1 Petulo 2:15 - Amazwi Yakwe Leza 2013

¹⁵ Pano Leza akulonda kuti vicitwa vinu visuma vileke kulanda kwa ututu kwa antu awelewele kusile.

1 Petulo 2:15 ပူးပေါင်းရင်းမြစ်များ

Yobo 2:10

Lelo Yobo wene aasuka umuci ati, “Wemo ukulanda wa mwanaci ciwelewele. Lino Leza watutumila icisuma, tukacipokelela. Uzye lyene tungailizyanya uli lino wene watutumila ulanda?” Icaleka fwandi muli vii vyonsi vino Yobo wacululukanga, wene atatazile avwange iviipe nanti vimwi kuli Leza.

Yobo 5:16

Caleka Leza akalenga alanda ukukwata upaalilo. Alufyengo yene akayaputula umulomo.”

Masamu 107:42

Aololoke imyenzo yaweni cico, iyazanga, nu uyi onsi iyauputula umunyanya.

Masamu 5:5

Avilumba yasiimilila sika apa manso yako. Wapata wiyo wensi akacita iviipe.

Mapinda 9:6

Tini ukuya imbutuma, nga muye nu uumi, mwapita umu nzila zya kwiluka.”

Yelemiya 4:22

Pano kwene antu yane yatumpa, nupya yatamanya, awe. Yene yakolana na ana aula amano. Yene yatamanyile nanti cimwi. Yacenjela sile umu kucita iviipe. Yakaposiwa ukucita ivisuma.”

Mateo 25:2

Yasano muli alio yali viwelewele nga nayauze yasano yali amano.

Mateo 7:26

“Lelo wensi akauvwa mazwi yane nu kuntayela, wene wakolana wa muntu muwelewele wino wakuuzile ng'anda yakwe pa lusenga.

Loma 1:21

Nanti angala Leza yamumanya, lelo yakana kumulumbanya nanti kumutaizya. Amelenganyo yao yaseleukila ku vya uwelewele ni myenzo yao yazulamo mfinzi.

Galatiya 3:1

Mwe ina Galatiya viwelewele mwe! Uzye aweni watamupumvyanya? Nalondolola ningo pa manso inu mulandu wa mfwa yakwe Yesu Klistu pa lupanda!

Malango 32:6

Uzye icumi ali vino mungacita kuli Yawe, mwe viwelewele vya antu, mwe mbutuma mwe? Ala wene ali so, uwa muumvile, uwamucisile ukuya uluko.

1 Tesalonika 4:3

Leza akulonda kuti muye amuzilo nupya antungwa cuze kufuma ku ulongozyo.

1 Tesalonika 5:18

nupya mwataizya Leza muli vyonsi. Vii avino Leza akalonda kuti mwacita mu umi winu muli Klistu Yesu.

1 Timoti 1:13

Wene wacisile cii nanti angala mu manda apita cisila namuvwangile viipe, nu kumuzunya nga nu kumutuka. Lelo Leza wali na mizu kunondi pamulandu wakuti lilya ntakweti utailo nupya ntamanyile cino nacitanga.

Tito 2:8

Waomvya mazwi ya cumi yano atangaleta mulandu, pakuti anisi yako yangacitwa insonyi pa kuntavwanga ciipe pali sweswe.

Tito 3:3

Pano mpiti twali awelewele, asyayela nupya antu akaluvyanya. Twacisilwe uzya ku nsuna ni misango yonsi ya vintu vyakuizanzya. Twasumvile nsita zitu mu kucita vyalufyengo nga nu kuzuwilana. Antu yauze yatupasile nga naswe twayapasile.

1 Petulo 2:12

Lekini micitile inu pakasi ka antu atataila Leza iye isuma cuze, cakuti nanti angala yangamupeela milandu yakwifya, lyene pa Wanda wa upinguzi yene yalalumbanya Leza pa kulanda vintu vino yaweni mukucita.

1 Petulo 3:16

Lelo mwacita cii na mazwi amutembo nu mucinzi. Lekini myenzo inu iye isuma. Ndi mwacita cii ale lyene mulalenga antu insonyi, yao yano yakalanda viipe pa milimo inu isuma ya alondezi yakwe Klistu.

1 Petulo 3:17

Pano cingazipisya kuti mucule pa kucita visuma kuluta kucita viipe, ndi cili kulonda kwakwe Leza.

1 Petulo 4:2

Kufuma ndakai lino mucili muno nsi mulinzile kuleka umi winu watungululwa nu kulonda kwakwe Leza. Mutaleka vilondwa vya untunze vyamutungulula.

2 Petulo 2:12

Lelo antu yaa yakoline wa nyama, viumbwa vizenzembe, zino zikalemwa nu kukomwa. Yene yakalanda vintu viipe pa vintu vino yatamanyile. Yene yalononwa wa nyama,

Yuda 1:10

Lelo antu yaa, yakapontela cintu consi cino yatiiluka. Ndi vino inyama zya mpanga zyaya, vintu vino yamanya mu civyalilwa vyaya ivintu vilayonona.