1 Petulo 3:14 - Amazwi Yakwe Leza 2013

¹⁴ Lelo muli nu longo nanti mungacula pamulandu wakucita visuma! Mutoopa umuntu umwi, nupya mutasakamikwa.

1 Petulo 3:14 ပူးပေါင်းရင်းမြစ်များ

Mapinda 3:25

Wemo utalaoopa amasyamo yano yakapumikizya antu, nanti yano yakaponela antu aipe.

Ezaya 51:12

Yawe nupya wavwanga wati, “Kapela wa maka kuno muli anene. Nga fwandi nupya ungaoopa uli umuntu umwina kufwa, wino waviilwe uku muntu? Wiyo alafoota sile nu kuuma wi sote?

Yelemiya 1:8

Utayoopa foo, pano namayanga nawe nu kukupususya. Ivyalanda ne Yawe.”

Yelemiya 15:15

Lyene inti, “We Yawe, cico cene wacimanya. Uwanjiusya nu kungazwilizya. Uwandandwila kuli yayo akanzunya. Wemo usisoka zuwa, acino utaleka yankome. Waiusya ukuti nemo nkutukwa pamulandu wako.

Ezekelo 3:9

Nkukukomya ukuluta ni iwe, ukuluta na kaliwe kakankala kakwe daimondi akakome wa nkomolo, ala antu yaya utakayoope foo, pano yaya uluko ulutalame.”

Mateo 10:28

Mutaoopa yano akakoma umwili, lelo yatangakoma mupasi. Lelo mwaoopa Leza, wino ali na maka akonona umwili nga nu mupasi kwene mu Gehena.

Mateo 10:31

Caleka mutaoopa, pano mwemwe yamutengo kuluta utunyi utwingi.

Mateo 10:39

Na wiyo akalonda kutuula umi wakwe, wene alaulovya. Lelo wino uwaponzya umi wakwe pamulandu wane, wene alauzana.

Mateo 16:25

Pano wino wensi akalonda kutuula umi wakwe, wene alauponzya. Lelo wino wensi amaponzya umi wakwe pamulandu wane, wene alauzana.

Mateo 19:29

Na wensi uwasya mang'anda yakwe, aina aonsi, yakaci yakwe, isi, nyina, ana nanti vyalo pamulandu wane, wene alapokelela ivingi kuluta pali vino wasya, nga nu umi wape.

Mako 10:29

Yesu nawe ayanena ati, “Ee, cumi namunena vino, kusi nanti umuntu wenga uwasya ing'anda yakwe, aina aonsi, yakaci yakwe, nyina, isi, ana nanti vyalo pamulandu wane nu wi Landwe Lisuma,

Mako 8:35

Pano wino wensi akalonda kutuula umi wakwe, wene alauponzya. Lelo wino wensi amaponzya umi wakwe pamulandu wi Landwe Lisuma wene alautuula.

Yoane 14:1

Yesu anena alondezi yakwe ati, “Mutaleka myenzo inu yaaziwa. Tailini Leza, mutaile nani kwene.

Yoane 14:27

“Namusila mutende, mutende wane auno namupeela. Ntamupile mutende ndi vino amu nsi yakapela. Mutaleka myenzo inu yaaziwa, nanti kuvwa intete.

Milimo 9:16

Nani nemwisikulu ndamulanga vintu vyonsi vino alacula pamulandu wi zina lyane.”

2 Kolinto 12:10

Endi, nemo ndi nu luzango lwa kuya nu utonte, kutukwa, kuzunyiwa, nu kukwata ntazi na macuzi, ndi vyonsi vili pamulandu wakwe Klistu. Pano lino ndi mu utonte, ale lyene nene mukome.

Filipi 1:29

nupya wene wamupeela isyuko lya kutumikila Klistu asi kukwata sile utailo munoli, lelo nu kumuculila.

Yakobo 1:12

Walongo umuntu wino akatwalilila kuya mutailwe lino akweziwa, pano lino wacimvya kweziwa, wene alapeelwa umi wa pe, wila uno Leza walaya yao amutemwa.

Yakobo 5:11

Yaa, ayano tukati alongo pano yene yaposizye. Muuvwa vino Yobo watesile mwenzo, nga mwamanya na vino pacisila Umwene wamwazwilizye. Pano Umwene wakwatisya mizu nu luse.

1 Petulo 3:6

Sala nawe avino wacitanga. Wene wayelanga Abulaamu nu kumwama ukuti musambazi wakwe. Ndakai mwe anaci mukoline na Sala ndi mukucita visuma kwaula koopa cimwi.