1 Petulo 4:11 - Amazwi Yakwe Leza 2013

¹¹ Wino wensi akakosola alinzile kukosola mazwi yakwe Leza. Wino wensi akatumikila alinzile kutumikila na maka yano Leza akamupeela, pakuti Leza atasiwe muli vyonsi. Klistu awino alalenga kuti cii cicitike. Lulumbi na maka ivyakwakwe manda pe. Ameni.

1 Petulo 4:11 ပူးပေါင်းရင်းမြစ်များ

Masamu 145:13

Uwene wako uwene wa muyayaya, nga utesi wako uwa manda pe. Yawe wene akafikilizya amalayo yakwe, wene akalanga icikuku ku viumbwa vyakwe vyonsi.

Ezaya 8:20

Umu cumi vii ali vino yalalanda. Lelo mwemo muce mwayasuka muti, “Uvwini vino Yawe akumusunda!” Ala mwemo mutauvwa kuli yano yakumuuzizya imilandu uku mipasi. Vino yakumunena vitalamuombela icisuma nanti conga.

Yelemiya 23:22

Ndi cakuti yamanyile inkama zya melenganyo yane, lyene ngano yalanda ilandwe lyane ku antu yane cakuti antu nayo yange yazenzuke ku nzila zyao iziipe nu ku vicitwa vyao iviipe.

Danieli 4:3

Ala ivizungusyo vino Leza watulanga ivikulu! Ala ivinjelengwe vino wene akacita ivyamaka! Leza ali mwene wa manda pe. Wene amateekanga insita zyonsi.

Danieli 4:34

“Lino imyaka cinimbali yapita, ne Nebukadineza ntumpula manso umwiyulu, nga amano yane yawela. Alino nani ndumbanya Leza Wapapelapela. Impeela umucinzi nu lulumbi kuli wiyo uwaumi pee na pee. “Wene amateekanga umuyayaya, nu wene wakwe ulikalilila amanda pe.

Danieli 7:14

Wene wapilwe amaka, ululumbi nu utesi, kuti misango yonsi ya antu, na antu amu nko zyonsi ni ndimi, yangamutumikila. Amaka yakwe autesi yalatwalilila amanda pe, nu wene wakwe utalasila.

Mateo 6:13

Utaleka tuponele mukweziwa kukome lelo ututuule ku Mwipe wilya.’

Yoane 13:31

Walanga lino Yuda wafuma, Yesu ayanena ati, “Ndakai lulumbi lwa Mwana wa Muntu lwasokololwa. Na Leza lulumbi lwakwe lwasokololwa mu Mwana wa Muntu.

Milimo 7:38

Mose kwene wii uwali na aina Izlaeli lino yakongine mu lwanga, nupya uwali ni vikolwe vitu pamwi nu mungeli uwavwanzile nawe pa Mwamba wa Sinai. Wene uwapokelile na mazwi akapeela umi kuti atupele.

Loma 11:36

Pano vintu vyonsi vyaumvilwe na aliwe, nupya vintu vyonsi vyacisilwe pamulandu na aliwe, lulumbi luye kunoli manda pe. Ameni.

Loma 12:3

Pamulandu wa wila uno Leza wampeela mu cikuku cakwe, nkumunena mwensi kuti mutaikuzya kuluta vino mwaya. Lelo muye atekele mu kwelenganya nu kuipima mweisikulu kulingana ni cipimo ca utailo uno Leza wapela cila muntu.

Loma 16:27

Ku Mwene Leza wenga sile, wino wenga uwaya uwa mano, kuye lulumbi muli Yesu Klistu, pe na pe. Ameni.

Loma 3:2

Endi, umu nzila zingi, mwaya muzano wakuya Muyuda! Ca nkolelo, mazwi yakwe Leza yavwanzilwe ku Ayuda.

1 Kolinto 10:31

Endi, consi cino mukucita, cingaya ukulya nanti kumwa, mucicite ku lulumbi lwakwe Leza.

1 Kolinto 12:4

Kwaya mawila apusane kufuma kuli Mupasi Wamuzilo, lelo Mupasi ali umwi kwene awino akapela.

1 Kolinto 3:10

Leza wampile uwila wakuya nkonkotela yamakule, nga nani naomvizye uwila uu pa kwimba mufula, uno umuntu muze akukuulapo. Lelo cila muntu alinzile atekele musango uno akukuulilamo.

1 Kolinto 6:20

Leza wamukazile pa mutengo ukulu cuze. Caleka omvini mili inu mu kupeela lulumbi kuli Leza.

2 Kolinto 2:17

Swemo tutakoline wa antu yauze aingi, yano yakaezya kuya akama kupitila mu kukosola ilandwe lyakwe Leza. Lelo pano twaya muli Klistu tuli wa nkombe zyakwe Leza, tukakosola mu cumi kulingana nu kulonda kwakwe.

