1 Samueli 10:1 - Amazwi Yakwe Leza 2013

¹ Lyene Samueli atoola umusazi wa mafuta ya miolivi ayapongolwela pa mutwe wakwe Samueli nga amutonsola, nga amunena ati, “Yawe umwisikulu aliwe wakusonta kuti uye umwene wa antu yakwe aina Izlaeli. Wewe uli nu kuteeka antu yakwe Yawe nu kuyatuula ku anisi yao, yano yayalizizya. Wemo ulapelwa icimanyililo ica kukulanga ukuti Yawe watasonta wewe ukuya umwene wa antu yakwe.

1 Samueli 10:1 ပူးပေါင်းရင်းမြစ်များ

2 Samueli 1:14

Nupya Davidi aswilizya ukumuzya ati, “Uzye pacani cino utuvwile intete zya kukatusya ikasa lyako nu kukoma umusololwe wakwe Yawe?”

2 Samueli 19:39

Lyene Davidi na antu yakwe yonsi iyalamba Yodani. Alino atonsola Balizilai nu kumupolelela, nga Balizilai aswilila ukwakwe.

2 Samueli 20:19

Umusumba witu ukulu, onga pa misumba ya ina Izlaeli umwaya umutende nu kuyela sana. Uzye pacani cino ukulonda uwonone? Uzye ukulonda ukonona icintu cakwe Yawe?”

2 Samueli 5:2

Ku mpiti, lino Saulo wali umwene awewe kwene watungululanga aina Izlaeli umu nkondo. Yawe nawe wakulavile ukuti ulatungulula antu yakwe nu kuya umwene wao.”

1 Yamwene 1:34

Kuku kwene akuno Zadoki simapepo na kasema Natani yalinzile kumupongolwela amafuta kuti aye umwene wa Izlaeli. Alino lyene mulizye intandala nu kupunda muti, ‘Si kawala we mwene Solomoni!’

1 Yamwene 19:18

Lelo nemo indi nu kusya penepo antu ukulingana na mazimbi cinimbali, yao atatala yantalamila nupya yatatala yafukamila Baali nanti ukutonsola kaluwi kakwe.”

2 Yamwene 20:5

“Swilila ukamunene Hezekiya umwene wa antu yane uti, ‘Yawe, Leza wa cikolwe cako Davidi wavwanga ukuti natinuvwa ukupapata kwako, na minsozi yako natinjalola. Fwandi nemo namakupozya nu wanda uwalenga yatatu, ale wakwela kunondi, uku Ng'anda ikulu yakwe ne Yawe.

2 Yamwene 9:1

Walanga papita akasita, kasema Elisya aama wenga wa muli yakasema nga amunena ati, “Iteyanye ukuya ku Lamoti mu mpanga yaku Gileadi, usende nu musazi wa mafuta.

2 Yamwene 9:12

Nayo yati, “Awe, wemo tunene sile. Tutamanyile penepo nanti cimwi.” Yeu nawe ayanena ati, “Wene waliwanena amazwi yakwe Yawe akuti Yawe watavwanga ati, ‘Nene nakulasika pa cilimba ca wene wa ina Izlaeli.’ ”

Masamu 135:4

Pano Yawe waisolwela Yakobo kuti aye uwakwakwe, wacita Izlaeli ukuya icuma cakwe.

Masamu 2:12

Pano wene ndi wasoka angamulovya, pano icipyu cakwe cikaaka zuwa. Alongo ayayo akazina kunoli.

Masamu 78:71

nu kuwaka utwana twa mfwele. Wamucita umwene wa ina Izlaeli, ali pakuya kacema wa antu yakwe Leza.

Kufuma 30:23

“Utole vyamununko usuma kulingana makilogalamu yatatu yakwe mule nanti vya musango wakwe kinamoni, makilogalamu yatatu a visali vinunkile ningo,

Yelemiya 10:16

Leza wakwe Yakobo atakoline nato. Wene uwaumvile ivintu vyonsi. Nupya aliwe kwene wasolola aina Izlaeli kuti yaye antu yakwe kololo. Izina lyakwe a Yawe Wamaka yonsi.

Ezekelo 16:13

Fwandi, wakweti sile iviyembelo vyakwe zaabu na siluva, insalu zitelepelele ni zipikulwe, walyanga usu utonyoleke, uuci ni vya manona. Wasuka wayemba wakwe cimwi cakuti wafika na kuli unamwene.

Oseya 13:2

Na ndakai kwene yacili yakutwalilila ukwifya. Yakaipangila utuluwi twakwe siluva, amaunkolanya ya vyela yano yapangwa ningo, yano antu yetetwile nu kupanga na makasa yao. Lyene yavwanga yati, “Pelini impolelwa kunoyali, tonsolini utuluwi tuu utwaya mu musango wakwe yacipambasi.”

Milimo 13:21

“Lyene lino yuzya ukuti yakwate Mwene, Leza ayapeela Saulo, mwana wakwe Kisi, uwamu luko lwakwe Benjamini, kuti aye umwene wao pa myaka makumi yani.

Malango 32:9

Pasi pano Yawe wasolwile antu yakwe, amu mutundu wakwe Yakobo ali caupyani cakwe.

