namaika penepo iwe lyonga ilikome, ililemvilwe penepo amazwi akuti, ‘Uwazumila atalatenkana!’

Mpendwa 27:21

Nga Lelo ali nu kulaiza kuli simapepo Eleaza. Aliwe alaamuzizya nu kumanya ukulonda kwane ukupitila mukuomvya Ulimu na Tumimu. Umu nzila kwene ii, Eleaza alaatungulula Yoswa nga na aina Izlaeli yonsi muli vyonsi vino viyapazi.”

Yoswa 9:14

Aina Izlaeli iyazumila ukutoola ivyakulya vimwi ukufuma kunoyali ukwaula ukuuzya Yawe pa vyakulya vivyo.

1 Samueli 13:11

Lelo Samueli amuuzya ati, “Uzye ivyani vino watucita?” Saulo nawe aasuka ati, “Lino nalinalola ukuti antu yatandika ukusalangana nu kunsya, nu kuti wemo utizile pa nsita wakwe muno wapingwilile, nu kuti aina Filisti yakukongana ku Mikimasyi,

1 Samueli 14:20

Alino Saulo na antu yakwe yonsi iyakongana pamwi, iyatunga ni milongo ukuya ku kulwa ulwi. Lyene iyazana aina Filisti yali mu cimvulunganya icimalilike, ala yakukomana ku lupanga.

1 Samueli 14:24

Lyene aina Izlaeli iyaongoka ku nzala pa wanda ulya, pamulandu wakuti Saulo wayapile ilamulo nu mulapo ku vita, ati, “Citipu ciye pa muntu ali wensi uwalya icakulya lino ilanzi litali liwe, nupya lino ntali incite icilanduzi pa anisi yane!” Icaleka kusi umuntu nanti wenga uwalile icakulya pa wanda ulya.

1 Samueli 30:7

Alino Davidi anena simapepo Abyata umwana wakwe Aimeleki ati, “Ndetele cakuzwala ca efodi.” Abyata nawe amuletela icakuzwala cici.