1 Samueli 10:24 - Amazwi Yakwe Leza 2013

²⁴ Samueli anena antu yonsi ati, “Uzye mwailolela umuntu wino Yawe wasolola? Kusi nanti wenga wino yalingine nawe pali mwemwe.” Antu yonsi nayo yaasuka iyapunda iyati, “Si kalukuwala kuli we mwene!”

1 Samueli 10:24 ပူးပေါင်းရင်းမြစ်များ

2 Samueli 16:16

Lino Husyai umwina Aliki, nupya cuza wakwe Davidi, wakomenkanya Abusalomu, apunda ati, “Si kawala we mwene! Si kawala we mwene!”

2 Samueli 21:6

Acino utupeele aonsi cinimbali amu mupanda wakwe, nga naswe tumayanyonga pa manso yakwe Yawe ku Gibeya, umusumba wakwe Saulo, umwene wino Yawe wasolwile.” Umwene nawe aasuka ati, “Namayapeela kunuli.”

1 Yamwene 1:21

Ndu tacisile vivyo, ale lyene zuwazuwa lino ulafwa Solomoni umwana wane umonsi pamwi nani kwene yalatukoma kwati sweswe yacisanguka.”

1 Yamwene 1:25

Ilelo kwene wene wataya atoola ing'ombe ni mfwele nu twana twa ng'ombe utwingi utwine, nga apeela impolelwa. Wataama ana yako aonsi yonsi, na Yoabu, musika mukalamba uwa vita vyako, na simapepo Abyata. Nga vikwene yakulya nu kumwa pamwi na aliwe, nu kupunda yati, ‘Si kalukuwala we mwene Adoniya!’

1 Yamwene 1:34

Kuku kwene akuno Zadoki simapepo na kasema Natani yalinzile kumupongolwela amafuta kuti aye umwene wa Izlaeli. Alino lyene mulizye intandala nu kupunda muti, ‘Si kawala we mwene Solomoni!’

1 Yamwene 1:39

Kuku kwene akuno simapepo Zadoki atoola umusazi wa mafuta ya miolivi uno wafumizye kwi Taalu lwakwe Yawe nga apongolwela Solomoni amafuta. Alino iyalizya intandala, nga antu yonsi iyapunda yati, “Si kawala we mwene Solomoni!”

2 Yamwene 11:12

Yeoyada ali pakufumizya Yoasyi umwana wa mwene apanzi, nga amuzwika ni ngala ya wene, amupeela nu lupapulo lwa masunde ya pa cilimba ca wene. Fwandi ali vino lyene yamupasile amafuta nu kumulasika apa wene. Antu yonsi ali pakukomela amakufi nga yapunda yati, “Si kawala we mwene!”

2 Milandu 23:11

Cuze cino wacisile, wayafumizizye umwana wa mwene nu kumuzwika ingala nga amupeela nu lupapulo lwa masunde. Pakumalila amulasika apa wene. Alino Yeoyada kumwi na ana yakwe iyamupaka inkula. Nga apali pano antu yonsi yapunda yati, “Si kawala we mwene!”

Mateo 21:9

Antu ali nkolelo nga na alondile cisila yonsi pamwi yasanzula mazwi yao yati, “Mucinzi upelwe ku Mwana wakwe Davidi! Walongo awiyo akwiza mwi zina lya Mwene! Mucinzi upelwe kuli Leza uwa papelapela!”

Malango 17:15

Mukasininkizye ukuti umuntu wino mwasolola awiyo wino na Yawe Leza winu angamusolwela. Wene alinzile waya aumwi uwamu antu inu. Mutakezye ukuteeka umwinamasi pa cilimba kuti aye umwene winu.

1 Samueli 11:15

Acino yonsi kwene iyaya ku Giligali, nga kuku kwene pa manso yakwe Yawe iyazengela uwene wakwe Saulo. Kuku kwene akuno yaile yapeela impolelwa izyacuvwano pa manso yakwe Yawe, nga Saulo na ina Izlaeli yonsi iyazevya uwanda uwo wakwe cimwi.

1 Samueli 12:1

Alino Samueli anena aina Izlaeli yonsi ati, “Nuvwile ku mazwi inu muli vyonsi vino mwanenyile nga nani imupeela umwene uwa kumuteeka.

1 Samueli 12:13

“Aleni fwandi wii ali mwene wino mwasolwile, wino mwalenzile, nupya wino Yawe walasika uwene pali mwemwe.

1 Samueli 9:2

Kisyi wakweti umwana umonsi wino yatemile izina iyati a Saulo. Saulo wali umulumendo umwi umuyembe sana cakuti mu ina Izlaeli kusi uwamulusizye ukuzipa. Wene wali umuntu umwi umusolopoke. Nupya wali umutali ukuluta yonsi.