1 Petulo 3:11 - Amazwi Yakwe Leza 2013

¹¹ Wene alinzile kuzenzuka ku viipe, atandike kucita visuma. Nupya alinzile kucita vya kuleta mutende nu mwenzo wakwe onsi.

1 Petulo 3:11 ပူးပေါင်းရင်းမြစ်များ

Yobo 1:1

Mu mpanga ya Uzi mwikalanga umuntu umwi wino izina lyakwe wali a Yobo. Umuntu wi wali uwaula umulandu nupya akacita ivisuma. Umuntu wi woopanga Leza nu kuleuka inkota.

Yobo 2:3

Yawe nawe auzya Satana ati, “Uzye watulola vino umuomvi wane Yobo ali? Uzye muno nsi mungaya umwi wino yangalingana nawe uku usuma nu ku ulungami? Yobo waya nu mucinzi kunondi ne Yawe. Wene akafuntuka ku kucita iviipe vyonsi nupya akasunga ukaele wakwe. Ale lyene walola vino waicuzizye sile apa kunzembeleka nu kumpatikizya kuti imuletele imikosi apaula umulandu.”

Yobo 28:28

Fwandi lyene ali vino wanenyile nu muntunze ukuti, ukuya ni coopo kuli Leza ali kukwata amano, nu kufuntuka uku kucita iviipe, ali kwiluka.”

Masamu 125:4

We Yawe, sungala uwalukucitila antu asuma iviziipe, yayo akayela amasunde yako.

Masamu 34:14

Tiini ukucita iviipe, mwacita sile ivisuma. Mwatemwa ukwikala umu longo, nu kwikala kwene avino mwikale.

Masamu 37:27

Uwafuntuka uku viipe, nga uwacita ni visuma, apakuti uce uwikalilile pee.

Mapinda 16:17

Inzila ya antu asuma, ikafuntuka uku uyi, nu muntu uwalola kuno akuya, ala wasunga umi wakwe.

Mapinda 16:6

Uluse ni cumi vikalipila apa maifyo. Ukoopa Yawe kukafuntusya uku uyi.

Mapinda 3:7

Utaezya ukwelenganya ukuti wacenjela ukuluta pali vino waya, wemo uwakwatila Yawe icoopo, uwaleuka iviipe.

Mateo 5:45

pakuti muye ana yakwe So uwa mwiyulu. Pano wene akawazya ilanzi pa antu asuma na pa aipe kwene. Akatuma imvula pa antu aololoke na pali yao asi aololoke.

Mateo 5:9

Alongo antu akaelezyanya. Pano yalaamwa ana yakwe Leza.

Mateo 6:13

Utaleka tuponele mukweziwa kukome lelo ututuule ku Mwipe wilya.’

Mako 14:7

Apina mukaya nao pe, nupya mungayazwa nsita yonsi ndi mukulonda. Lelo nemo mutalaya nani pe.

Luka 1:79

nu kuyengesa pali yonsi yano aikala mu mfinzi nu mu cinzingwa ca mfwa, nga nu kututungulula mu kwikala umi wa mutende.”

Luka 6:35

Lelo temwini anisi inu nu kuyacitila visuma. Nupya mwakongwesya kwaula kupaalila kupokelela cimwi kunoyali. Lyene mulakwata icilambu cikulu, nupya mulaya ana yakwe Leza uwa papelapela. Pano wene akacita visuma kuli yano asitaizya na aipe kwene.

Luka 6:9

Lyene auzya ati, “Uzye Masunde itu yazumilizya ukucita cani pa Sabata? Uzye ukuombela antu visuma nanti kuyaombela viipe? Uzye ukutuula umi wa muntu nanti kuulovya?”

Yoane 17:15

Nsyakupepa kunuli kuti uyafumye mu nsi, lelo nkupepa kunuli kuti uyasunge ningo ku mwipe wilya.

Loma 12:18

Citini vyonsi vingacitwa pakuti mwikale mu mutende na antu onsi.

Loma 14:17

Mu Wene wakwe Leza cintu cikulu asi kulya nanti kumwa, lelo kucita vyawololoke, mutende nu luzango, vino vikapelwa na Mupasi Wamuzilo.

Loma 14:19

Caleka tulinzile kwezya kwikala mutende nu kwazwana kukwata utailo ukome.

Loma 5:1

Caleka pano twati tuya aololoke pa manso yakwe Leza pamulandu wa utailo, lyene tukweti mutende pakasi kitu na Leza, kupitila mu Mwene witu Yesu Klistu.

Loma 7:19

Nemo nsyacita cisuma cino nkasi kucita, lelo nkacita iciipe cino ntakasi kucita.

Loma 7:21

Acino Masunde yakandanga kuomba ukuti, lyonsi lino nkalonda kucita cisuma, icikacitika cakuti iciipe acino nkasolapo kucita.

Loma 8:6

Kutungululwa ni vilondwa vya mwili ukuiletelela imfwa, kutungululwa na Mupasi Wamuzilo kwene kukatuletela umi nu mutende.

Galatiya 5:22

Lelo Mupasi Wamuzilo wene akatulenga kuti twatemwana, kuya nu luzango, mutende, kuteeka mwenzo, uluse, cikuku, kuya a cumi,

Galatiya 6:10

Caleka tulinzile kucita visuma ku muntu wensi vino tungacita nu kuluta kuli yao ali alondezi yakwe Klistu.

Kolose 3:15

Mutende uno Klistu akapeela uwa kutungulula myenzo inu. Leza wamusolwile kuti mwikale mu mutende kwene uu, pano mwemwe vilundwa vya mwili onga. Nupya mulinzile mwataizya.

1 Timoti 6:18

Uwayanena kuti yacita visuma, nu kuya akama mu milimo isuma, nu kupeela kwaula lusoko, yaye aiteyanye kwankanyako yauze.

Ayebulai 12:14

Ezyini kwikala mu mutende na antu onsi, nu kwikala umi wamuzilo. Pano kusi umwi wino alalola Mwene kwaula kwikala umi wamuzilo.

Ayebulai 13:16

Mwaiusya kucita visuma nu kwazwana pano vintu vii vikoline wa mpolelwa zino zikazanzya Leza.

Yakobo 4:17

Caleka, umuntu wino asyacita cisuma cino amanyile ukuti alinzile kucita ala ali nu mulandu uwa kwifya.

1 Petulo 3:12

Pano Mwene akalolekesya pa antu akacita vyawololoke, nu kuvwa mapepo yao. Lelo wene akakanya yao akacita viipe.”

3 Yoane 1:11

We mukundwe utezya kuya namalolela ya vintu viipe. Lelo uye namalolela ya vintu visuma. Wino akacita visuma wene uwakwe Leza. Wino akacita viipe wene atatala walola Leza.

Yakapingula 11:14

Nawe Yefuta aswilizya inkombe ku mwene wa ina Amoni,