1 Petulo 2:10 - Amazwi Yakwe Leza 2013

¹⁰ Pa nsita imwi mutali antu yakwe Leza, ndakai mwemwe antu yakwe. Pa nsita imwi mutamanyile uluse lwakwe Leza, lelo ndakai mwati mupokelela uluse lwakwe.

1 Petulo 2:10 ပူးပေါင်းရင်းမြစ်များ

2 Samueli 7:24

Walenga aina Izlaeli kuti yaye antu yako amanda pe, nu kuti nawe uye Leza wao.

Oseya 2:23

Nemwisikulu ndiika antu yane aina Izlaeli mu mpanga ilya kuti yaye akwane. Ndalanga ulukundo kuli wiyo akaamwa ukuti ‘Asi mukundwe wane.’ Antu yano yakaamwa ukuti ‘Yasi antu yane,’ ndayanena inti, ‘Mwemwe antu yane.’ ”

Loma 10:19

Uzye nupya nimati aina Izlaeli yatamanyikisye? Mose uwaswike iuzyo lii, lino walanzile ukuti Leza wavwanzile ati, “Ndacita aina Izlaeli kuya nu uzuwa pa antu amu luko ulwasilesile. Nupya ndayalenga kuti yasokele mutundu wa antu awelewele.”

Loma 11:30

Namwe mwe Akulukuwa, pa nsita imwi mutayelanga Leza. Lelo ndakai pano Ayuda yasyayela Leza, Leza wamuyela mizu.

1 Kolinto 7:25

Pali vino mwalemvile pamulandu wa antu atatwala, nemo ntakweti lamulo kufuma ku Mwene. Lelo nkupeela langulusi lyane wakwe umwi wino angatailwa pano Mwene waya na mizu kunondi.

1 Timoti 1:13

Wene wacisile cii nanti angala mu manda apita cisila namuvwangile viipe, nu kumuzunya nga nu kumutuka. Lelo Leza wali na mizu kunondi pamulandu wakuti lilya ntakweti utailo nupya ntamanyile cino nacitanga.

Ayebulai 4:16

Lyene lekini tutaile nu kupalamila ku cilimba ca wene cakwe Leza, kuno kuli cikuku. Tulapokelela mizu nu kuzana cikuku cakutwazwa lino twalonda kwazwiwa.