1 Petulo 2:13 - Amazwi Yakwe Leza 2013

¹³ Pamulandu wa Mwene mulinzile kuyela antu yonsi yano ali pa utunguluzi, maka maka Kateeka mukalamba.

1 Petulo 2:13 ပူးပေါင်းရင်းမြစ်များ

Mapinda 17:11

Umuntu mwipe akaelenganya sile ivya utalami. Icaleka yakamutumila inkombe iyakuya mukalipila.

Mapinda 24:21

Mwanane, ala mwine uwakwatila Umwene Leza icoopo, uwakwatila na yamwene ya pano nsi umucinzi. Pali yoili kwene, utatalamila nanti wenga, nupya utalemana na yayo akatalamila yamwene yonsi yoili.

Yelemiya 29:7

Nupya mwasumbisya amano uku vintu ivyakuzipila impanga ino namutwala mwenemo mu uzya. Mwalengela impanga iyo kuli Yawe. Pano ndi cakuti yakwata isyuko namwe kwene mulaya nu longo.”

Mateo 22:21

Nao yamwasuka yati, “Ivyakwe Kesa.” Alino nawe ayanena ati, “Caleka pelini Kesa vyakwakwe, Leza nawe mumupele vyakwakwe.”

Mako 12:17

Alino Yesu ayanena ati, “Pelini Kesa vyakwakwe, Leza nawe mumupele vyakwakwe.” Lyene yazunguka pa mivwangile yakwe.

Luka 20:25

Nao yaasuka yati, “Ivyakwe Kesa.” Caleka nawe ayanena ati, “Lyene pelini Kesa vyakwakwe, Leza nawe mumupele vyakwakwe.”

Efeso 5:21

Mwatontelana pamulandu wa kucindika Klistu.

Tito 3:1

Nena antu yako ukuti lyonsi yaiusya kutontela yakateeka na yao ali pa utunguluzi, kuyela nga nu kuiteyanya kucita visuma mu musango onsi.

1 Petulo 2:17

Mwacindika antu onsi. Temwini aina Klistu ataila wakwe mwemwe. Oopini Leza nu kucindika Kateeka mukalamba.

2 Petulo 2:10

Mwene alacita cii maka maka kuli yao akalondela imbunu zyao izya winyi, yao akasula maka yakwe. Yakasambilizya yaa aufi, apame nupya acilumba. Yene yasyacindika yao alulumbi mwiyulu. Lelo yakayatuka.