1 Petulo 3:18 - Amazwi Yakwe Leza 2013

¹⁸ Pano Klistu umwisikulu wafwile lyonga sile pamulandu wa maifyo itu. Wene wali uwakaele pa kufwila yakaifya, pakuti amutungulule kuli Leza. Wene wakomilwe, lelo aya nu umi ku mupasi.

1 Petulo 3:18 ပူးပေါင်းရင်းမြစ်များ

Danieli 9:26

Alino apa mpela ya nsita ilya Musololwe Wilya wakwe Leza alakomwa mu kufyengwa. Umusumba kumwi ni Ng'anda ikulu yakwe Leza yalavyonona ku vita vya mwene wa maka vino viliza. Impela iliza wa mukuku, nga ilaleta inkondo nu ononesi vino Leza wateyanya.

Zakaliya 9:9

Sansamukini sile mwe ikazi amu Zioni! Umilini tupundu mwe ina Izlaeli! Lolini umwene winu awilya akwiza kuno muli! Wiza yakumucinila isoonga, pano watacimvya, lelo kwene wataicefya akuipitila pali punda, nawe indama mwana punda.

Mpendwa 7:15

Alino na kacipambasi konga, na suuku wenga, nu mwana wa mfwele wenga wa mwaka onga. Vyonsi vii vya wila wakoca.

Mateo 27:19

Lelo lino Pilato watenzi pa cilimba ca kuputwila milandu, muci atuma izwi kunoli ati, “Utacita cintu nanti cimwi ku muntu wiyo uwakaele, pano usiku nali nalota vintu vingi pamulandu wakwe.”

Mateo 27:24

Lino Pilato walola vino waposiwa cakucita, lelo kuluta kuti mpanzela ikatuke, atoola manzi afulala minwe pa manso yi umba avwanga ati, “Nemo insi na mulandu wa kukoma umuntu wii uwakaele. Mwemwe mumanye vyakucita.”

Yoane 16:10

Yene aponge pamulandu wa kuntamanya vya wololoke, pano nemo nkuya kuli Tata nga mutalandola nupya.

Milimo 22:14

Alino avwanga ati, ‘Leza wa vikolwe vitu watakusola kuti umanye ukulonda kwakwe, nu kulola umuomvi wakwe Umololoke, uuvwe ni zwi lyakwe.

Milimo 3:14

Yesu wali uwamuzilo nupya mololoke, lelo mwemo mwamukanyile, nga mulenga Pilato kuti amusapwile inkomi mu cifulo cakwe.

Loma 1:4

Lelo muli umuzilo wakwe wa uleza wene wasininkiziwe pa kuzyukuka kufuma ku afwe ukuti wene Mwana wakwe Leza.

Loma 4:25

Leza wapile Yesu kuti afwe pamulandu wa maifyo itu, nupya uwamuzyukwile kuti aye nu umi, pakuti atucite kuya aololoke pa manso yakwe.

Loma 5:2

Pano twataila muli Klistu, Klistu kwene uwalenga kuti tukwate longo lwakuti twaikalilila mu luse lwakwe Leza. Acino tukailumba pa kukwata upaalilo wa kukumako ku ucindami wakwe Leza!

Loma 8:11

Ndi Mupasi wakwe Leza, wino uwazyukwile Yesu kufuma ku afwe, akaikala munomuli, ale Leza wino uwazyukwile Klistu kufuma ku afwe alapeela umi ku mili inu iikafwa.

Loma 8:3

Leza wene watacita vino Masunde yakwe Mose yaposiwe kucita pamulandu wakuti miyele ya untunze yaya itonte. Wene wavunwike iifyo mu untu apa kutuma Mwana wakwe, uwizile mu musango wa untu wakwe sweswe swe yakaifya, pakuti aiize aipeele kuya impolelwa ya kukulula antu ku maifyo yao.

2 Kolinto 1:24

Swemo tusi angalizi pa utailo winu akumunena vino mungataila. Tukuomba pamwi namwe kuti muye a nsansa, pano utailo winu ukome.

2 Kolinto 13:4

Nanti angala wali umutonte lino yamutanyile pa lupanda, ndakai ali nu umi kupitila mu maka yakwe Leza. Swemo tuli atonte ndi vino Klistu wali. Lelo mulalola ukuti swemo tulaya nu umi kupitila mu maka yakwe Leza, ndi vino Klistu ali.

2 Kolinto 5:21

Klistu atatazile aifye! Lelo Leza wamucisile wakwe kaifya pamulandu witu, kuti muli Klistu tukume ku wololole wakwe Leza.

Galatiya 1:4

Klistu waipile mwisikulu wa mpolelwa umulandu wa maifyo itu, pakuti tungakululwa ku mukulo uu, uwipe. Wene wacisile cii, mu kuyela Leza witu ali Tata.

Galatiya 3:13

Lelo Klistu watukulula ku citipu ca Masunde, lino umwisikulu waipile kuya citipu mu cifulo citu. Pano calembwa mu malembelo cati, “Wiyo wensi uwatanwa pa cimuti ala citipu cakwe Leza cili panoli.”

Efeso 3:12

Muli Klistu nu mu utailo witu munoli akatupeela kuposya nga nu kuntatwisika, pakuti tungiza kuli Leza nu kupama.

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

Ayebulai 10:10

Pamulandu wakuti Yesu Klistu wacisile vino Leza walondanga kuti wene acite, swemo swensi kwene twaswefiwa kupitila mu mpolelwa ino umwisikulu waipile lyonga nupya calimwi.

Ayebulai 9:14

Endi, vino cii ica cumi, uwazi wakwe Klistu ulaomba vikulu kuluta. Mu Mupasi wape, wene waipile kuli Leza wa mpolelwa yaula ndema. Wazi ukaswefya myenzo itu kufuma ku malamulo aciwelewele pakuti twatumikila Leza.

Ayebulai 9:26

pano acita vivyo wange acule maila aingi kufuma ku kuumbwa kwa vintu vyonsi. Lelo ndakai, lino mpelelekezyo ya nsita zya mikulo yonsi yapalama, wene waloleka lyonga nupya calimwi kuti atufumizye maifyo kupitila mu mpolelwa ino umwisikulu waipile.

Ayebulai 9:28

Mu musango uli onga Klistu wapilwe kuya impolelwa yakufumya maifyo ya antu aingi. Wene alaloleka iila lyakwe ciili, asi ku kufumya maifyo, lelo ukwiza tuula yao akumulolela.

Yakobo 5:6

Mwemo mwapingula nu kukoma antu akaele, yano atezizye kulwisya mwemwe.

1 Petulo 3:19

Lino wali mu mupasi, wene waile akosola ku mipasi inyepwe.

1 Petulo 4:1

Klistu wacuzile ku mwili lino wali pano pa nsi. Acino namwe kwene mulinzile kuikomelezya mweisikulu ni myelenganyizizye ili yonga na ino wene wakweti. Pano wino wensi uwacula ku mwili ala wene asyakukumako ku kwifya nupya.

1 Petulo 4:6

Uli mulandu uno Ilandwe Lisuma lyakosozilwe nu ku afwe kwene. Na pacisila ca kupingulwa pa vicitwa vino yacisile lino yacili nu umi, kuti mipasi yao iye nu umi ndi vino Leza waya nu umi.

1 Yoane 1:9

Lelo ndi twailongwela maifyo itu kuli Leza, wene uwakutailwa nupya uwa cumi ku ulayo wakwe. Alatwelela maifyo itu nu kutusangulula ku kuluvyanya kwitu konsi.