1 Samueli 10:21 - Amazwi Yakwe Leza 2013

²¹ Lyene Samueli pali pakupalamika umutundu wakwe Benjamini, uluko nu luko, nga uluko lwakwe Matili ilusololwa. Alino lyene apakusyalikizya Saulo umwana wakwe Kisyi asololwa. Lelo lino yamulonzile, yatamuweni.

1 Samueli 10:21 ပူးပေါင်းရင်းမြစ်များ

2 Samueli 3:19

Abineli avwanga nu ku aina Benjamini kwene nga aya ku Hebuloni ku kunena Davidi vino antu yakwe Benjamini na ina Izlaeli yazumilizyanyizye ukucita.

Mapinda 18:18

Ukupendola kukamala ivikanza. Kwene kukamala impanzela apakasi ka asambazi.

Yona 1:7

Lyene alendo ali mu combo yavwanzyanya yati, “Tuyini tupendole kuti tumanye uwatatuletelela umupamba uu.” Alino yapendola, nga cilema Yona.

Milimo 13:21

“Lyene lino yuzya ukuti yakwate Mwene, Leza ayapeela Saulo, mwana wakwe Kisi, uwamu luko lwakwe Benjamini, kuti aye umwene wao pa myaka makumi yani.

1 Samueli 10:20

Alino Samueli apalamika imitundu yonsi iya ina Izlaeli, nga umutundu wakwe Benjamini auno usololwa.

1 Samueli 10:22

Acino iyatwalilila ukuuzya Yawe iyati, “Uzye umuntu wi wataiza pano?” Yawe aasuka ati, “Awiyo afisime mu viya.”

1 Samueli 9:2

Kisyi wakweti umwana umonsi wino yatemile izina iyati a Saulo. Saulo wali umulumendo umwi umuyembe sana cakuti mu ina Izlaeli kusi uwamulusizye ukuzipa. Wene wali umuntu umwi umusolopoke. Nupya wali umutali ukuluta yonsi.