1 Samueli 12:20 - Amazwi Yakwe Leza 2013

²⁰ Samueli nawe aasuka ati, “Mutuvwa intete. Nanti angala mwacisile inkota zi zyonsi, mutata ukupepa Yawe. Lelo mwamutumikila ni myenzo inu yonsi.

1 Samueli 12:20 ပူးပေါင်းရင်းမြစ်များ

1 Milandu 28:9

“Acino we mwanane Solomoni, wauvwila Yawe Leza wa vikolwe vyako, nu kumutumikila nu mwenzo wako onsi, umu kuitemelwa. Pasi pano Yawe akaceceta umwenzo wa muntu ali wensi, nu kumanya ilango ni vilondwa vitu vyonsi. Ndi cakuti wamulondalonda, ulamuzana. Lelo ndi wamufutatila, nawe kwene alakutazyela umuyayaya.

Masamu 101:3

Intalatala indolekesye apa viipe. Nemo napata ivicitwa vya antu akakusangukila we Leza, nsivisumbako namano foo.

Masamu 125:5

Lelo antu yano yakalondela inzila izipe, Yawe alayavunuka kumwi na yakaifya. Mutende uye kunuli we Izlaeli!

Masamu 40:4

Walongo umuntu wino wataila muli Yawe, wiyo asitwala amano uku tuluwi nanti asilondelela yakapepa yakwe tuleza twaufi.

Kufuma 23:25

Ndi mwampepa nene ne Yawe Leza winu indamupolelela. Ndalenga kuti muye ni vyakulya nga na manzi, nu kulenga kuti mutalwala.

Kufuma 32:30

Uwanda walondelela Mose anena antu ati, “Mwacisile iifyo iliipe cuze. Lelo ndakai namaswilila kuli Yawe ku mwamba, limwi ningamucitila ulutambi lwa kufuta amaifyo. Limwi angamwelela iifyo linu.”

Yelemiya 3:1

Yawe akuti, “Umuntu ndi wata umuci, nawe waya watwalwa kuze, uzye wene angaca aweluluke kuli wino wamuzinzile? Uzye impanga yonsi ale itati ikowele? Uzye lyene we Izlaeli ukulonda uweluluke kunondi, wemuno wacitanga uzelele nu kutemwa aingi?

Hagai 2:5

Mutuvwa intete awe, pano umupasi wane uli pano muli kuti umwazwe muli vyonsi vino mukucita ndi vino nalavile lino namufumizye umu Eguputo.”

Malango 10:12

“Mwe ina Izlaeli, uvwini vino Yawe Leza winu akalonda kuti mwacita. Oopini Yawe Leza winu, mwalondela nu mu ntampulo zyakwe zyonsi. Mwamutemwa nu kumutumikila ni myenzo inu yonsi nu umi winu onsi,

Malango 11:16

“Muce mutekele pano limwi mungaca musombwe pakuti mumfutatile nga mukaapepa nu kutumikila tuleza tuze.

Malango 31:29

Natimanya ukuti pacisila ca mfwa yane antu mulaya yakacita ya nkota nupya mulakana ivintu vino namusambilizya. Nga ukunkolelo amazanzo yalamuponela, pamulandu wakuti mwemo mulacita ivintu ivilalenga ukuti Yawe asoke, vino wene walesya.”

Yoswa 23:6

Acino fwandi mwaikomelezya nu kutekela pa kulondela vyonsi ivyalembwa mu lupapulo lwa Masunde yakwe Mose, ukwaula kusya nanti cimwi.

1 Petulo 3:16

Lelo mwacita cii na mazwi amutembo nu mucinzi. Lekini myenzo inu iye isuma. Ndi mwacita cii ale lyene mulalenga antu insonyi, yao yano yakalanda viipe pa milimo inu isuma ya alondezi yakwe Klistu.

1 Samueli 12:19

Alino antu yonsi pamwi iyanena Samueli iyati, “Sungala utupepele swe aomvi yako kuli Yawe Leza wako pakuti tutafwa, pasi pano twatitulunda pa maifyo itu yonsi iifyo lii ilya kuilengela umwene.”