1 Petulo 5:3 - Amazwi Yakwe Leza 2013

³ Mutaezya kukulizya yao yano mukasunga, lelo muye cilangililo pakasi ki uvi.

1 Petulo 5:3 ပူးပေါင်းရင်းမြစ်များ

Masamu 33:12

Wasyuka umutundu uo uno Yawe wasolwile. Ukuya ali Leza wao, yano wasolwile ukuya icuma cakwe.

Masamu 74:2

Si iusya antu yako yano we mweneco waisololwile mpiti, yene ali antu yano wakulwile apakuti yaye umutundu wako. Iusya nu Mwamba wa Zioni, uno wikalanga mwenemo!

Ezekelo 34:4

Mutakomelezyanga imfwele zitonte, mutapelanga izilwale umulembo nanti kuzinyepela ivilonda. Mutawezyanga iziponge nanti kulonda izyapumbuka. Zyene zyatesilwe sile ku kalili.

Mika 7:14

We Yawe sungala wacema antu yako uku nsonzo yakuyakumbilizya, utungulule ufyo wa mfwele zyako zino waisolwela. Ndakai zitenzi zyonga mu mutengo, mu mpanga yamulemvwe yakucemelamo ivunde. Lelo zitini ziye zikalye mu mpanga yamulemvwe, yakucemelamo yaku Basyani nu ku Gileadi, ndi vino cali mu manda ampiti.

Mpendwa 18:7

Fwandi wewe sile pamwi na ana yako aonsi muce mwaomba umulimo wakwe usimapepo. Mwasakamala kavuwa na vyonsi ivyaya mu Ncende Yamuzilo. Muce mwaomba umulimo uli onsi wakwe usimapepo. Lelo umuntu wasilesile ndi wapalamila kweneko, alafwa.”

Yoane 13:15

Pano nati mupela cilangililo, kuti namwe kwene mwacita ndi vino nali namucitila.

Milimo 20:28

Caleka muisunge mweisikulu, musunge nu ufyo uno Mupasi Wamuzilo wamwika kuya angalizi. Muye yakacema aiuvi lyakwe Leza, lino wacisile ukuya ilya kwakwe ukupitila mu mfwa ya Mwana wakwe.

1 Kolinto 11:11

Lelo pa manso ya Mwene mwanaci asi cimwi kwaula monsi. Monsi nawe asi cimwi kwaula mwanaci.

1 Kolinto 3:5

Uzye Apolo aweni? Uzye Paulo aweni? Sweswe aomvi sile yakwe Leza, yao amwazwilizye kuti mutaile. Cila wenga uwa munotuli akaomba mulimo uno Leza wamupile kuti acita.

1 Kolinto 3:9

Pano sweswe aomvi alemana pamwi mu kuombela Leza, nga namwe mwemwe calo cakwe Leza. Nupya mwemwe cikulwa cakwe Leza.

2 Kolinto 1:24

Swemo tusi angalizi pa utailo winu akumunena vino mungataila. Tukuomba pamwi namwe kuti muye a nsansa, pano utailo winu ukome.

2 Kolinto 4:5

Kukosola kwitu kusi kwa pali sweswe, lelo tukakosola Ilandwe ukuti Klistu u Mwene. Naswe sweswe yaomvi inu sile pamulandu wakwe Klistu Yesu.

Malango 32:9

Pasi pano Yawe wasolwile antu yakwe, amu mutundu wakwe Yakobo ali caupyani cakwe.

Filipi 3:17

Mutwalilile kukolanya vino nkacita, inane. Mwike mano pali yao alondela cilangililo cisuma cino twamulanga.

Filipi 4:9

Mwacita vino mwasambilila kufuma kunondi, vyonsi vino navwanzile na vino mwaweni nkucita. Alino Leza wino akatupeela mutende, alaya namwe.

1 Tesalonika 1:7

Mwizile muya cilangililo ca alondezi ya Mwene amu Makedoniya nu mu Akaya.

2 Tesalonika 3:9

Swemo twacisile cii asi kuti tutakweti nsambu zyakutwazwa. Twacisile cii kuti tumupele cilangililo cakuti namwe mwalondela.

1 Timoti 4:12

Utaleka umuntu umwi akusuule pano wewe mwance, lelo uye cilangililo ku ina Klistu mu mivwangile yako, micitile yako, kutemwa kwako, utailo, nga nu usuma wa mwenzo.

Tito 2:7

Wemwisikulu ulinzile kucita visuma kuti muli vyonsi uye cilangililo ku antu. Uye uwa cumi nga nu kusumbako mano mu usambilizyo wako.

1 Petulo 2:9

Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.