1 Petulo 5:6 - Amazwi Yakwe Leza 2013

⁶ Acino, lyene muicefye nkolelo ya maka yakwe Leza, nga nawe alamukatusya mu nsita ino wasonta.

1 Petulo 5:6 ပူးပေါင်းရင်းမြစ်များ

1 Yamwene 21:29

“Uzye watulola vino Aabu waicefya? Pa kuicefya kuno wene waicefya pa manso yane, ntalamuletela imipamba amanda yonsi yano alikala pano nsi. Lelo ndaletela ang'anda yakwe imipamba mu manda ya umi wa mwana wakwe umonsi.”

2 Yamwene 22:19

Pano wemo wazenzuka, waicefya nu kuicefya apa manso yane. Walepola ni vyakuzwala vyako, walila nu kulila. Uvwa vino napangiile umusumba wa Yelusalemu kumwi na ikazi aikala mwenemo. Ala nemo ndaleka incende iya ice iye iyakuzungusya antu. Nupya ali ncende ino yalatipwilila antu. Ukuya kwene nemo natinuvwa ipepo lyako. Ivyalanda ne Yawe.

2 Milandu 12:12

Apa mulandu nu kuicefya kuno Leoboamu waicefizye, icalenzile ukuti Yawe atamonona. Ni vintu vyonsi ivyasyala ivyamu mpanga ya Ayuda, vyapitikanga sile ningo.

2 Milandu 30:11

Nga lelo kwaliko yamwi amu mutundu wakwe Asyeli, na wakwe Manase na wakwe Zebuluni, yano yalondesyanga ukuya uku Yelusalemu.

2 Milandu 32:26

Lyene Hezekiya aicefya nu kuzenzuka ku cilumba cakwe, ndi vino na antu aikalanga mu Yelusalemu yacisile. Icaleka ukali wakwe Yawe utayaponile mu manda ya umi wakwe Hezekiya.

2 Milandu 33:12

Umu kucula kuno wacuzile asuka aya umutontela ngozi nu kuicefya apakalamba pa manso yakwe Yawe Leza wakwe. Alino amupapata nu kumulenga kuti amuyele uluse.

2 Milandu 33:19

Vino Manase wapepanga Leza na vino nawe wamwasukanga, ni vintu vyonsi iviipe vino Manase wacitanga, ni ncende zya kupepelamo utuluwi zino wakuuzile, ni vinkolanya vyonsi pamwi nu tuluwi twakwe Asyela tuno wapanzile pa kucindika Asyela, vyonsi vyalembwa mu mpapulo zyakwe yakasema.

2 Milandu 33:23

Lelo wene ataicefizye pa manso yakwe Yawe ndi vino Manase isi waicefizye kuti aifusye pa manso yakwe Yawe. Lelo Amoni wene walunzilepo ukwifya.

2 Milandu 36:12

Wene wacitanga inkota pa manso yakwe Yawe Leza wakwe, nupya ataicefizye pa manso yakwe kasema Yelemiya, uwavwanzile amazwi yakwe Yawe.

Yobo 36:22

Tala elenganya pali vino Leza waya nu ucindami apamulandu wa maka yakwe.

Masamu 75:10

Leza Wene alatembola amaka ya antu aipe, lelo alungilizya amaka ya antu akacita vyaololoke. Kuli Kiimbisya wa Nyimbo. Amasamu yakwe Asafu akwimbila.

Masamu 89:13

Wewe wakwata amaka yonsi. Ikasa lyako lyakoma wakwe cimwi, ikasa lyako ililunji lyatumpuka.

Kufuma 10:3

Acino Mose na Aaloni yaya kuli Falao nga yamunena yati, “Yawe, Leza wa Ayebulai wavwanga wati, ‘Uzye amaila yanga yano ulatalama kunondi? Ta antu yane yapita, pakuti yangampepa.

Kufuma 3:19

Lelo manyile ukuti umwene waku Eguputo atalamuzumilizya kuti mupite suka sile wapatikiziwa ukucita cico.

Kufuma 32:11

Lelo Mose apapata kuli Yawe ati, “Mwe Yawe, pacani cino mwasokela antu inu musango uu, antu yano mwafumizye mu uzya mu Eguputo, ku maka inu akulu nu kwi kasa linu lya maka?

Mapinda 29:23

Icilumba ca muntu cikamuletelela mpaka acefiwa, lelo umuntu akaicefya wene yakamucindika.

