1 Petulo 4:14 - Amazwi Yakwe Leza 2013

¹⁴ Alongo amwemwe ndi cakuti antu yamutuka pamulandu wakulondela Klistu. Cii cikulanga ukuti Mupasi wa lulumbi, Mupasi wakwe Leza ali namwe.

1 Petulo 4:14 ပူးပေါင်းရင်းမြစ်များ

1 Yamwene 10:8

Endi, antu yako alongo! Endi, yacilolo yako alongo, yano lyonsi yakaikala pipi na panuli nu kuvwa amano yako.

2 Yamwene 2:15

Iumba lyakwe yakasema afumile ku Yeliko yalola kuno Elisya akulamba, nga yavwanga yati, “Amaka yakwe Eliya yingila muli Elisya.” Alino yaya ku kumukomanya, nga yakontamika ivinso vyao inkolelo yakwe Elisya.

Masamu 146:5

Alongo antu yano Leza wakwe Yakobo ali kazwa wao, yano yakapaalila muli Yawe Leza wao,

Masamu 49:9

pakumulipilila ukukanaya ukwi lindi, nu kuleka aikalilile pano nsi, umupuma.

Masamu 89:51

We Yawe ala lola vino anisi yako yakunsoweka nene nemuno wasolola ukuya kateeka. Konsi sile kuno nati kampitile awe pasi pakunsuula.

Ezaya 11:2

Alino Mupasi wakwe Leza aliza aikalilile penepo, Mupasi wa malango nu wa kwiluka. Mupasi wa kupanda amano nu wa maka, Mupasi wa kumanya ivintu nu koopa Yawe.

Ezaya 25:8

Lilyo ala wataonona ni mfwa kwene! Yawe Simwandalali alakumbula aminsozi mu manso ya antu yonsi. Wene alasisya insonyi uku antu yakwe yonsi. Yawe watavwanga.

Ezaya 51:7

“Uvwini kunondi mwe muno mwamanya ulungami, mwemuno mukawaka Isunde lyane umu myenzo inu. Mutezya mwaoopa umusaalula wa antu, mutasakamala nu ku ntusi zyao.

Mateo 5:11

“Alongo amwemwe ndi antu yamutuka, yamuzunya, nu kumutumpwila vintu vyonsi viipe pamulandu wane.

Mateo 5:16

Mu musango uli onga kwene namwe mwaengesa wa luswepo pa antu onsi, kuti yalola imilimo inu isuma, nga yalumbanye So uwa mwiyulu.

Luka 6:22

“Alongo amwemwe ndi antu yamupata, yamukana, yamutuka, yavwanga yati mwemwe yaipe pamulandu wa kulondela Mwana wa Muntu.

Yoane 15:21

Lelo yalacita vintu vii vyonsi kunomuli pamulandu wakuti mwemwe yakwane, pano yatamanya uwantuma.

Yoane 8:48

Ayuda yuzya Yesu yati, “Uzye tutavwanzile ningo lino twati wewe Musamaliya, nupya uli nu mupasi wankota munuli?”

Yoane 9:28

Nao yamutuka, nu kuti, “Wewe uli mulondezi wakwe, lelo swemo sweswe alondezi yakwe Mose.

Yoane 9:34

Nao yamunena yati, “We muno wavyalwa nu kukula mu maifyo, uzye ukwelenganya vino ungasambilizya sweswe?” Alino yamuzinga mu ng'anda ya mapepo.

Milimo 13:45

Lino Ayuda yalola wingi wa antu, yuvwa uzuwa cuze, yalanda mazwi ya miponto akukanya vino Paulo wavwanganga.

Milimo 18:6

Lino yamukana nu kulanda viipe pali aliwe, wene akunta lukungu ku vizwalo vyakwe kuti ayalange vino wapaluka kunoyali, nga ayanena ati, “Ndi mwalowa, ale umulandu winu mweisikulu! Usi mulandu wane. Ukufuma ndakai namaya ku Akulukuwa.”

Milimo 28:22

Lelo tungatemwa ukuvwa kunuli pali vino ukwelenganya, pano twamanya ukuti konsi antu yakavwangila kaungwe kano wayamo ui.”

Milimo 5:41

Atumwa nao yafuma mwi Tengo, yazanga cuze, pano Leza wayapendile kuya alinge kusulwa pamulandu wi zina lyakwe Yesu.

2 Kolinto 12:10

Endi, nemo ndi nu luzango lwa kuya nu utonte, kutukwa, kuzunyiwa, nu kukwata ntazi na macuzi, ndi vyonsi vili pamulandu wakwe Klistu. Pano lino ndi mu utonte, ale lyene nene mukome.

2 Kolinto 4:10

Lyonsi tukapita ni mfwa yakwe Klistu mu mili itu kuti umi wakwe waloleka mu mili itu.

2 Kolinto 4:16

Swemo tusyanenuka. Mili itu ikucucuka, lelo sweisikulu tukukomeleziwa mu myenzo cila wanda.

Galatiya 1:24

Caleka yene yatasyanga Leza pamulandu wane.

Ayebulai 11:26

Wene welenginye ukuti kusulwa pamulandu wakwe Mesiya kwacindama kuluta vyuma vyonsi vyamu Eguputo, pano wene walolekesyanga pa cilambu cilapelwa mu manda akwiza.

Yakobo 1:12

Walongo umuntu wino akatwalilila kuya mutailwe lino akweziwa, pano lino wacimvya kweziwa, wene alapeelwa umi wa pe, wila uno Leza walaya yao amutemwa.

Yakobo 5:11

Yaa, ayano tukati alongo pano yene yaposizye. Muuvwa vino Yobo watesile mwenzo, nga mwamanya na vino pacisila Umwene wamwazwilizye. Pano Umwene wakwatisya mizu nu luse.

1 Petulo 2:12

Lekini micitile inu pakasi ka antu atataila Leza iye isuma cuze, cakuti nanti angala yangamupeela milandu yakwifya, lyene pa Wanda wa upinguzi yene yalalumbanya Leza pa kulanda vintu vino yaweni mukucita.

1 Petulo 3:14

Lelo muli nu longo nanti mungacula pamulandu wakucita visuma! Mutoopa umuntu umwi, nupya mutasakamikwa.

1 Petulo 3:16

Lelo mwacita cii na mazwi amutembo nu mucinzi. Lekini myenzo inu iye isuma. Ndi mwacita cii ale lyene mulalenga antu insonyi, yao yano yakalanda viipe pa milimo inu isuma ya alondezi yakwe Klistu.

1 Petulo 4:16

Nanti cingaya vivyo, ndi mwacula pamulandu wakuti mwemwe ina Klistu, mutuvwa insonyi. Lelo taizyini Leza pano mwemwe yakwe Klistu.

2 Petulo 2:2

Vivyo kwene antu aingi yalalondela misango iya ulenzyo. Acino pamulandu wa vintu vino yakacita, yauze yalavwangila ilandwe lisuma viipe.