1 Samueli 12:18 - Amazwi Yakwe Leza 2013

¹⁸ Icaleka Samueli apepa kuli Yawe, nga uwanda kwene ulya Yawe atuma ukupangalansya ni mvula. Acino antu yonsi pasi pakuvwa intete sana pamulandu na Yawe nga na Samueli.

1 Samueli 12:18 ပူးပေါင်းရင်းမြစ်များ

1 Yamwene 18:42

Lino Aabu waya ku kulya, Eliya nawe ali pakusyala wakwela pa mwamba wa Kalimeli, afukama aika nu mutwe wakwe umu mpamba.

Ezila 10:9

Fwandi Ayuda na ina Benjamini, avino yakongine mu Yelusalemu mu manda yatatu. Lilyo cali pa wanda walenga makumi yaili mu mwezi walenga fundimbali. Antu yonsi yatuulile mu musolo wa Ng'anda ikulu yakwe Leza, ala yakuzakaza sile apamulandu kwene uu na pa mvula iyatonyizye wakwe cimwi.

Yobo 37:13

Cino Leza waletela amakumbi ni mvula pano nsi, limwi apakuti avunuke antu pano nsi, nanti limwi apakuti ayapeele ivintu ivisuma.

Masamu 99:6

Mose na Aaloni yali a yasimapepo yakwe Leza. Samueli nawe wali umuntu uwamupepanga. Ali yano yalaizyanga kuli Yawe nga nawe wayasukanga.

Kufuma 14:31

Lino aina Izlaeli yalola maka yano Yawe waomvya pa kucimvya aina Eguputo, iyatandika koopa Yawe. Pali cii aina Izlaeli yataila Yawe na Mose muomvi wakwe.

Yoswa 10:12

Pa wanda uno Yawe wapile aina Amoli mu makasa ya ina Izlaeli, Yoswa wavwanzile kuli Yawe. Pa manso ya ina Izlaeli avwanga ati, “We lanzi, imilila papela ka Gibyoni, na we mwezi, imilila papela ka Cifoloma ca Aiyaloni.”

Yoswa 4:14

Uwanda ulya Yawe acindamika Yoswa sana pa manso ya ina Izlaeli yonsi. Nga antu iyamucindika mu manda ya umi wakwe onsi, ndi vino yacindikanga Mose.