1 Samueli 10:7 - Amazwi Yakwe Leza 2013

⁷ Lino ivimanyililo vii vyonsi vyaya vyaloleka, uye ukacite icintu icili consi cino wayalola ukuti acili cino cingakuzipila, pasi pano Leza ali nawe.

1 Samueli 10:7 ပူးပေါင်းရင်းမြစ်များ

Utandiko 21:20

Leza wali nu mwana mu kukula kwakwe. Mwana wilya watenzi mu Lwanga lwa Palani, aya umulunzi mucenjele nupya uwamaka.

2 Samueli 7:3

Natani aasuka Davidi ati, “Ale mwandi cita consi cino utemilwe, pano Yawe waya nawe pee.”

Yobo 31:25

Ntatala nakwata icilumba apamulandu nu wingi wa vyuma vyane.

Kufuma 4:8

Yawe avwanga ati, “Ndi yatalakutaila nanti kusininkizya pa cizungusyo cankolelo ukuti nene nakutuma, lyene cizungusyo cii cene cilasininkizya kunoyali.

Kasambilizya 9:10

Uwaombesya muli vyonsi vino ukucita, pano kuzimo kutalaya vicitwa, kutalaya amelenganyo, kutalaya kumanya, kutalaya amano, nga kuko akuno ukuya.

Ezaya 7:14

Lyene Yawe umwisikulu amakulangizya icimanyililo conga. Akunoli umukazyana umwi, wiyo anyomelile. Aliwe alavyala umwana umonsi wino yalatemela izina lyakwe Imanueli.

Mateo 1:23

“Umukazyana atamanya umonsi alasenda indilwa nupya alavyala umwana umonsi, nga yalamutemela izina yati a Emanueli,” (kuli kuti, “Leza ali naswe”).

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Luka 2:12

Na cii cimaya cilangililo kunomuli. Mumaya mukazane mwana akanya kafufilwe mu nsalu nupya kalalikwe mu mulangu.”

Yoane 6:14

Caleka lino antu yalola cilangililo cino Yesu wacita yavwanga yati, “Cumi wii ali kasema wino malembelo yakati ali nu kwiza!”

Malango 20:1

“Ndi mwaya ku kulwa inkondo, mwalola ukuti anisi inu pamwi ni vilwilo vyao ivya nkondo ivili wa maceleta, ni mfwalasi, vyaluta iviinu ku wingi, mutakuvwe intete. Pano Yawe Leza winu, uwamufumizye mu Eguputo alaya namwe.

Ayebulai 13:5

Mwaikala umi uwa kuntatemwisya impiya, mwalola ukuti vino mukweti vyamukwana. Pano Leza wati, “Ntalatala imusye nanti kumutazyela.”

Yoswa 1:5

Kusi umuntu nanti wenga alakucimvya we Yoswa, mu manda yonsi aumi wako. Vino nayanga na Mose avino namayanga nawe. Ntalatala inkusye awe, nupya ntalakutazyela foo.

Yoswa 1:9

Uwaiusya lyonsi ilamulo lino natinkupeela ilya kuti uposye nupya uzyansye! Uposye nupya uzyansye, pano Yawe Leza wako amayanga nawe konsi kuno umayanga.”

Yakapingula 6:12

Alino umungeli wakwe Yawe aloleka kuli Gidyoni nga avwanga ati, “Yawe ali nawe, we cita cikanzane!”

Yakapingula 9:33

Alino mutondo katondotondo lino ilanzi litacili litunke, mukize mukazinguluke umusumba ulya. Pasi pano lino Gaali ni vita vyakwe yalakatuka ku kwiza mukomenkanya, mukayafulule icikalale kwene apapezile amaka inu.”

1 Samueli 2:34

Ni cilaponela ana yako yaili, Hofini na Pineasi, cilaya icilangililo kunuli cakuti yoili kwene yalafwa imfwa pa wanda onga kwene.

1 Samueli 20:13

Lelo ndi cakuti tata akukwatile amapange aipe, cingazipa ukuti Yawe ace ancitile icili cimwi kwene nu kulusya penepo, ndi cakuti ntalakumanyisya nu kuleka kuti wongoloke ulumi. Si angala Yawe aye nawe wakwe vino wene wali na tata.

1 Samueli 3:19

Lino Samueli akukula, Yawe wali nawe, nga kutali izwi nanti lyonga pa mazwi yano walandanga lino litafikiliziwe.