1 Petulo 1:6 - Amazwi Yakwe Leza 2013

⁶ Sansamukini pali cii, nanti angala ndakai cingalondekwa kuti muvwe ulanda pamulandu wa mezyo aingi yano mukuculamo.

1 Petulo 1:6 ပူးပေါင်းရင်းမြစ်များ

Masamu 119:28

Insilola utulo foo, apamulandu wa kunyomelwa na malanda. Unkomye ndi muno walaile.

Masamu 119:75

We Yawe, namanya ukuti upinguzi wako uwa ulungi, nu kuti wamvunwike pano wewe wacumi.

Masamu 34:19

Ivikacula umuntu musuma ala ivingi wakwe cimwi. Lelo Yawe akamupususya kuli vyonsi sile.

Masamu 35:10

Umwili wane onsi umatakanga ukuti, “Kutaya nanti wenga uwaya wakwe wewe! Ukatulanya anyukuntike kuli yao amaka, alanda na ulilwe, kuli yao akatitikizya!”

Masamu 69:20

Intusi zyao, nemo zikundepola umwenzo, na kazwa nemo ntakwata. Nemo ntakwata. Nemo natailanga ukulola uwakundilila kweneko ulanda, awe cumi ntamuweni. Nanti uwakumyalalika umwenzo nawe kwene atalolike.

Masamu 9:14

apakuti ningimilila inkolelo ya antu amu Yelusalemu nu kuyanena ivintu vyonsi vino nkakulumbanyizizyapo. Namazanga pano wemo wantuula.

Masamu 95:1

Izini tuzangile Yawe, katuzangile Ciliwe citu icikatupususya.

Ezaya 61:10

Iye mwe, Yelusalemu wane! Siangala nalukuzangila muli Yawe nu luzango. Umwenzo wane kawalu kuzangila muli Leza. Pano nemo watanzwika icakuzwala cakulanga ukuti nimpusuka. Watanzwika ilaya lyakulanga ukuti natincimvya. Eya, lyene nemo ndi wakwe nawinga wino azwite candaluwa!

Ezaya 61:3

Wantuma na pakumyalalika yonsi yano yakulosya mu Zioni, na akuilizyanya ku kuyasansamusya. Apakuti umu nyimbo zyao zya malanda, impyanikizyepo inyimbo zya luzango. Umweneco Leza aliwe amayasunganga. Alino nayo lyene yamayenkemanga wa miti yalulembelya. Yonsi pyu yamayanga asuma, yamalumbanyanga na Leza pa miombele yakwe yamaka.

Mateo 11:28

“Izini kunondi, mwensi mwe yatonte nupya anyomelwa, nani namamupeela upuzo.

Mateo 26:37

Alino asenda Petulo na ana yakwe Zebedi yaili, nga atandika kunyunguluka nu kusakamikwa,

Mateo 5:12

Mwazanga cuze. Pamulandu wakuti cilambu cinu mwiyulu icikulu. Pano vivyo kwene avino yazunyanga na yakasema yano amukolelile.

Luka 1:47

nupya untu wane ukuzangila muli Leza Katuula wane,

Luka 10:20

Lelo mutazanga pano mipasi yankota ikumuyela. Muzange pano mazina inu yalembwa mu lupapulo lwa kwiyulu.”

Luka 2:10

Lelo mungeli ayanena ati, “Mutoopa, pano namuletela Ilandwe Lisuma, lino limaleta uluzango ulukulu ku antu onsi.

Yoane 16:22

Vii avino cili kunomuli. Ndakai muli nu ulanda, lelo ndiza mulole nupya, nga ni myenzo inu ilazulamo ni nsansa zino pasi umuntu nanti umwi angazisisya kufuma kunomuli.

Yoane 16:33

Nati munena vintu vii pakuti muzane mutende munondi. Lino mucili mu nsi mulacula. Lelo posyini! Nemo nati ncimvya maka amu nsi ii.”

Milimo 14:22

Yakomelezya yano ataile nu kuyakonkomezya kuti yatwalilile kuya acumi mu utailo. Yayasambilizya yati, “Pakuti tukingile mu Wene wa mwiyulu, tulinzile kupita mu ntazi zingi.”

Loma 12:12

Lekini upaalilo winu umuletele luzango. Tekini myenzo mu ntazi zinu, nga nu kupepa nsita zyonsi.

Loma 5:11

Nupya cisi cico citupu. Tukazanga pali vino Leza wacita mu Mwene witu Yesu Klistu, uwalenga kuti tukwate kuwikizyanya na Leza.

Loma 5:2

Pano twataila muli Klistu, Klistu kwene uwalenga kuti tukwate longo lwakuti twaikalilila mu luse lwakwe Leza. Acino tukailumba pa kukwata upaalilo wa kukumako ku ucindami wakwe Leza!

Loma 9:2

mwenzo wane ukunyunguluka nupya ndi nu ulanda ukulu cuze pamulandu wa inane, antu amu luko lwane.

2 Kolinto 4:17

Macuzi itu angupale ansita inono, lelo yakatuletela lulumbi lukulu kuluta pa macuzi nupya ulwa pe.

2 Kolinto 6:10

Yakati sweswe ya ulanda, lelo tukazanga lyonsi. Yakati sweswe apina, lelo tukalenga antu aingi kuya akama. Yakati tutakweti nanti cimwi, lelo tukweti vyonsi.

Galatiya 5:22

Lelo Mupasi Wamuzilo wene akatulenga kuti twatemwana, kuya nu luzango, mutende, kuteeka mwenzo, uluse, cikuku, kuya a cumi,

Filipi 2:26

Lelo ndakai akulondesya kulola mwemwe mwensi. Wene watasakamikwa pamulandu wakuti muvwa vino wali mulwale.

Filipi 3:3

Swemo tusi wakwe alio, pano twasilamulwa mucumi, tukapepa Leza kupitila mu maka yakwe Mupasi Wamuzilo nga nu kuitumika muli Klistu Yesu. Swemo tusyataila vino yakacita ku mili.

Filipi 4:4

Mwazanga mu Mwene. Nupya kwene nkuti mwazanga!

1 Tesalonika 1:6

Acino, lino mwazumile ilandwe, mwemo mwakolinye sweswe nu Mwene mu micitile. Mwacuzile, lelo Mupasi Wamuzilo wamusansamusyanga.

Yakobo 1:2

Inane, mwelenganye ukuti mwemwe yasyuke lino kweziwa kwa misango yonsi kwiza pakasi kinu.

Yakobo 1:9

Mwina Klistu mupina alinzile kusansamuka lino Leza walenga kuti acindame.

Yakobo 4:9

Muye nu ulanda, mwalosya nu kulila minsozi. Tini kuseka, tandikini kulosya. Tini kuzanga, tandikini kukungumala!

1 Petulo 3:17

Pano cingazipisya kuti mucule pa kucita visuma kuluta kucita viipe, ndi cili kulonda kwakwe Leza.

1 Petulo 4:7

Mpelelekezyo ya vintu vyonsi yatipalama. Mulinzile kuikanya, nupya pempulini kuti muye na maka akupepa.

1 Petulo 5:10

Lelo pacisila lino mwacula pa kasita kanono, Leza wa cikuku, wino wamwama muli Klistu kuti mukapokelele lulumbi lwape, umwisikulu alaleka muye afumaluke, nupya akomeleke wa mufula wa maka.

1 Samueli 2:1

Lyene Hana apepa ati, “Umwenzo wane ukuzanga muli Yawe, amaka yane yakafuma kuli Yawe. Ndakai inkuseka anisi yane, pano nkazangila mu ufyusi wako.