1 Samueli 12:3 - Amazwi Yakwe Leza 2013

³ Anene apanondi, munsinile pa manso yakwe Yawe na pa manso ya muntu wino watansonta ukuya umwene winu. Uzye aweni wino natazile intolela masaye wakwe nanti punda wakwe? Nanti wino natolile ivintu mu ucenjezi? Uzye aweni wino nacuzizye? Akuli weni kuno natoozile amafukakanwa? Ndi cakuti akunoli wino nacitile cimwi pali vii, mukwai namamuwezezya.”

1 Samueli 12:3 ပူးပေါင်းရင်းမြစ်များ

2 Samueli 22:22

Nkayela isunde lyakwe Yawe. Ntafutatila Leza wane.

Neemiya 5:11

Yawe zezini ukwaula nu kusumba insita. Vyonsi pyu! Ivyalo vyao, ni vyalo vyao vya matingi, imiolivi, na mang'anda yao kwene. Yawe zezini inkongole zya mpiya zino yazime kuno muli!”

Masamu 15:5

Wiyo asilonda ukukwilila umu mpiya zino wakongwesya. Wiyo asipokelela amafukakanwa pakuti yafyenge uwakaele. Muntu wino akacita ivintu vii, pasi icintu nanti conga icingamuponya.

Kufuma 20:17

“Utakumbwa ng'anda ya muzo. Utakumbwa umuci wa muzo, nanti muomvi wakwe umonsi, nanti muomvi wakwe umwanaci, nanti masaye wakwe, nanti punda wakwe, nanti icili consi cino wakwata.”

Kufuma 22:4

Ndi cakuti inyama ino wiya yaizana ipuma ale ali nayo, cisi mulandu inyama iyo ingaya a masaye nanti punda nanti imfwele, wene alinzile kulipa ziili pa nyama yonga.

Kufuma 23:8

Utapokelela mafukakanwa, pamulandu wakuti yene yakapafuzya manso ya antu yano akapingula imilandu, pano mafukakanwa yakalenga mulandu kwipila yao ataponzile.

Mapinda 15:27

Umuntu wino akakumbwa ivyuma vya lufyengo akaletelela sile ing'anda yakwe, lelo wino wapata amafukakanwa alakwata uumi.

Aina Levi 6:4

Avino umuntu ndi wifya mu musango umwi ndi uu, alinzile kuwezezya umuze consi cino watola mu ucenjezi.

Aina Levi 6:5

Pa wanda uno akupeela uwila wa cizumila mulandu alinzile awezezye umweneco vintu vyonsi vino watozile. Lyene aungilizyepo icintu conga pali cila visano.

Mpendwa 16:15

Lyene Mose asoka cuze, nga anena Yawe ati, “Suula ivya wila wao. Ntatala nifya umwi panoyali nupya ntatala nayatolela nanti a punda wenga.”

Mateo 22:21

Nao yamwasuka yati, “Ivyakwe Kesa.” Alino nawe ayanena ati, “Caleka pelini Kesa vyakwakwe, Leza nawe mumupele vyakwakwe.”

Luka 19:8

Zakeyo nawe aimilila anena Mwene ati, “Mwene, uvwa! Ndapela citika wa vyuma vyane ku apina. Nupya ndi natala nacenjezya umwi cili consi, ndamuwezezya maila yani kulingana ni cintu cico.”

Milimo 20:33

Ntakumbwike impiya nanti vyakuzwala vya muntu ali wensi.

2 Kolinto 12:14

Lii, ila lyakwe citatu lino nkupanga kwiza mutandalila. Lelo na ndakai ntakulonda kulenga cimwi kuno muli. Nkulonda sile mwemwe, lelo asi kuya wa cisendo kuno muli. Usi mulimo wa ana kusungila akwasi yao vyuma, lelo mulimo wa akwasi kusungila ana yao.

Malango 16:19

Yene yasi nu kuya nu lufyengo nanti akasoozi pa kupingula. Nupya yatalinzile ukutoola amafukakanwa, pano amafukakanwa yakapafuzya antu ya mano na acumi kwene, nu kuleka kuti yatapingula ningo.

1 Tesalonika 2:10

Mwemo pali pamwi na Leza mwemwe yakambone itu ukuti micitile itu kunomuli yali yamuzilo, yololoke, nupya yaula mulandu.

1 Tesalonika 2:5

Mumanyile ningo ukuti tutizile mukwezya kutumpika umuntu umwi. Leza umwisikulu amanyile ukuti vino twacisile vitali ivyakufikilizya lwiswa munotuli.

1 Petulo 5:2

kuti musunge ningo mauvi yakwe Leza. Citini cii mu musango uli onga na uno yakacema yakasungilamo mfwele. Mwacita cii ndi vino Leza akalonda kuti mucite, kwaula kupatikiziwa. Ombini mulimo winu asi pamulandu sile wa kulipilwa, lelo pamulandu wa kulondesya kutumikila.

1 Samueli 10:1

Lyene Samueli atoola umusazi wa mafuta ya miolivi ayapongolwela pa mutwe wakwe Samueli nga amutonsola, nga amunena ati, “Yawe umwisikulu aliwe wakusonta kuti uye umwene wa antu yakwe aina Izlaeli. Wewe uli nu kuteeka antu yakwe Yawe nu kuyatuula ku anisi yao, yano yayalizizya. Wemo ulapelwa icimanyililo ica kukulanga ukuti Yawe watasonta wewe ukuya umwene wa antu yakwe.

1 Samueli 12:4

Alino nao iyamwasuka iyati, “Awe, utatala watutolela cimwi mu ucenjezi nanti ukutucuzya, nupya utatala watola amafukakanwa ku muntu ali wensi.”

1 Samueli 12:5

Samueli nawe ayanena ati, “Yawe pamwi nu mwene wino watasonta ali kambone akupeela umboni uwakuti mutanzanyile nu mulandu uli onsi.” Nayo yavwanga iyati, “Endi, wene akambone.”

1 Samueli 2:35

Ndailondela nenga simapepo uwampomvu wino alaomba vyonsi vino nkulonda. Indamupeela ana, yano yalaatumikila lyonsi pa manso yakwe kateeka wino nasolola.

1 Samueli 24:11

Tata, silola akapimfya ka mwingila wako kano ndemile mu minwe! Ninalepula isempele lya mwingila wako, lelo ntakukomile. Acino lyene manya vino nemo ntakweti umulandu umwi nupya ntakusangukila awe. Nemo ntifya kunuli, lelo wemo ukundunga kuti unkome.

1 Samueli 24:6

nga anena antu yakwe ati, “Si angala Yawe andesye ukucitila umusambazi wane icintu icamusango uu, wikwene wino Yawe wasolola ukuya umwene! Nemo ntalinzile ukumucitila iciipe icili consi, pamulandu wakuti wene umwene wino Yawe wasolola!”

1 Samueli 24:7

Acino Davidi akalipila antu yakwe ukuti yatalinzile ukuzanza Saulo. Saulo akatuka, afuma mwi cele, nga apita.

1 Samueli 26:11

Lelo nemo Yawe wandesya ukukoma umuntu wino wene wasolola ukuya umwene. Wemo senda sile isumo lyakwe lino asimfile pipi nu mutwe wakwe nga ni ntungo ya manzi, nga twapita.”

1 Samueli 26:9

Davidi nawe aasuka Abisyai ati, “Utezya ukumukoma! Uzye aweni angazanza umuntu wino Yawe wasolola ukwaula kuti avunukwe?