Ezaya 2:11

Akuno uli uwanda umwi umu pipi, uno antu avilumba yalafusiwa amanso yao, uwanda uno ivilumba vyao vilasila. Awewe wenga sile we Yawe, wemuno ulacindamikwa mu wanda ulya.

Ezaya 40:4

Vifoloma vyonsi vilazikwa, ni milundu ni myamba vilapasiwa, ni miseo iyongane ilolololwa, inzila zya tulundu tulundu zilalinganyiwa.

Ezaya 57:15

Pano nemo ne Leza Wapapelapela nemuno nikala umu ncende yamuzilo, nkaamwa ukuti Wamuzilo wilya, nkuti, “Nkaikala umu ncende yapapelapela yamuzilo. Lelo nkaikala na antu aicefya nupya afuke myenzo, kuti aicefya yayo njapupuzule imyenzo.

Yelemiya 13:18

Lyene Yawe avwanga kunondi ati, “Nena umwene nga unene na nyina kwene, namwene ukuti yasenke apa vilimba vyao vya wene. Pasi pano ivilongwe vyao vya wene iviyembe vyativipona ku mitwe yao.”

Yelemiya 44:10

Alino lyene ukufika na pilelo mwemo mutazenzuka foo. Mutankwatila icoopo, nupya musilondela amasunde yane yano napiile kuli mwemwe nu ku vikolwe vinu.

Ezekelo 17:21

Ivita vyakwe vyampomvu vilapona pansi ku lupanga na alasyala impondo yalasalanganila mu ntunga zyonsi. Alino lyene mulamanya ukuti anene ne Yawe nalanda.”

Ezekelo 21:6

“Caleka nawe we mwana wa muntu, isya umwenzo. Ucite kwati uli pakufwa. Tolomanga pakuti antu yuvweko.

Danieli 5:22

“Lelo wemo, we mwanakwe, utaicefya awe, nanti angala wamanyile cii.

Aina Levi 26:41

nupya vino ivyalenzile kuti imvyalukile nu kuvisalanganya mu mpanga zya anisi yaviko. Ku mpelelekezyo, lino amu mupanda winu yalaicefya nu kulipila imilandu ya pa maifyo yao na pali ucisanguka wao,

Mika 6:8

Awe, Yawe wakulanga mpiti, we muntu we, icintu icisuma. Ivintu vino wene akasi kuti wacita aivi: Uwacita vilungame nu kuya na mizu, nga nu kupita mu ufuke pa manso yakwe Leza wako.

Mateo 23:12

Pano wino wensi akaikuzya wene alacefiwa, na wino wensi akaicefya wene alakuziwa.

Luka 1:52

Watasisya asambazi pa vilimba vyao vya wene, lelo watakwezya antu aicefya.

Luka 14:11

Pano wensi akaikuzya wene alacefiwa, na wino wensi waicefya wene alakuziwa.”

Luka 18:14

Yesu avwanga ati, “Namunena nati, kasonkisya waswilile ukwakwe uwakaele pa manso yakwe Leza. Lelo Mufaliseo waswilile ukwakwe na maifyo yakwe. Pano wensi akaikuzya wene alacefiwa, na wino wensi akaicefya wene alakuziwa.”

Loma 5:6

Lino twali aula maka akucita cimwi, Klistu watufwilile swe yakaifya, pa nsita ino Leza wateinye.

1 Kolinto 10:22

Nanti uzye tukulonda kuleka Mwene aye nu uzuwa? Swemo tutaluta Mwene maka.

Malango 32:35

Yawe alalandula pa vicitwa vyao nu kuyavunuka. Insita ilafika lino yalasyelemuka yapone. Uwanda wa kuzanzwa kwao wapalama.

1 Timoti 2:6

Wene waipile kuti akulule antu onsi. Cii cali icisininkizyo pa nsita ilingane ukuti Leza akalonda umuntu wensi atuulwe.

Tito 1:3

Lino insita yafisile Leza, Katuula witu, wasokolwile cii ku antu kupitila mwi landwe lyakwe. Leza uwandasike mulimo uu. Nani nkakosola pa kuyela ilamulo lyakwe.

Yakobo 4:10

Muicefye mweisikulu pa manso ya Mwene, nga nawe alamutumpula.

Yakobo 4:7

Caleka, mwayela Leza. Mwakanya Ciwa, nawe aluutuka kufuma kunomuli.

Yakobo 5:10

Inane, iusyini yakasema yano avwanzile mazwi lino Umwene wayatumile. Lekini kuteeka kwa myenzo kuno yakweti na macuzi yao viye cilangililo kunomuli.