1 Tesalonika 5:26

Mulamuke ataila yonsi mu kutonsolana kwa wina.

Ayebulai 2:10

Cali icisuma ukuti Leza, wino uwaumba vintu vyonsi nu kuvisunga ningo, acite Yesu aye umufumaluke mu kupita mu macuzi kuti atungulule ana yakwe aingi kukumako ku lulumbi lwakwe. Pano Yesu ali ntunguluzi ya kuyatungulula ku ufyusi.

Umbwilo 5:8

Lino akucita vii, viumbwa vyaumi vini pamwi na ikolo makumi yaili na yani yafukamila Mwana wa mfwele. Cila wenga wakweti zeze nga ni ngeso zyakwe zaabu izyazilemo vya mununko usuma nga navyo vili mapepo ya antu yakwe Leza.

1 Samueli 12:3

Anene apanondi, munsinile pa manso yakwe Yawe na pa manso ya muntu wino watansonta ukuya umwene winu. Uzye aweni wino natazile intolela masaye wakwe nanti punda wakwe? Nanti wino natolile ivintu mu ucenjezi? Uzye aweni wino nacuzizye? Akuli weni kuno natoozile amafukakanwa? Ndi cakuti akunoli wino nacitile cimwi pali vii, mukwai namamuwezezya.”

1 Samueli 13:14

Lelo ndakai uwene wako utamalengela. Yawe watailondela umuntu muze wino akasi nu kumulasika utesi pa antu yakwe, pamulandu wakuti wemo wakana ukusunga isunde lyakwe.”

1 Samueli 15:1

1 Samueli anena Saulo ati, “Nene indi muntu wino Yawe watatuma kuti nize nkupake amafuta nu kukulasika uwene wa ina Izlaeli. Acili cino fwandi utezye amazwi yakwe Yawe.

1 Samueli 15:17

Samueli nawe amunena ati, “Nanti angala mpiti wailolanga wemwisikulu wa muntu umucepesye pa antu, ala wewe uli ntunguluzi ya mitundu yonsi iya ina Izlaeli. Yawe, uwakulasike utesi pa ina Izlaeli.

1 Samueli 16:1

Yawe anena Samueli ati, “Uzye fwandi wemo ulata lilaci ukutezela Saulo? Nemo namukana mpiti ukuti atangaya umwene wa ina Izlaeli. Wemo zuzya sile amafuta umu musazi wako nga ukatuke uwapita. Namakutuma kwakwe Yese umwina Betelemu. Natinsolola wenga uwamu ana yakwe aonsi kuti aye umwene.”

1 Samueli 16:13

Samueli atoola umusazi wa mafuta amupaka pa manso ya ina yakwe yonsi. Ukutandika pa wanda kwene uwo Mupasi wakwe Yawe wikila pali Davidi nga utamusile. Lyene Samueli akatuka aswilila ku Lama.

1 Samueli 2:10

Anisi yakwe Yawe yalaloviwa lilyo lino alayafokela nu ukali wakwe, ukufuma kwiyulu ungati ukupangalansya. Yawe aliwe alapingula antu yonsi. Wene alapeela amaka ku mwene nu kulenga kuti wino wasolola aye kacimvya.”

1 Samueli 24:6

nga anena antu yakwe ati, “Si angala Yawe andesye ukucitila umusambazi wane icintu icamusango uu, wikwene wino Yawe wasolola ukuya umwene! Nemo ntalinzile ukumucitila iciipe icili consi, pamulandu wakuti wene umwene wino Yawe wasolola!”

1 Samueli 26:11

Lelo nemo Yawe wandesya ukukoma umuntu wino wene wasolola ukuya umwene. Wemo senda sile isumo lyakwe lino asimfile pipi nu mutwe wakwe nga ni ntungo ya manzi, nga twapita.”

1 Samueli 26:9

Davidi nawe aasuka Abisyai ati, “Utezya ukumukoma! Uzye aweni angazanza umuntu wino Yawe wasolola ukwaula kuti avunukwe?

1 Samueli 8:19

Lelo antu iyakana ukutezya vino Samueli walandanga. Yene yavwanga iyati, “Awe! Swemo tukulonda umwene uwakututeeka.

1 Samueli 8:9

Ali cino fwandi wemo ule uyuvwe sile. Lelo kwene ulinzile ukuyasoka nu kuyanenela calimwi vino umwene wao alacita kunoyali.”

1 Samueli 9:16

“Mutondo pa kasita kwene ndi kaka kwene ndakutumila umuntu umwi uwamu mpanga yakwe Benjamini. Ali wino wemo ukasonte ukuya umwene wa antu yane aina Izlaeli. Wene alakulula antu yane ku makasa ya ina Filisti. Nemo natindola ukucula kwa antu yane, pano nuvwa mpiti inkuta yao.”

1 Samueli 9:27

Lino yafika ku mpelelekezyo ya musumba, Samueli anena Saulo ati, “Nena umuomvi wako kuti atukolelele. Lelo wemo utale ulolele pano panono, pakuti nkunene amazwi yano Yawe watavwanga.” Umuomvi wilya nawe acita vivi kwene.