1 Petulo 3:17 - Amazwi Yakwe Leza 2013

¹⁷ Pano cingazipisya kuti mucule pa kucita visuma kuluta kucita viipe, ndi cili kulonda kwakwe Leza.

1 Petulo 3:17 ပူးပေါင်းရင်းမြစ်များ

Mateo 26:39

Apita katalamukila panono, afukama pansi ainime, nga apepa ati, “Tata ndi cingaya, leka ulwako luu lwa ucuzi lusisiwe kunondi. Kusi kulonda kwane, lelo kulonda kwako kucitike.”

Mateo 26:42

Nupya aswilila iila lyakwe ciili, apepa ati, “Tata, ndi citangaya kuti lwako luu lwa ucuzi lusisiwe kunondi suka nkamwemo, leka kulonda kwako kucitike.”

Milimo 18:21

Apa kupita lino akuyapakasya, ayanena ati, “Ndawela nupya kunomuli, ndi Leza akasi.” Alino apatama mu wato, afuma ku Efeso.

Milimo 21:14

Twaposiwe kumutonsya. Caleka tusazya tuti, “Lekini kulonda kwa Mwene kucitike.”

1 Petulo 1:6

Sansamukini pali cii, nanti angala ndakai cingalondekwa kuti muvwe ulanda pamulandu wa mezyo aingi yano mukuculamo.

1 Petulo 2:15

Pano Leza akulonda kuti vicitwa vinu visuma vileke kulanda kwa ututu kwa antu awelewele kusile.

1 Petulo 2:20

Uzye cilambu cii cino mungalonka ndi mwaposya kuumwa pamulandu wa kwifya? Lelo ndi mwaposya ucuzi na lino mwati mucita visuma, Leza alamupolelela pa kucita cico.

1 Petulo 3:14

Lelo muli nu longo nanti mungacula pamulandu wakucita visuma! Mutoopa umuntu umwi, nupya mutasakamikwa.

1 Petulo 4:15

Umwi uwa munomuli ndi wacula, lekini citaya pamulandu wakuti wene inkomi nanti umwivi nanti cipondo nanti wino akaitumpa mu vintu vitamupazi.

1 Petulo 4:19

Acino, yao akucula pamulandu wa kulonda kwakwe Leza, yene yalinzile kucita visuma nu kutaila Kaumba wino waya uwakutailwa.