1 Petulo 4:3 - Amazwi Yakwe Leza 2013

³ Mwemo mwasumvile nsita mu kucita vintu wa antu atataila Leza. Mwemo mwacitanga vya winyi, mwali ni mbunu, mu ukolesi, nu mu kuwowota, mu muzangalwe mu nsaka zya ukolesi, nga nu mumipepele iya winyi ya tuluwi.

1 Petulo 4:3 ပူးပေါင်းရင်းမြစ်များ

2 Samueli 13:28

nga apeela ilamulo ku yaomvi yakwe ati, “Uvwini kuno! Mulolekesye lino Amunoni amakoleka waini, nga nani ndi niza napeela ilamulo nati, ‘Mukomini Amunoni,’ mwemo ukumukoma. Mutuvwa intete, foo. Uwo umulandu wane nene. Mwemo musipe sile.”

1 Yamwene 21:26

Aabu wacitanga ivintu vyawinyi lino wapepanga utuluwi, mu musango uli umwi kwene uno aina Amoli yacitilanga, yaya yano Yawe wazinzile ukufuma mu Izlaeli.)

2 Milandu 15:8

Walanga Asa uvwa amazwi yakwe kasema Azaliya umwana umonsi wakwe kasema Odedi, awe mukwai akomeleka nu kukomeleka. Atamola nu tuluwi tonsi utwali umu mpanga ya Yuda ni mpanga yakwe Benjamini. Aonona kumwi nu tuluwi kwene utwali umu misumba ni mizi ino wapokolwile, umu mpanga yakwe Efulemu iya myamba. Ali pakukuula na kavuwa kakwe Yawe cipya cipya kano kayelile umu musolo wakasi lwaku Ng'anda ikulu yakwe Leza.

Ezaya 28:7

Na yakasema kwene kumwi na yasimapepo yatiyakoleka cakuti yakupempezyoka sile apa kupita. Yene yatiyamwa wakwe cimwi waini wa matingi, pamwi nu wengwa ukalipisye, cakuti yakuuluunsya sile, caticiyapezya na mano. Yakasema yatiyakolekesya cakuti yakuposiwa nu kwilula ivilolwa vino Leza akuyalanga. Yasimapepo nayo kwene yatiyakoleka cakuti yakuposiwa nu kupingula imilandu ino antu yakuleta kunoyali.

Ezaya 5:11

Kalanda kuno muli mwemuno mukazyuka katondotondo nu kutandika ukumwa waini, lyene imucelwa ukuwela ku mang'anda usiku pamulandu wa kukoleka.

Ezaya 65:4

Apa nsita ya usiku yene yakaya uku macele nu mu malindi. Ali muno yaya yapandwa amano ku mipasi ya afwe. Lyene alino yalya kapoli nu kumwelapo umusunyi wa nyama zikowele, zino yakatuula impolelwa.

Yelemiya 16:11

Lyene uce uyanene vino Yawe wavwanga wati, ‘Apamulandu wakuti ivikolwe vinu vyantazyezile nu kulondelela tuleza tuze, yatutumikilanga nu kutupepa.’ Yene yantazyezile nupya yatawasile amasunde yane.

Yelemiya 16:18

Ndayakalipila liili apa ukakasi wao na pa uyi wao, pano yatiyakowezya impanga yane ku tuluwi twao. Yatiyazuzyamo upyanyi wane ku vintu vya uwelewele ivyaunkolanya sile.”

Ezekelo 44:6

“Nena atalami, ang'anda yakwe Izlaeli uti, Yawe Simwandalali akuvwanga ukuti, Mwe ina Izlaeli ala imicitile yinu iipisye yaticila umu cipimo.

Ezekelo 45:9

Yawe Simwandalali avwanga ati, “Mwe ntunguluzi zya ina Izlaeli, awe mwaifya pavula! Tiini ukakasi winu nu mucuzya winu. Mwacita vyaulungami, muye nu mulungikila. Mutakaswilizye nupya ukuzinga antu yane mu mpanga yane. Ivyalanda ne Yawe Simwandalali.

Mako 7:22

kulongozya, lunkumbwa, vintu vyonsi viipe, intumpu, ukowezi, uzuwa, kutumpwila, vilumba, nu utumpe.

Milimo 17:30

Caleka nsita zyakuntamanya Leza wasulanga kuli vino antu yacitanga. Lelo ndakai watapela ilamulo ku antu yonsi konsikonsi kuti yazenzuke.

Loma 13:13

Caleka twapita ningo ndi vino antu yakacita musanya. Tutaya mu nsaka zya kuwowota nanti kuya akolesi, nanti kucita vya winyi, nanti ukakasi, nanti lwete, nanti uzuwa.

1 Kolinto 12:2

Mwamanya ukuti lino mwali antu atataila, mwaponziwe umu nzila zingi mu kupepa tuluwi tusivwanga.

1 Kolinto 6:11

Yamwi munomuli mwali wakwe yaa. Lelo mwaswefiwa kufuma ku maifyo, nupya mwaipelesya kuli Leza mu, Mwene Yesu Klistu na Mupasi Wamuzilo, anga lyene mwaya aololoke pa manso yakwe Leza.

2 Kolinto 12:21

Nkoopa kuti lino ndiza limwi Leza alandenga kuya ni nsonyi pa manso inu, ndalonda kulila pano aingi muno muli aifizye mpiti nupya yatazenzwike ku vya winyi vyao, imbunu nga nu uzelele wao.

Galatiya 5:19

Vintu vino untunze ukacita vyene vyamanyikwa pa swe. Vyene vikaloleka mu vicitwa vya winyi, vikowele nga ni vya nsonyi,

Galatiya 5:21

Yene yaya nu muvimbila, akolesi nupya yakacita ya muzangalwe nga navyuze vikoline na vii. Ndakai nkumuceula ndi vino namucewile inkolelo ukuti, yao akacita vintu vii yene yatalapyana Wene wakwe Leza.

Efeso 5:18

Mutakoleka waini pano wene angamonona. Lelo muzuziwemo na Mupasi Wamuzilo.

1 Tesalonika 4:5

Mutaya azya ku mbunu zinu nanti kwikala wa antu atataila.

Tito 3:3

Pano mpiti twali awelewele, asyayela nupya antu akaluvyanya. Twacisilwe uzya ku nsuna ni misango yonsi ya vintu vyakuizanzya. Twasumvile nsita zitu mu kucita vyalufyengo nga nu kuzuwilana. Antu yauze yatupasile nga naswe twayapasile.

1 Petulo 1:14

Mwayela Leza. Mutaleka kuti umi winu walondelela vilondwa vinu viipe wakwe lino mwali atutu.

Yuda 1:4

Pano antu yamwi yakaifya, yasokelela munotuli ukwaula kumanyika. Nupya yakasenula ilandwe lya pa cikuku cakwe Leza witu pakuti yaipele insambu pa miyele yao ya winyi. Yene yakana Yesu Klistu, Musambazi nupya Mwene witu wenga sile. Antu yaa yalavunukwa ndi vino calembwa mpiti mu malembelo.