1 Petulo 4:15 - Amazwi Yakwe Leza 2013

¹⁵ Umwi uwa munomuli ndi wacula, lekini citaya pamulandu wakuti wene inkomi nanti umwivi nanti cipondo nanti wino akaitumpa mu vintu vitamupazi.

1 Petulo 4:15 ပူးပေါင်းရင်းမြစ်များ

Kufuma 22:2

“Mwivi ndi walemwa usiku akwiya mu ng'anda nga yamukoma, wino uwamukoma atangapeelwa mulandu wa kutala katwe.

Mateo 5:11

“Alongo amwemwe ndi antu yamutuka, yamuzunya, nu kumutumpwila vintu vyonsi viipe pamulandu wane.

1 Tesalonika 4:11

Lekini simwililo linu liye ilya kwikala kwaula vyongo, muye akusakamala milimo inu, nu kuombesya ndi vino twamunenyile nkolelo.

2 Tesalonika 3:11

Twalanda cii pamulandu wakuti tukuvwa ukuti munomuli, muli antu yamwi akasu asyaomba cimwi, suka sile kuikumika ku vintu vya antu yauze.

1 Timoti 5:13

Nupya yakasumba insita zyao mu kuzeya ku ng'anda ni ng'anda. Lelo icaipisya kuluta cakuti yene yakucita ukwakwa ni cinduvyanya, yala yakulanda vintu vitalinzile kulandwa.

2 Timoti 2:9

Pamulandu wa kukosola Ilandwe Lisuma, nemo nkacula nu kunyepwa mu minyololo kwati nene cipondo. Lelo mazwi yakwe Leza yene yatanganyepwa mu minyololo.

1 Petulo 3:14

Lelo muli nu longo nanti mungacula pamulandu wakucita visuma! Mutoopa umuntu umwi, nupya mutasakamikwa.

1 Petulo 3:17

Pano cingazipisya kuti mucule pa kucita visuma kuluta kucita viipe, ndi cili kulonda kwakwe Leza.