1 Samueli 1:23 - Amazwi Yakwe Leza 2013

²³ Elikana iya wakwe aasuka ati, “Cili sile ningo, cita cino ukwelenganya ukuti icingakuzipila. Lolelanga mpaka akalumuke. Si Yawe afikilizye vino walaya.” Acino umwanaci wilya aikala ukwakwe nu kulela umwana wakwe wilya suka aca alumuka.

1 Samueli 1:23 ပူးပေါင်းရင်းမြစ်များ

2 Samueli 7:25

“Acino ndakai, we Yawe nkukulenga kuti ufikilizye amalayo yako yano wacita pali nene ne muomvi wako na amu mupanda wane, ukucita ndi muno walavile.

1 Yamwene 3:21

Lino niza nazyuka nati nkanonsye umwana, awe cumi inzana watafwa. Alino akatondo namulolekesya, nazana ukuti asi mwanane wino naivyalila.”

Masamu 22:9

Ala awewe kwene wamfumizye umunda muli mayo, nga lino nali akanya, wancingilile.

Ezaya 44:26

Lelo umuomvi wane wenga ndi wasowela cimwi, lino natuma inkombe yonga uku kukosola vino nateyanya, awe cumi ala lyene vino nateyanya vilacitika. Nene nkalanda vya musumba wa Yelusalemu kuti antu yataca yize yikalemo nupya. Inkavwanga nu kuti imisumba ya mpanga ya Yuda ilatutululwa cipya cipya. Icacumi, imisumba iyo anene ndaikuululula muno yononeka.

Mpendwa 30:12

Lelo ndi cakuti iya wiza uvwa vino cali, nga amulesya kufikilizya imilapo iyo kumwi nu kupeela cakwe kamukole, lyene ale ali ni nsambu ya kupasa imilapo ino walavile nanti cimwi cino wali nu kupeela cakwe kamukole, apaula ukwelenganya ningo. Yawe nawe alamwelela, pamulandu wakuti iya watamulesya kufikilizya icilayo cakwe.

Mateo 24:19

Kalanda ku anaci alasenda indilwa na yano alaonsya mu manda yalya!

Luka 11:27

Lino Yesu acili akuvwanga vintu vii, umwanaci umwi mwi umba asanzika izwi lyakwe ati, “Walongo umwanaci uwakuvile, wino wewe onsileko.”

1 Samueli 1:17

Eli pali pakumwasuka ati, “Pita ulumi, si angala Leza wa ina Izlaeli akulambule cino umulenzile.”

1 Samueli 14:36

Saulo avwanga ati, “Katwapita tutentemuke usiku nu kuzanza aina Filisti, tupokolole ni vyuma vyao ukufika na pa macaca. Nupya kusi kusya nanti wenga umupuma.” Antu nayo iyamwasuka iyati, “Cita consi cino walola ukuti icingakuzipila.” Lelo simapepo aasuka ati, “Tekelini tutale tuzye kuli Leza.”

1 Samueli 14:40

Saulo pali pakunena aina Izlaeli yonsi, ati, “Mwensi kwene imililini ku lusansa lulo. Nani nu mwanane Yonatani tumaimilila ku lusansa lwa kuno.” Antu yalya pali pakumunena iyati, “Cita cino ukwelenganya ukuti icingakuzipila.”