1 Petulo 4:16 - Amazwi Yakwe Leza 2013

¹⁶ Nanti cingaya vivyo, ndi mwacula pamulandu wakuti mwemwe ina Klistu, mutuvwa insonyi. Lelo taizyini Leza pano mwemwe yakwe Klistu.

1 Petulo 4:16 ပူးပေါင်းရင်းမြစ်များ

Ezaya 24:15

Aku ufumondaka nayo kwene yalalumbanya Yawe. Antu yano ikala umu vilila nu mu nkumba yakwe yemba, yalalumbanya Yawe, Leza wakwe Izlaeli.

Ezaya 50:7

Lelo kwene nemo Yawe Simwandalali akantuula. Ali cino nani ntakwata insonyi. Icaleka nalenga ukuti impumi yane ikome, iye ndi wakwe cilwala. Pano namanya ukuti ntalazewana foo.

Ezaya 54:4

Utoopa foo pano insonyi zitalakulema, utalazewana foo. Nupya ulilila nu ku nsonyi zya ukazyana wako. Utalaiusya nu kuzewana kwakwe unamfwilwa wako.

Milimo 11:26

Lino wamuzana, amuleta ku Antioki. Lyene mwaka uwa onsi upuma oili kwene yakongana pamwi ni iuvi nu kusambilizya ali mwenemo. Ku Antioki akuno alondezi yatandike ukwamwa aina Klistu.

Milimo 26:28

Agilipa auzya Paulo ati, “Uzye ukwelenganya ungampindulula kuti inje mwina Klistu mu kasita kwene kaa kanono?”

Milimo 28:22

Lelo tungatemwa ukuvwa kunuli pali vino ukwelenganya, pano twamanya ukuti konsi antu yakavwangila kaungwe kano wayamo ui.”

Milimo 5:41

Atumwa nao yafuma mwi Tengo, yazanga cuze, pano Leza wayapendile kuya alinge kusulwa pamulandu wi zina lyakwe Yesu.

Filipi 1:20

Cintu cino nkalonda nu kupaalila icakuti ntacitisya Klistu insonyi, nkupaalila kuya muposye ndakai ndi vino naya lyonsi kuti Klistu acindikilwe munondi lino indi nu umi nanti mufwe.

Filipi 1:29

nupya wene wamupeela isyuko lya kutumikila Klistu asi kukwata sile utailo munoli, lelo nu kumuculila.

2 Timoti 1:12

Acino pamulandu kwene uu, nemo nkucula. Lelo nsi na nsonyi pano indi nu upaalilo cuze, pano manyile wiyo wino nataila. Nupya nkusininkizya ukuti wene akweti maka akucingilila cico cino wandasika, kufika na pa Wanda wa mpelelekezyo.

Yakobo 2:7

Yakwene alio akalandila zina lisuma viipe, zina lya Mwene winu.

1 Petulo 2:12

Lekini micitile inu pakasi ka antu atataila Leza iye isuma cuze, cakuti nanti angala yangamupeela milandu yakwifya, lyene pa Wanda wa upinguzi yene yalalumbanya Leza pa kulanda vintu vino yaweni mukucita.

1 Petulo 4:11

Wino wensi akakosola alinzile kukosola mazwi yakwe Leza. Wino wensi akatumikila alinzile kutumikila na maka yano Leza akamupeela, pakuti Leza atasiwe muli vyonsi. Klistu awino alalenga kuti cii cicitike. Lulumbi na maka ivyakwakwe manda pe. Ameni.

1 Petulo 4:14

Alongo amwemwe ndi cakuti antu yamutuka pamulandu wakulondela Klistu. Cii cikulanga ukuti Mupasi wa lulumbi, Mupasi wakwe Leza ali namwe.

1 Petulo 4:19

Acino, yao akucula pamulandu wa kulonda kwakwe Leza, yene yalinzile kucita visuma nu kutaila Kaumba wino waya uwakutailwa.