1 Samueli 10:27 - Amazwi Yakwe Leza 2013

²⁷ Lelo intalanganyi zimwi zivwanga iziti, “Uzye umuntu kwene wii angatutuula uli?” Yene yasuuzile Saulo nupya yatamuletile nanti uwila umwi. Lelo wene wasuuzile sile.

1 Samueli 10:27 ပူးပေါင်းရင်းမြစ်များ

2 Samueli 20:1

Kwali kweneko kacita wa mpanzela wino yatemile izina iyati a Syeba, umwana wakwe Bikili, uwamu luko lwakwe Benjamini. Wene alizya intandala apunda ati, “Tusi ku lusansa lwakwe Davidi! Nupya tutakulondela umwana wakwe Yese! Mwe ina Izlaeli, si tuini tuswilile kumwitu!”

2 Samueli 8:2

Lyene acimvya na ina Moabu. Anena anyepwe kuti yalambalale pansi nga akoma yaili muli cila umba lya asilika yatatu. Acino aina Moabu iyateekwa na aliwe nga iyamupeela ni misonko.

1 Yamwene 10:25

Cila mwaka, umuntu wensi uwizanga kunoli wamuletelanga amawila. Amawila yayo yali akwe siluva na zaabu, nga ni mingila, ni vyanzo nga ni vyakununkizya ivyakulya, ni mfwalasi ni nyumbu.

1 Yamwene 4:21

Uwene wakwe Solomoni watandikile ku Luzi lwa Yufulate mpaka nu ku mpanga ya ina Filisti, ukufika nu ku mupaka wa Eguputo. Antu amu mpanga zii yasonkanga imisonko kuli Solomoni nu kumutumikila amanda yonsi ya umi wakwe.

1 Yamwene 5:1

Hilamu umwene waku Tuli wali acuza wakwe Davidi lyonsi kwene. Nga lino uvwa ukuti Solomoni iyamupaka amafuta nu kumulasika uwene kuti apyane isi Davidi, atuma inkombe zyakwe kuli Solomoni.

2 Milandu 13:7

Ni viwelewele vya antu navyo vyamulondelezya, vyawila kuno ali. Vyatandika nu kupatikizya Leoboamu umwana umonsi wakwe Solomoni apamulandu sile nu wance wakwe, nawe waposiwa ukuyakanya.

2 Milandu 17:5

Yawe nawe fwandi ali pakukomya uwene wakwe Yeosafati apakuteeka ningo Ayuda. Na antu yonsi nayo ali pakumutuula ivintu, fwandi nawe ali pakukwata icuma acindama wakwe cimwi.

Masamu 38:13

Indi sile wakwe cipuli akuposiwa ukuvwa, wakwe ciulu akuposiwa ukuvwanga.

Masamu 72:10

Yamwene aku Tasyisyi, na yaya aikala lwa mu vilila yalukuleta amawila kunoli. Yamwene aku Syeba na aku Seba nayo yalukuleta ivya mawila kunoli.

Kasambilizya 7:21

Nupya utasumba amano kuli vyonsi vino antu yakuzaila, pano limwi unguvwa yakuti umuomvi wako akukutuka.

Ezaya 36:21

Awe cumi, lyene alino antu nayo yikala sika! Yikala cele ukwaula ni cakwasuka, pano umwene Hezekiya wayakonkomizye ukukana asukako.

Mateo 2:11

Alino iingila mu ng'anda, yalola mwana wilya na nyina Maliya, yamufukamila yamupepa. Alino yasapula vyuma vyao, nga yamupeela mawila yakwe zaabu, ubani nga ni vyamununko usuma, Mule.

Milimo 7:35

“Mose ali wino aina Izlaeli yakanyile lino yavwanzile yati, ‘Uzye aweni uwakucita kuya intunguluzi na kapingula panotuli?’ Wene ali wino Leza watumile ku kutungulula antu nu kuyakulula kufuma mu uzya nu wamwazwanga u mungeli wino uwalolike kunoli mu cimpuza icapyanga.

Malango 13:13

ukuti antu yamwi awelewele yatiyazunya akaya amu misumba iyo pakuti yatumikila tuleza tuze tuno mutatala mwapepa.

1 Samueli 11:12

Alino lyene aina Izlaeli iyanena Samueli iyati, “Uzye antu yaya akanyile ukuti Saulo aye umwene wao yali kwi? Yaletini kuli sweswe pakuti tuyakome!”

1 Samueli 11:13

Lelo Saulo aasuka ati, “Kusi nanti wenga angakomwa umu wanda wilelo, pano apilelo Yawe watakulula aina Izlaeli.”

1 Samueli 16:20

Yese nawe pali pakutoola punda amulongelezya imikate, inyambi yakwe waini na kambuzi nga anena Davidi umwana wakwe kuti atwalile Saulo.

1 Samueli 2:12

Ana aonsi yakwe Eli yali antu yaukakasi. Yene yatacindike Yawe.

1 Samueli 25:17

Acino fwandi elenganya sile ningo, ulole cino ungacita penepo, pamulandu wakuti uzanzo wasya uponele umusambazi witu pamwi na ang'anda yakwe. Nabali wene uwalwiswa nupya asipindululwa cakuti citangazipa ukulandana nawe!”