1 Petulo 2:6 - Amazwi Yakwe Leza 2013

⁶ Pano calembwa mu malembelo cati, “Nasolwile iwe lyamutengo cuze, lino nkwika mu Zioni liye iwe lya pitungi, na wino wensi uwataila munoli atalacitwa insonyi.”

1 Petulo 2:6 ပူးပေါင်းရင်းမြစ်များ

Utandiko 49:24

Lelo ulapwa wa mwi kasa lyakwe utatazile utente, nga na makasa yakwe akome. Ku maka yakwe Leza Wamaka yonsi wakwe Yakobo, Leza wi ali Mucemi, nupya cisyangu cakwe Izlaeli.

Masamu 40:14

Leka yao akulonda uku nkoma yazewane, ni nsonyi ziyaleme! Leka yao akuzanga apamulandu wa macuzi yane, yaswilile mwenemo ale yati yaponya ni nsuka.

Masamu 89:19

Mpiti wavwanzile umu cilolwa ku antu yako acumi, uti, “Nemo natinzwika umuntu umuzwangane icilongwe. Natincindamika wenga wino nemo natinsolola apa antu.

Ezaya 28:16

Ali cino Yawe Simwandalali akuti, “Nemo namaimba umufula mu Zioni umucumi. Alino umufula kwene uo, namaika penepo iwe lyonga ilikome, ililemvilwe penepo amazwi akuti, ‘Uwazumila atalatenkana!’

Ezaya 41:11

Antu yano mumasokelanga yamazewananga sile ni nsonyi zimayalemanga. Yano yamulwisyanga yamafwanga.

Ezaya 42:1

Yawe wavwanga wati, “Wii ali muomvi wane wino nemo nemweneco natungilila, ali wino naisolwela nupya natemwisya. Namamwikila Umupasi wane, nga nawe alaletela antu amu mitundu yonsi ulungami.

Ezaya 46:13

Ala mwandini uwanda wakucimvya natimbupalamika. Pasikulengela foo. Nemo nsikusumba akasita foo, Apakupususya antu yane. Nemo nasya mpususye Yelusalemu, incindamike na ina Izlaeli aya mwenemo.”

Ezaya 50:7

Lelo kwene nemo Yawe Simwandalali akantuula. Ali cino nani ntakwata insonyi. Icaleka nalenga ukuti impumi yane ikome, iye ndi wakwe cilwala. Pano namanya ukuti ntalazewana foo.

Ezaya 54:4

Utoopa foo pano insonyi zitalakulema, utalazewana foo. Nupya ulilila nu ku nsonyi zya ukazyana wako. Utalaiusya nu kuzewana kwakwe unamfwilwa wako.

Danieli 10:21

Lelo inkolelo namatala nkunene ivyalembwa mu Lupapulo lwa Cumi. Kusi umwi uwakungazwa, suka sile Mikaeli, umungeli wino akalinda Izlaeli.

Zakaliya 10:4

Pa antu yane kwene yayo apalafuma wenga alaya wi we lya pitungi, nupya muli aliwe umulafuma ulupopo lwakulema itaalu, umulafuma ulapwa wa kulwila inkondo, nupya umulafuma intunguluzi zyonsi.

Mateo 12:18

“Lolini muomvi wino nati nsolola. Mukundwe wane, wino mwenzo wane ukazanga munoli. Namamwikila Mupasi wane, Nawe amakosolanga ivyawololoke vyakwe Leza ku antu amu nko zyuze.

Mako 12:10

Uzye ale mutali muwelenge ilembelo lii? ‘Iwe lino yakakuula yakanyile, lyene lyacisilwe iwe lya pitungi lya ng'anda.

Luka 20:17

Yesu ayalolekesya nga ayauzya ati, “Uzye lyene, icalembwa cino cikati, ‘Iwe lino yakakuula yakanyile lyene lyacisilwe iwe lya pitungi lya ng'anda,’ cikasenula uli?

Luka 23:35

Antu iimilila, yala yakulola, nga intunguluzi zya Ayuda ala zikumusoweka, zikuti, “Watuulanga auze, lekini aituule umwisikulu ndi cakuti wene ali Katuula wino Leza wasolola!”

Yoane 7:38

Ndi vino malembelo yakati, ‘Wino wensi akuntaila mu mwenzo wakwe mulafuma inguzi zya manzi yano akapeela umi.’”

Milimo 1:16

“Inane, usemo uwaya mu malembelo, uno Davidi wasowile mu maka yakwe Mupasi Wamuzilo pamulandu na Yuda, wino watungulwile akwiza lema Yesu, wene wafikiliziwe.

Loma 10:11

Pano calembwa mu malembelo cati, “Wino wensi uwamutaila wene atalacitwa insonyi.”

Efeso 1:4

Na lino insi itali kuti iumbwe, Leza wene watusolwile mpiti kuti tuye akwakwe muli Klistu, pakuti tuye amuzilo nupya aula mulandu kunoli. Pamulandu wa kutemwa kwakwe

Efeso 2:20

Mwemo mukoline wa cikulwa cino mufula wakweco atumwa na yakasema, nga Klistu nawe ali iwe lya pitungi.

2 Timoti 3:16

Mazwi yonsi amu malembelo yene yafuma kuli Leza nupya yakaomviwa mu kusambilizya cumi, kukanya kuluvyanya, kulungika kuluvyanya, nga nu kupeela utunguluzi ku antu pa kucita vyawololoke.

1 Petulo 2:4

Izini kuli Yesu. Wene ali iwe lya umi lino antu yakana ukuti ilya mpomvu. Lelo Leza walisolwile wi we lyamutengo cuze.

1 Petulo 2:8

Nupya cili ndi vino malembelo yauze yakati, “Lii, lili iwe ililalenga kuti antu yapumike nu kupona.” Yene yaipumileko pano yatataile mu mazwi ya Mwene. Cii cali ukulonda kwakwe Leza kunoyali.

2 Petulo 1:20

Kuluta pali vyonsi mulinzile kumanya ukuti kusi umwi wino umwisikulu na lwakwe angalondolola usemo mu malembelo.

2 Petulo 3:16

Vii avino akulanda mu makalata yakwe yonsi lino walemba pa vintu vii. Mu makalata yakwe mwaya vintu vimwi vitale kuvwa vino antu atutu nupya atatekela yakapililika. Vikwene avino yakapililika ni vyamu malembelo yauze.