1 Samueli 1:22 - Amazwi Yakwe Leza 2013

²² Hana wene ataile kweneko. Wene wanenyile iya ati, “Alala umwana walumuka, alino ndiza nawe kuko pakuti inkamupe kuli Yawe. Lyene alikalilila kuku kwene.”

1 Samueli 1:22 ပူးပေါင်းရင်းမြစ်များ

Masamu 110:4

Umwene walafile umulapo, nu kufutuka atange afutuke foo! Watiile, “Wewe simapepo wakuyelelela mu lutambi lwakwe Mekisedeki.”

Masamu 23:6

Icumi kwene usuma wako nu kutemwa kwako, vyaya pali nene amanda yonsi aumi wane. Ni sano lyako we Yawe, uli wikalo wane umu umi wane onsi.

Masamu 27:4

Nalenga icintu conga kuli Yawe cico sile cino nkalonda icakuti ningaikala, umu Ng'anda yakwe Yawe, amanda sile yonsi aumi wane, nu kulasyukila usuma wakwe Yawe, alino nu kuleka aliwe sile ampanda amano umu Ng'anda yakwe.

Kufuma 21:6

lyene umusambazi wakwe alinzile kumusenda ku ng'anda yakwe Leza. Alino mu ng'anda yakwe Leza, amwimike pa mulyango nanti pa maingwe ya mulyango nga amutulule ikutwi. Lyene mu musango uu, ale waya muzya mpaka lino alafwa.

Ezaya 9:7

Uwene wakwe ulandalila konsi konsi. Ulasyukila ulongo ulutalasila. Wene alikala apa cifulo ca wene wakwe Davidi nga nu kuteeka uwene wakwe. Wene alausimpa nu kuukomya umu ulungami nu mu ololoke. Ukutandikila sile pali ndakai ukufika na pano insi ilasilila. Ee, cumicumi, avino Yawe Wamaka yonsi alafikilizya cico.

Aina Levi 25:23

“‘Mpanga inu italinzile kukaziwa kwa kuyelelela pe, pano isi impanga inu foo. Yene impanga yakwe Leza. Mwemo muli wa inamasi yano yazumiliziwa kuiomvya sile.

Luka 2:22

Lino nsita yafisile iyakuti Yosefu na Maliya yacite lutambi lwa kusangululwa kulingana ni vyalembwa mu mpapulo zyakwe Mose, yatwazile umwana ku Yelusalemu ku kumupeela ku Mwene.

Malango 16:16

“Fwandi aonsi yonsi amu luko lwinu yalinzile yiiza ku kulongana nu kupepa Yawe amaila yatatu pa mwaka pa ncende yonga iya kupepela penepo, pa nsita ya Cimulo ca Mukate usi na Citutumusi, ni Cimulo ca Uzombozi, nga ni Cimulo ca Nsakwe. Cila muntu alinzile ukuleta uwila

Yoswa 4:7

lyene muce muyanene ukuti amanzi amu Luzi lwa Yodani yatile ukupita lino Mbokosi ya Upangano yakwe Yawe yalamvile. Amawe ya yamayanga iciusizyo cakwe cii ku ina Izlaeli amanda pe.”

1 Samueli 1:11

Hana alapa nu mulapo, ala akuti, “Iye we Yawe Wamaka yonsi, ndi cakuti walolekesya pa ulanda wane ne muzya wako, wanguvwila inkumbu, utanjilile ne muomvi wako lelo wampeela sile umwana umonsi, nani ala ndamupeela sile kunuli we Yawe pa manda yonsi yano alikala pano nsi, nu ku mutwe wakwe kutalatala kupelwe inyele.”

1 Samueli 1:28

Acili cino fwandi nani namupeela kuli Yawe. Pa manda yonsi yano alikala pano nsi, wene amapaatwilwa Yawe.” Avili vino nayo iyapepa Yawe kuku.

1 Samueli 13:13

Samueli nawe amwaasuka ati, “Waliwacita ivyauwelewele. Watukana ukusunga isunde lino Yawe Leza wako wakunenyile. Ulisunga sile, wene wange aleke wewe na amu mupanda wako yateeka aina Izlaeli amanda pe.

1 Samueli 2:11

Lyene Elikana aswilila ku Lama, lelo umwana wilya asyala akutumikila Yawe ala akwangalilwa na simapepo Eli.

1 Samueli 2:18

Lelo Samueli watwalilile ukutumikila Yawe, ala acili umulumendo sile nupya wazwalanga cakuzwala ca efodi icapangilwa ku nsalu itelepelele.

1 Samueli 28:2

Davidi nawe avwanga ati, “Lyene umailolela wemwisikulu vino umuomvi wako angacita.” Akisyi nawe amunena ati, “Cisuma, namakucita kalinda uwakundinda amanda pe.”

1 Samueli 3:1

Umulumendo Samueli watumikilanga Yawe ala akwangalilwa na Eli. Mu manda kwene yalya inkombe zyakwe Yawe zitavuzile, nupya ni vilolwa kwene ivyakufuma kunoli vitavuzile.