1 Petulo 2:8 - Amazwi Yakwe Leza 2013

⁸ Nupya cili ndi vino malembelo yauze yakati, “Lii, lili iwe ililalenga kuti antu yapumike nu kupona.” Yene yaipumileko pano yatataile mu mazwi ya Mwene. Cii cali ukulonda kwakwe Leza kunoyali.

1 Petulo 2:8 ပူးပေါင်းရင်းမြစ်များ

Yobo 23:14

Pano umwisikulu wamanya vino alancitila, ndi muno amapange yakwe avule yayelile.

Kufuma 9:16

Lelo pakuti nkulange maka yane kuti uye umumi pakuti antu munsi yonsi yandumbanye.

Ezaya 37:26

Ee, kwene nanti ungalanda vyonsi vivyo, uzye wemo utatala uvwa ukuti ne Yawe Leza anene nateinye vivyo vyonsi mpiti? Ala anene kwene nasuka nafikilizya napali ndakai kwene. Anene nakupiile amaka akuwisya imisumba ya malinga, apakuti pangasyala sile imitumba ya vitalang'anda.

Ezaya 57:14

Yawe walanda wati, “Lekini antu yane yaweluluke kunondi. Panzini umuseo ukalamba. Mu uzifye, mufumyemo na vyonsi vino vingayacilikila inzila.”

Ezaya 8:14

Apamulandu nu kucindama kwane ukwa cipezya amano, nemo naya wi we lino antu yakapumika kweneko. Naya wa lukose luno antu yakalemya mwenemo, yayo atekwa umu Yuda nu mu Yelusalemu. Icikalemwako nu ku ina Yelusalemu kwene.

Luka 2:34

Lyene Simeoni ayapolelela anena Maliya nyina wa mwana ati, “Lola umwana wii waikwa na Leza kuti aye cakuponya nu kukatusya aingi mu Izlaeli, nupya kuti aye wa cilangililo kufuma kuli Leza cino aingi yalakana.

Loma 9:22

Na Leza kwene avino waya. Akalonda kuti alange ukali wakwe nu kulanga maka yakwe kuli yao angaloviwa. Lelo mu cifulo cakwe cii Leza akayatekela mwenzo.

1 Kolinto 1:23

Lelo swemo tukakosola Klistu uwatanyilwe pa lupanda, ilandwe lyaya icisiki cakupumikako Ayuda nupya utumpe ku Akulukuwa.

2 Kolinto 2:16

Lelo ku antu akulowa, wene waya mununko wa mfwa nupya ukakoma. Lelo kuli yao akatuulwa mununko uu uwa cumi nupya ukayapeela umi. Uzye lyene aweni alinzile kuomba mulimo uwa musango uu?

Galatiya 5:11

Inane, ndi ncili nkukosola ukuti kusilamulwa kukulondekwa kucitwa, uzye pacani ncili nkuzunyiwa? Mu cumi nda vino cili, lyene ale kukosola kwane pamulandu wa lupanda lwakwe Klistu kutangaleta intazi.

1 Tesalonika 5:9

Leza atasolola kutuvunuka, lelo wene wasolola kuti Klistu Mwene witu atutuule.

1 Petulo 2:6

Pano calembwa mu malembelo cati, “Nasolwile iwe lyamutengo cuze, lino nkwika mu Zioni liye iwe lya pitungi, na wino wensi uwataila munoli atalacitwa insonyi.”

1 Petulo 2:7

Iwe lii ilyamutengo cuze kuli mwe muno mwataila. Lelo kuli yao atataila, kunoyali cili ndi vino malembelo yauze yakati, “Iwe lino yakakuula yakanyile, lyene lyacisilwe iwe lya pitungi lya nganda.”

2 Petulo 2:3

Pamulandu wa kutemwisya cuma yene yalamusomba na mazwi aucenjezi. Lelo kuvunukwa kwao kwateyanyiziwa mpiti, nu kononwa kwao kukayalolela.

Yuda 1:4

Pano antu yamwi yakaifya, yasokelela munotuli ukwaula kumanyika. Nupya yakasenula ilandwe lya pa cikuku cakwe Leza witu pakuti yaipele insambu pa miyele yao ya winyi. Yene yakana Yesu Klistu, Musambazi nupya Mwene witu wenga sile. Antu yaa yalavunukwa ndi vino calembwa mpiti mu malembelo.