1 Samueli 1:26 - Amazwi Yakwe Leza 2013

²⁶ Alino Hana anena Eli ati, “Musambazi, uzye unganjiusya? Anene umwanaci wilya uwimilile muno apipi nawe ala akupepa kuli Yawe.

1 Samueli 1:26 ပူးပေါင်းရင်းမြစ်များ

Utandiko 42:15

Pakuti nsininkizye ukuti vino mukuvwanga pali nkwangu winu ivyacumi, namacita vii: Mwi zina lyakwe Falao nalapa ukuti mutalaswilila mpaka muto winu akize kuno.

2 Samueli 11:11

Uliya nawe aasuka Davidi ati, “Aina Izlaeli na ina Yuda yonsi yali ku nkambi, nga umusambazi wane Yoabu nga na makombe ya mwene yatiyakuula insakwe pa mpanga pa mbiliwili. Uzye lyene icani icingaleka nene inje ukwane ku kumwa nu kulya nu kulala nu muci wane? Awe icumi nalaya nu mulapo ukuti cico cene ntange ncicite!”

2 Samueli 14:19

Umwene nawe auzya ati, “Uzye kwene ukunena ukuti asi a Yoabu wino mwaya nawe muli vyonsi vii?” Umwanaci wilya nawe aasuka ati, “Icumi kwene lino we mwene ucili nu umi, kusi umwi angakutumpoka. Endi, umuomvi wako Yoabu ali wino wanenyile ivyakucita nu kulanda.

2 Yamwene 2:2

Eliya anena Elisya ati, “We Elisya, cazipa wikale pano, pasi pano Yawe watantuma kuti mpite ku Betele.” Lelo Elisya avwanga ati, “Nalapa umwi zina lyakwe Yawe waumi, nga na pali wewe ukuti ntalakusya.” Acino yoili kwene iyatentemukila ku Betele.

2 Yamwene 2:4

Alino Eliya amunena ati, “We Elisya, cazipa wikale pano, pasi pano Yawe watantuma kuti mpite ku Yeliko.” Lelo Elisya aasuka ati, “Nalapa umwi zina lyakwe Yawe waumi, nga na pali wewe ukuti ntalakusya.” Acino yoili kwene iyatwalilila nu ulendo wao wakuya ku Yeliko.

2 Yamwene 2:6

Lyene Eliya amunena ati, “We Elisya, cazipa wikale pano, pasi pano Yawe watantuma kuti mpite ku Yodani.” Lelo Elisya avwanga ati, “Nalapa umwi zina lyakwe Yawe waumi, nga na pali wewe ukuti ntalakusya.” Acino yoili kwene iyatwalilila nu ulendo wao.

2 Yamwene 4:30

Nyinamwana pali pakuvwanga ati, “Nalapa umwi zina lyakwe Yawe waumi, nga na pali wewe ukuti ntalakusya.” Acino Elisya akatuka nu kumulondela.

1 Milandu 4:10

Lelo kwene Yabezi wapefile kuli Leza wa ina Izlaeli ati, “We Leza, ungampolelela umpeele ni mpanga ikulu. Nkukulenga uye nani, nupya uwancingilila nu ku viipe vyonsi ivingandetela ukuwaika.” Nga Leza amupeela cino walenzile.

1 Samueli 17:55

Lino Saulo walola kuno Davidi akuya ku kukomenkanya umwina Filisti wiya, anena Abineli, musika mukalamba uwa vita vyakwe, ati, “We Abineli, uzye umulumendo wilya amwana weni?” Abineli nawe aasuka ati, “Mwene wakwisaci, vino uli pano umumi, nkulapa ukuti ntamanyile.”

1 Samueli 20:3

Lelo Davidi pali pakumunena nu mulapo ati, “So wamanya ningo sana ukuti wemo wantemwa, acili cino fwandi atangatemwa ukuti wewe we Yonatani umanye umulandu uo. Pasi pano ndi wamanya umwenzo wako ungakuwaya sana. Acili cino fwandi nkulapa kunuli umwi zina lyakwe Yawe uwa umi nupya lino wemo ucili nu umi, ukuti kwasyala panono sile kuti nemo imfwe.”

1 Samueli 25:26

“Ali cino fwandi musambazi nemo nalapa ukuti Yawe aliwe uwali wakulesya ukukoma antu yaa pa kukanacita icilanduzi. Ali cino nemo nkuti anisi yako na yayo yonsi akulonda ku kukoma yakawe nalyo wakwe Nabali kwene.