2 Kolinto 9:13

Na pa usininkizyo uno kutumikila kwinu kuu kukaleta, antu aingi yalapeela lulumbi kuli Leza pa kuyela kuno mwayela Ilandwe Lisuma lya pali Klistu, lino mwazumila, nga na pa kwankana pamwi nao vintu vinu nga na yauze.

Efeso 1:19

nga na kuti mumanye na maka yakwe aataikulila yano akaomba munotuli swe ya utailo. Maka ya ulamba ali yamwi

Efeso 4:29

Mutaomvya mazwi akucisa. Lelo omvini mazwi asuma akwazwa, mazwi akakuula nu kupeela vikulondekwa, pakuti vino mukulanda viye vyakwazwa yao akumuvwa.

Efeso 5:20

Mwi zina lya Mwene witu Yesu Klistu, mwataizya Leza Tata lyonsi pa vintu vyonsi.

Efeso 6:10

Mukusyalikizya, lekini maka yakwe Leza yamukomelezya.

Filipi 1:11

Nga umi winu ulavulilwa vizao vyawololoke ivikaizila muli Yesu Klistu ku kuleta lulumbi nu kulumbanyiwa kwakwe Leza.

Filipi 2:11

Vyonsi vilazumilizya paswe ukuti Yesu Klistu Umwene, alino vilalumbanya Leza Tata.

Kolose 4:6

Mvwango zinu zilinzile kuya zisuma nupya zyakuzanzya antu, nupya mulinzile kumanya musango uno mungaasukilamo umuntu ali wensi.

1 Tesalonika 2:4

Mu cifulo cakwe cii, swemo lyonsi tukalanda wakwe vino Leza akalonda kuti tucite, pano wene walola ukuti twati tulinga kupelwa mulimo wa kukosola Ilandwe Lisuma. Tusyaezya kuzanzya antu, lelo tukaezya kuzanzya Leza, wino akaezya melenganyo itu.

1 Timoti 1:17

Ndakai ku Mwene wape, wino asyafwa, asyaloleka, Leza wenga sile, kuye lulumbi nu ukulu, manda pe, Ameni.

1 Timoti 6:16

Aliwe wenga sile asyafwa. Wene akaikala mu luswepo luno kusi nanti umwi angapalamako. Kusi nanti umwi uwatala walola Leza. Kusi nanti umwi angamulola. Kunoli kupelwe mucinzi nu utesi wape! Ameni.

Tito 2:1

Lelo wemo ulinzile kusambilizya antu vilingine nu usambilizyo uwa cumi.

Tito 2:15

Sambilizya vintu vii nu kuomvya maka yako yonsi lino ukukomelezya nu kunenola yano akukuvwa. Utaleka umwi uwa munoyali akusuule.

Ayebulai 13:7

Mwaiusya yao ali ntunguluzi zinu, yano amunenyile ilandwe, mazwi yakwe Leza. Elenganyini musango uno ikalanga na vino yafwile, nga mukolane na alio mu utailo wao.

Ayebulai 5:12

Mwemo mwapilwe insita ilinge yakuti muye yakasambilizya. Lelo mucili mukulonda umwi uwa kumusambilizya masambilizyo ankolelo amwi landwe lyakwe Leza. Mwemo mucili mukumwa iziya lino mulinzile kulya vyakulya vikome.

Yakobo 1:19

Mwe inane yakundwe, iusyini cii! Muntu wensi alinzile kuuvwa zuwa, lelo atekele kulanda nu kusoka.

Yakobo 1:26

Uzye muntu umwi akaelenganya vino wene umupefi wakwe Leza? Ndi cakuti wene asyapindulula lulimi lwakwe, ale nu upefi wakwe uwasilesile nupya akaisomba umwisikulu.

1 Petulo 2:12

Lekini micitile inu pakasi ka antu atataila Leza iye isuma cuze, cakuti nanti angala yangamupeela milandu yakwifya, lyene pa Wanda wa upinguzi yene yalalumbanya Leza pa kulanda vintu vino yaweni mukucita.

1 Petulo 2:5

Wa mawe ya umi, lekini Leza amuomvye mu kukuula ng'anda ikulu yakwe. Mukwene amuno mulatumikila wakwe yasimapepo amuzilo mukupeela impolelwa zyamuzilo izingazumiliziwa kuli Leza muli Yesu Klistu.

1 Petulo 4:10

Cila muntu akangalila wa wila pa mawila apusane kufuma kuli Leza. Acino umwangalizi musuma alinzile kuomvya uwila uiyele mu kwazwa antu yauze.

1 Petulo 4:16

Nanti cingaya vivyo, ndi mwacula pamulandu wakuti mwemwe ina Klistu, mutuvwa insonyi. Lelo taizyini Leza pano mwemwe yakwe Klistu.

1 Petulo 5:11

Leza aye na maka manda pe. Ameni.

Yuda 1:25

Kuli Leza wiyo wenga sile Katuula witu, muli Yesu Klistu Mwene witu kunoli kuye ululumbi, ukulu, maka nu wangalizi, kufuma ku katalili, ilelo na manda pe. Ameni.