1 Samueli 14:15 - Amazwi Yakwe Leza 2013

¹⁵ Fwandi lyene intete izilema ivita vyonsi ivya ina Filisti ivyali mu nkambi kumwi na vivyo ivyali mu mpanga, na yayo alwisyanga. Umusili nao iwatenta. Cali icakoofya icakuzunguka ukufuma kuli Leza.

1 Samueli 14:15 ပူးပေါင်းရင်းမြစ်များ

Utandiko 35:5

Lino Yakobo na ana yakwe yatenuka, antu ali mu misumba yazingulwike yakanka sile ku ntete, nupya patali uwaposizye ukuya yazanza.

2 Samueli 5:24

Lyene zuwazuwa lino uvwa inswaswa apapela ya muti, uye ukaiteyanye. Nemo ne Yawe namaya nkakukolelele pa kukoma ivita vya ina Filisti.”

Yobo 18:11

Fwandi ivyakumofya vyamutengamila monsi monsi, vyalimbikana nawe monsi muno angapita.

Masamu 14:5

Yalalemwa uku ntete apaula ni cakuutuka. Pano leza waya na yayo akamuyela.

Kufuma 19:18

Mwamba wa Sinai onsi ala watiuvimbwa ni cunsi pamulandu wakuti Yawe ala wataika pansi mu moto pa mwamba papela. Icunsi ciya umwiyulu wa cunsi cino cikafuma mwi lungu, nu mwamba onsi iutenta na maka.

Danieli 5:6

Alino wene afinya pa manso nupya intete zimulema wakwe cimwi cakuti atandika kuzakaza umu nteo.

Mateo 24:6

Muluvwa inkondo ni mpupilizi zya nkondo kutali, lelo mutakasakamale. Vintu vii vilinzile kucitika, lelo visikulanga ukuti mpelelekezyo yatifika.

Yoswa 2:9

nga azinena ati, “Manyile ukuti Yawe watapeela impanga ii kunomuli nu kuti ingofyo izya pali mwemwe zyatizituponela, cakuti umuntu wensi mu mpanga ii akuzakaza ku ntete pamulandu winu.

Yakapingula 7:21

Umonsi wensi waimi pano yamusontelile, yalizizya insakwe, nga ivita vya anisi vyonsi ivyutuka vila vikukuta.

1 Samueli 13:17

Ivita ivyayanga ku kuzanza ivifuma mu nkambi ya ina Filisti nga ivilungama ku ntunga zitatu. Impuka yonga ilungama ku Ofula ku mpanga ya Syuali,

1 Samueli 13:18

ni mpuka yuze ilungama ku Beti Holoni, nga yakwe citatu ilungama lwaku mupaka ukulolenkana papela ya Cifoloma ca Zeboimu nu lwanga ululi ukulutwe.

1 Samueli 13:23

Aina Filisti yatumile impuka yonga iya vita ku cifoloma cifyenkane icaku Mikimasyi kuti yakaalonda kweneko.

1 Samueli 14:14

Umu kuzanza ukwakutandika kuno Yonatani nu musenda mpamba wakwe wilya yacisile, yakomile antu amakumi yaili umu kacende akanono sile akali manye citika wakwe eka wenga.

1 Samueli 14:16

Alino inengu zyakwe Saulo izyali ku Gibeya mu mpanga yakwe Benjamini izilola kuno ivita ivyali umu nkambi vikusalangana mu ntunga zyonsi.

1 Samueli 7:10

Lino Samueli wapeelanga uwila wakocela Yawe, aina Filisti nayo iyaya pa nkolelo ku kuzanza aina Izlaeli. Lelo pa kasita kaka kwene alino Yawe atuma ukupangalansya ku kalamba sana, cakuti aina Filisti iyavulungana, iyatandika nu kusimula cisimule simule.