1 Petulo 2:17 - Amazwi Yakwe Leza 2013

¹⁷ Mwacindika antu onsi. Temwini aina Klistu ataila wakwe mwemwe. Oopini Leza nu kucindika Kateeka mukalamba.

1 Petulo 2:17 ပူးပေါင်းရင်းမြစ်များ

Utandiko 20:11

Abulaamu aasuka ati, “Mu mano yane natiile kuno kutangaya umuntu akaopa Leza, nga nu kuti yangankoma yatole nu muci wane.

Utandiko 22:12

Alino mungeli ati, “Utezya ukukoma mulumendo nanti ukucita icili consi kunoli. Lyene nimanya ukuti wemo ukacindika nu kuyela Leza, pano utanjimile umwana wako umonsi uwaya sile wenga.”

Utandiko 42:18

Pa wanda uwalenga yatatu Yosefu ayanena ati, “Nene muntu wino akaopa Leza. Caleka citini cii kuti mutakomwa.

1 Milandu 29:20

Lyene Davidi anena antu akongine yonsi ati, “Lumbanyini Yawe Leza winu.” Acino antu yonsi iyalumbanya Yawe, Leza wa vikolwe vyao. Yakontama nu kucindika Yawe nga nu mwene kwene.

Masamu 111:10

Ukoopa Yawe ili ntendekelo ya mano. Alino antu akaopa Yawe yakakula na mano. Ica cumi Yawe uwakulumbanya pe na pee!

Kufuma 20:12

“Cindika so na nyoko kuti amanda ya umi wako yavule mu nsi ino ne Yawe Leza wako nkukupeela.

Mapinda 1:7

Ukoopa Yawe ili ntendekelo ya malango. Iviwelewele ivikasuula amano nu kusundwa.

Mapinda 23:17

Utazuwila yakaifya umu mwenzo wako, wemo uwaopa sile Yawe amanda yonsi.

Mapinda 24:21

Mwanane, ala mwine uwakwatila Umwene Leza icoopo, uwakwatila na yamwene ya pano nsi umucinzi. Pali yoili kwene, utatalamila nanti wenga, nupya utalemana na yayo akatalamila yamwene yonsi yoili.

Kasambilizya 8:2

We muntu ulinzile kuyela amalamulo yakwe kateeka pamulandu wa ulayo wako kuli Leza.

Aina Levi 19:32

“Mwalanga umucinzi ku ikolo nu kuyacindika. Mwaoopa nu kunjela. Nene indi Yawe.

Zakaliya 11:14

Ali pakufuma ni ntuwa yane yakwe ciili, Kulemana, nga nayo injikontola paili pakonona kulemana kwa Ayuda na ina Izlaeli.

Mateo 22:21

Nao yamwasuka yati, “Ivyakwe Kesa.” Alino nawe ayanena ati, “Caleka pelini Kesa vyakwakwe, Leza nawe mumupele vyakwakwe.”

Yoane 13:35

Ndi mukutemwana lyene antu yonsi yalamanya vino mwemwe alondezi yane.”

Loma 12:10

Mwatemwana cuze ndi vino aina Klistu yalinzile kutemwana, nupya mwacindikana.

Loma 13:7

Mupele uteko vyonsi vino muli nu kupeela, kuli kuti musonko wa mwili nu musonko wa vintu vino mwakwata, nupya mwafukila yakateeka yonsi nu kuyacindika.

2 Kolinto 7:1

Mwe yacuza, Leza uwacita malayo yaa. Acino tulinzile kufumako ku vintu vyonsi vino vikakowezya mili nga ni mipasi itu. Acino pa koopa Leza twaezya kuya amuzilo.

Efeso 5:21

Mwatontelana pamulandu wa kucindika Klistu.

Filipi 2:3

Mutacita cimwi mukuitemwa nanti mu cilumba, lelo muicefye nu kulola auzo ukuya acindame kuluta mwemwe.

1 Timoti 6:1

Azya yalinzile kucindika asambazi yao muli vyonsi, pakuti kutaya umwi uwakulandila zina lyakwe Leza nanti usambilizyo witu viipe.

Ayebulai 13:1

Mwatwalilila kutemwana wa ina Klistu.

1 Petulo 1:22

Pano mwasangulula myenzo inu pa kuyela cumi. Ndakai mungatemwana wa ina ataila. Lelo mulinzile kutwalilila kutemwana nu mwenzo onsi.

1 Petulo 2:13

Pamulandu wa Mwene mulinzile kuyela antu yonsi yano ali pa utunguluzi, maka maka Kateeka mukalamba.

1 Petulo 5:5

Mu musango uli onga kwene alumendo yalinzile kuyela aikolo. Nupya mwensi mulinzile kufukilana, pakuti mwatumikilana. Pano calembwa mu malembelo cati, “Leza akakanya yao aya ni cilumba, lelo waya ni cikuku kuli yao aicefya.”

1 Samueli 15:30

Saulo nawe avwanga ati, “Natinifya. Lelo napapata ncindike sile nanti iila lyonga pa manso ya ntunguluzi zya antu yane na pa manso ya ina Izlaeli. Katuswilile sile swensi pakuti inje nkafukame nu kupepa Yawe Leza wako.”