1 Petulo 5:4 - Amazwi Yakwe Leza 2013

⁴ Lyene lino Klistu, Kacema mukalamba aliiza, mwemo mulapelwa ingala ya lulumbi ino italatala iponzye kuyemba kwakweyo.

1 Petulo 5:4 ပူးပေါင်းရင်းမြစ်များ

Masamu 23:1

Leza ali muceni wane, ntaluulilwa cimwi.

Ezaya 40:11

Amasunganga imfwele zyakwe wakwe kacema. Amakolonganikanga utwana twa mfwele, nu kutupakatila apa minwe yakwe. Amatungululanga na yanyina mfwele ningo sana, nu kuyatwala ukwa kupuzila.

Ezekelo 34:23

Ndakatusya kacema uwa kuziteeka, umuomvi wane Davidi awino alaya akacema waziko nu kuzisunga aliwe alazisunga.

Ezekelo 37:24

Umuomvi wane Davidi aliwe alaya umwene wao. Yonsi kwene yalateekwa kuli kateeka wenga sile. Yalatontela na masunde yane ukwaula untelengu.

Danieli 12:3

Antu akwata amano nayo yalaengesa wa kuswepa kwa mwiyulu, nga na yayo asambilizya antu avule ukucita ivisuma yalaengesa wa ntanda amanda pe.”

Zakaliya 13:7

Yawe Wamaka yonsi wavwanga wati, “Ale we lupanga lwane, zanza kacema wane, zanza umuntu akambombela. Ukome kacema pakuti imfwele zisalangane. Nani namazanzapo utwana twa mfwele.”

Yoane 10:11

“Nene mucemi musuma. Mucemi musuma akapeela umi wakwe pamulandu wa mfwele.

1 Kolinto 9:25

Muntu wensi akakumako ku kuiteyanya ku kucimvyanya, wene akasundwa, pakuti alonke cilambu ciyembe cino cikalowa. Lelo swemo tukasimula pakuti tulonke cilambu cino cilikalilila manda pe.

2 Timoti 4:8

Acino cilambu ca kucimvya kwane cino cikundolela, ingala ya wololoke ino Mwene kapingula mololoke alampeela pa Wanda ulya. Nupya atalapeela sile nene, lelo alapeela na yao amutemwa, yano akalolela kwiza kwakwe nupya.

Ayebulai 13:20

Leza uwazyukwile Yesu Mwene witu kufuma ku mfwa. Yesu ali Mucemi Mukulu uwa mfwele pano imfwa ino wafwile pa kuipeela impolelwa ili ino wapangamo upangano namwe, wa manda pe.

Yakobo 1:12

Walongo umuntu wino akatwalilila kuya mutailwe lino akweziwa, pano lino wacimvya kweziwa, wene alapeelwa umi wa pe, wila uno Leza walaya yao amutemwa.

1 Petulo 1:4

Caleka tukulolela kupokelela ukama wa upolelelo uno Leza wasungila antu yakwe. Kupolelelwa kuu konsi kwasungwa na aliwe mwiyulu, nupya kutangaola nanti kononeka nanti kulowa.

1 Petulo 2:25

Mwemo mwakoline wa mfwele ziponge. Lelo ndakai Leza wamuwezya kuli Kacema nupya Kacingilila winu.

1 Petulo 5:2

kuti musunge ningo mauvi yakwe Leza. Citini cii mu musango uli onga na uno yakacema yakasungilamo mfwele. Mwacita cii ndi vino Leza akalonda kuti mucite, kwaula kupatikiziwa. Ombini mulimo winu asi pamulandu sile wa kulipilwa, lelo pamulandu wa kulondesya kutumikila.

1 Yoane 3:2

Mwe yacuza yane, ndakai sweswe ana yakwe Leza. Citamanyike vino tulaya. Lelo twamanya ukuti lino Klistu alaloleka, swemo tulakolana nawe, pano tulamulola ndi vino waya.

Umbwilo 1:7

Lolini, wene akwiza mu makumbi! Antu yonsi yalamulola, pamwi na yao kwene amutosile mu mbazo. Antu yonsi pano nsi yalalosya pamulandu na aliwe. Vii avino cilaya.

Umbwilo 2:10

Utuvwa intete pali vino wasya ucule. Uvwa! Muli nu kweziwa na Ciwa lino wene alalenga kuti yamwi amunomuli yayalilwe mu ng'anda yaminyololo. Na macuzi yako yalasila mu manda ikumi. Uye uwakutailwa mpaka ni mfwa, nani ndakupeela cilambu cangala icili umi wape.

Umbwilo 3:11

Nkwiza zuwa. Lemasya cino ukweti, kuti kutaya umwi uwa kukupoka cilambu cako.