1 Petulo 2:16 - Amazwi Yakwe Leza 2013

¹⁶ Mwaikala wa antu antungwa, nupya mutaomvya untungwa winu pa kuipeela insambu kuti mwaifya. Lelo mwaikala wa yaomvi yakwe Leza.

1 Petulo 2:16 ပူးပေါင်းရင်းမြစ်များ

Mateo 23:13

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukayalila antu kunzi kuti yatingila mu Wene wa mwiyulu. Mweisikulu musyaingilamo nupya mukayalila yano akalonda kwingilamo. [

Yoane 15:22

Ndi ntizile mvwange kunoyali, nga yasi nu mulandu wa kwifya. Lelo ndakai kusi kuno yangaleukila pa maifyo yao.

Loma 6:18

Mwemo mwakululwa kwi iifyo. Lyene mwaya azya yakwe Leza kuti mwacita vyawololoke.

Loma 6:22

Lelo ndakai mwakululwa kwi iifyo, nupya mwati muya azya yakwe Leza. Acino muzano uno mukweti umi wa kuipelesya kuli Leza, nga ni cikafumamo, umi wape.

1 Kolinto 7:22

Pano muzya wino Mwene waama wene muntungwa ku Mwene. Mu musango uli onga kwene muntu muntungwa wino Klistu waama wene muzya wakwe.

Galatiya 5:1

Untungwa auno tukweti pano Klistu watukulula. Lyene ndakai twikale antungwa nupya tutakaye azya ya Masunde.

Galatiya 5:13

Lelo mwemo inane, Leza wamwama kuti muye antungwa. Lelo mutaleka untungwa uu, uye ni nsambu yakuleka kuti mutekwe uzya ni vilondwa vinu vya mwili. Mu cifulo cakwe cico lekini kutemwa kumutungulule mu kutumikilana.

Efeso 6:6

Mutaomba sile ningo lino yakumwangalila, ngati mukulonda kutasiwa na antu. Lelo mwaomba milimo wa azya yakwe Klistu, kuomba ni myenzo inu yonsi kucita vino Leza akulonda.

Kolose 3:24

Mwiusye ukuti Mwene alamupeela icilambu, na cico upolelelo uno wasungila antu yakwe. Pano mucumi Klistu ali Musambazi wino mukatumikila.

1 Tesalonika 2:5

Mumanyile ningo ukuti tutizile mukwezya kutumpika umuntu umwi. Leza umwisikulu amanyile ukuti vino twacisile vitali ivyakufikilizya lwiswa munotuli.

Yakobo 1:25

Lelo wino wensi akaceceta ningo mu masunde afumaluke yano akalenga antu kuya antungwa, ndi watwalilila kusumba mano kunoyali kwaula kuvwa sile nu kwilila, lelo akacita vino yene yakulanda, muntu wiyo Leza alamupolelela muli vino akacita.

Yakobo 2:12

Mwavwanga nu kucita vintu wa antu yano yalapingwilwa kwi sunde lino likatulenga kuya antungwa.

2 Petulo 2:19

Yene yakalaya untungwa ku antu onsi, lino aisikulu yali azya ya miyele ino ikaonona. Pano umuntu akaya umuzya wa cintu consi cino camucimvya.

Yuda 1:4

Pano antu yamwi yakaifya, yasokelela munotuli ukwaula kumanyika. Nupya yakasenula ilandwe lya pa cikuku cakwe Leza witu pakuti yaipele insambu pa miyele yao ya winyi. Yene yakana Yesu Klistu, Musambazi nupya Mwene witu wenga sile. Antu yaa yalavunukwa ndi vino calembwa mpiti mu malembelo.