1 Samueli 1:10 - Amazwi Yakwe Leza 2013

¹⁰ Papo ale Hana akuuvwa ulanda wakwe cimwi, atandika ukupepa nu kulila alila.

1 Samueli 1:10 ပူးပေါင်းရင်းမြစ်များ

Utandiko 30:1

Lelo lino Lakeli walola ukuti atakuvyalila Yakobo ana, aya nu uzuwa pali nyinalenzi, nga anena Yakobo ati, “Mpela ana, nanti mfwe!”

Utandiko 50:10

Lino yafika pa lwano lwakupuulila ingano ku cifulo ca Atadi, ku ufumondaka wakwe Yodani yalosya nu kupoma cuze pa nsita itali kulingana nu lutambi. Pa manda cinimbali Yosefu ala akucita ntambi zya ndosya pa Atadi.

2 Samueli 13:36

Lino wamala sile ukulanda, ana ya mwene nayo iyafika, iyala yakulosya ni mpoma. Umwene nawe kwene pali pamwi na aomvi yakwe iyalosya wakwe cimwi.

2 Samueli 17:8

Wemo umanyile ukuti so Davidi na antu yakwe akome mu ulwi nupya yakalwa wa cinyama icakolana ni ciuli, cino yatiyatolela utwana. So aumwi inkonkotela ya ulwi. Wene atangalinda usiku pamwi na asilika.

2 Yamwene 20:3

“We Yawe, si ungala wiusye vino nakuombelanga usaka. Nakutontelanga amanda yonsi. Si angala wiusye vino nezyanga ukucita vyonsi vino wanena kuti incite.” Lyene Hezekiya alila aminsozi nu ulanda ukulu cuze.

Yobo 10:1

“Apamulandu wakuti nemo lyene caticifuula ukwikala pano nsi, fwandi nkanalukuilizyanya sile.

Yobo 7:11

Ali cino fwandi nemo intangentale intuzye foo! Nene musoke sana nu kusasila nene musasile, nga nkuilizyanya pano nkunyunguluka mu umi wane.

Yobo 9:18

Asimpela na kasita akakuti impemwile, lyonsi sile umu umi wane akandundila ukucululuka.

Masamu 50:15

Mwemo mwandaizya sile ndi mwazanzwa na malanda. Nemo namamutasyanga, namwe mumandumbanyanga.

Masamu 91:15

Lino yene yalandaizya nemo ndayasuka, lino yaponelwa namalanda nemo namayanga nayo. Namayataasyanga nu kuyacindamika.

Mapinda 14:10

Umwenzo ukaimanyila onga ivikucuzya, nupya patangaya nanti wenga angamanya ndi watiuzanga.

Ezaya 38:15

Uzye icani cino nemo ningavwangapo? Awewe sile wenga watulenga vyonsi vii. Umwenzo wane nemo pasi pakucula, inkuposiwa nu kulola utulo.

Ezaya 54:6

Nacendi we Izlaeli Yawe akukwama, uwele wa mwanaci wino yatazyela, wino akucula umwenzo. Uzye kwene umuntu angatazyela umuci uwamu ulumendo wakwe? Vivyo ivyavwanga Yawe.

Yelemiya 13:17

Ndi cakuti mwemo musyakumuvwa, nemo ale namalililanga mu umfisolo. Apamulandu wa vilumba vinu, namalilisya wakwe cimwi cakuti na misonzi yamalukutanga. Apamulandu sile wakuti antu ya Mwene yatiyasendwa mu uzya.

Yelemiya 22:10

Mwe antu amu Yuda mutalilila umwene Yoaazi. Mutalilila imfwa yakwe. Lelo lililini Yoaazi, wino yakusenda ku uzya, pamulandu wakuti wene atalatala awele, nu kwiza lola impanga muno wavyalilwe.

Nyimbo zya ndosya 3:15

Watantunkizya ivinkolwankolwa nu kumwesya ivilule.

Luka 22:44

Mu kunyunguluka kukulu cuze apepa ukuluta, ala ni yevu lyakwe likutonela pansi kwati amamata akulu a wazi.]

Ayebulai 5:7

Lino Yesu wali pano nsi wene wapepanga nu kulenga Leza ni zwi likulu na minsozi, wino uwali na maka akumutuula ku mfwa. Leza wamuvwile, pano wene waicefizye nu kuya uwa cumi kunoli.

Yakapingula 21:2

Alino antu yalya iyaya ku Betele, akuno iyalinda kasanya konsi pa manso yakwe Yawe mpaka na lino ilanzi lyawa, ala yakupunda nu kuilizyanya wakwe cimwi kuli Yawe yati,

Luti 1:20

Nawe ayanena ati, “Mutangama imuti Naomi. Lelo mwangama imuti Mala, pamulandu wakuti Leza Wamaka yonsi watalenga umi wane ukuya uwa ulanda wakwe cimwi.

1 Samueli 1:11

Hana alapa nu mulapo, ala akuti, “Iye we Yawe Wamaka yonsi, ndi cakuti walolekesya pa ulanda wane ne muzya wako, wanguvwila inkumbu, utanjilile ne muomvi wako lelo wampeela sile umwana umonsi, nani ala ndamupeela sile kunuli we Yawe pa manda yonsi yano alikala pano nsi, nu ku mutwe wakwe kutalatala kupelwe inyele.”

1 Samueli 1:9

Wanda umwi, pacisila ca kumala ukulya nu kumwa ku Syilo, Hana aiza akatuka. Lyene simapepo Eli ala atenzi pa cilimba mupipi na pa maingwe ya mulyango wi taalu lyakwe Yawe, nga apepa kunoli.