1 Samueli 13:7 - Amazwi Yakwe Leza 2013

⁷ Yamwi nayo iyalamba Luzi lwa Yodani iyaya mu mpanga iya ina Gadi nu mu mpanga iya Gileadi. Saulo wene wasile ku Giligali, nga ni vita vyonsi ivyali nawe vila vikuzakaza ku ntete.

1 Samueli 13:7 ပူးပေါင်းရင်းမြစ်များ

Aina Levi 26:17

Nkaamufutatila pakuti anisi inu yamucimvye. Nupya yano amupata yakaamuteeka. Muli nu kuya ni ntete cakuti mukaautuka nalino kusi umwi akumuzinganya.

Malango 20:8

Yamusika akalamba ya vita nayo kwene yalalanda ku antu yati,

Malango 28:25

“Yawe alapeela amaka ku anisi inu akuti yamucimvye. Mulaezya kuyazanza ukutunkila pa ntunga yonga, lelo muluutuka ukufuma kunoyali mulungame ku ntunga zyonsi, cakuti antu yonsi pano nsi yalazakaza ku ntete lino yalalola icacitika kunomuli.

Malango 3:12

“Lino twaposile impanga pa nsita ilya, natoozile impanga nu kuipeela ku amu mutundu wakwe Lubeni nu ku amu mutundu wakwe Gadi, ukutandikila lwaku katutu ka musumba wa Aloeli pipi nu Luzi lwa Alinoni. Injaputwila ni cipande cimwi ica mpanga ya myamba yaku Gileadi, kumwi ni misumba iyaya kweneko.

Yoswa 13:11

Alino ukwikapo na Gileadi, impanga ya antu aku Gesyuli nu ku Maaka, nu ku Mwamba wa Helimoni onsi nga nu ku Basyani konsi ukufika nu ku Saleka.

Yoswa 13:8

Umutundu pakasi wakwe Manase nauze, nga na amu mutundu wakwe Lubeni na Gadi yene walanga yapokelela icaupyanyi cino Mose wayapeezile lwaku ufumondaka wa Luzi lwa Yodani, wakwe vino Mose umuomvi wakwe Yawe wayapezile.

Yakapingula 7:3

ndakai unene antu uti, ‘Wensi akuzakaza ku ntete alinzile afume pa Mwamba wa Gileadi aswilile ukwakwe.’ ” Acino antu amazimbi amakumi yaili na yaili yaswilile kumwao, ikusyala sile antu amazimbi ikumi.

1 Samueli 13:8

Saulo alolela pa manda cinimbali kuti Samueli aize wakwe muno wapingwile. Lelo Samueli atizile ku Giligali, nga antu yakwe Saulo iyatandika ukusalangana iyasya Saulo.

1 Samueli 17:11

Saulo na ina Izlaeli apakuvwa amazwi ya mwina Filisti intete iziyalema iyazakaza sile.

1 Samueli 31:7

Lino aina Izlaeli ali ku lusansa luze ulwa cifoloma nga na yao ali ku mbalama yuze iya Luzi lwa Yodani yalola ukuti aina Izlaeli yauze yapuuka nu kuti Saulo pamwi na ana yakwe yatiyafwa, awe nayo kwene pali pakusama umu mizi yao. Aina Filisti ayano yiiza yapyanikila mwenemo iyaikala.