1 Petulo 1:25 - Amazwi Yakwe Leza 2013

²⁵ lelo mazwi ya Mwene yene yakaikalilila manda pe. Mazwi yaa lili Landwe Lisuma lino lyakosozilwe kunomuli.

1 Petulo 1:25 ပူးပေါင်းရင်းမြစ်များ

Masamu 102:12

Lelo kwene we Yawe, awewe ukateeka pee, ni nkulo zyonsi zilakwiusya.

Masamu 102:26

Vyonsi pyu vilononeka, lelo wemo ulayelelela pee. Vyonsi vilalola wa vyakuzwala. Wemo ulavizuula wa vizwalo, nu kulowa ala vyalowelela.

Masamu 119:89

We Yawe, izwi lyako lilayelelela pee, ilya muyayaya umwiyulu.

Ezaya 40:6

Izwi lyuvwika iliti, “Laizya.” Nga nani inuzya inti, “Uzye namalaizya cani?” Izwi lili nalyo ilinena iliti, “Laizya ukuti antu yonsi icili conga ni sote. Ukuyemba kwao kwakolana na maluwa ya mpanga.

Ezaya 40:8

Isote likauma, na maluwa yakafoota, lelo amazwi yakwe Leza witu yakaikalilila amanda pe.”

Mateo 5:18

Cumi namunena vino kufika lino iyulu ni nsi vilasila, pasi kalikalata kamwi nanti akalitoni kanono ka mu Masunde kano kalafumiziwapo, kufika lino vintu vyonsi vilafikiliziwa.

Luka 16:17

Lelo icangupale iyulu ni nsi ukusila kuluta kalitoni konga kamu Masunde kafumiwepo.

Yoane 1:1

Ku utandiko wa uumbo, kwali wino akaamwa Izwi. Izwi wali na Leza. Wene wali a Leza.

Yoane 1:14

Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.

1 Kolinto 2:2

Pano lino nali pamwi namwe naipingwile kwilila vintu vyonsi suka sile Yesu Klistu nu kuluta imfwa yakwe ya pa lupanda.

Efeso 2:17

Acino Klistu wizile akosola Ilandwe Lisuma ilya mutende kuli mwe Akulukuwa, mwe muno mwali kutali na Leza. Nupya wizile akosola Ilandwe Lisuma ilya mutende kuli swe Ayuda swe muno twali na Leza.

Efeso 3:8

Nemo nacepesya pa antu yao ali anono kuluta mu antu yakwe Leza onsi. Lelo Leza wampile maka akukosola Ilandwe Lisuma ku Akulukuwa, ilya pa vya ukama wakwe Klistu uno utakwata cipimo.

Tito 1:3

Lino insita yafisile Leza, Katuula witu, wasokolwile cii ku antu kupitila mwi landwe lyakwe. Leza uwandasike mulimo uu. Nani nkakosola pa kuyela ilamulo lyakwe.

Ayebulai 6:5

Yene yamanyile vino mazwi yakwe Leza yazipa. Nupya yene yuvwile maka a mukulo ukwiza.

1 Petulo 1:12

Leza wasokolwile kuli yakasema yaa ukuti mulimo uno yene yaombanga utali wakuyazwa aisikulu. Lelo wakwazwa mwemwe. Yene yakosozile vintu vii kunomuli mu maka yakwe Mupasi Wamuzilo, wino Leza watumile kufuma kwiyulu. Angeli nao kwene yakalondesya kumanya vintu vii.

1 Petulo 1:23

Citini cii pano Leza ali So uwamupeela umi upya pa kuyela ilandwe lyakwe lya umi upya lya manda pee.

1 Petulo 2:2

Mukolane nu tunya twacivyalwa tuno twaya nu lusala lwi ziya. Ndi mwakwata lusala lwi ziya lya mpomvu, lyene myenzo inu ilalisiwa nga mulakula suka mukatuulwe.

2 Petulo 1:19

Acino twasininkizya cuze ukuti ilandwe lino yakasema yakosozile lyene ilya cumi. Ndi mwasumba mano kunolili ale mwacita ningo, pano lyene likoline wi lampi lino likwaka nu kuyengesa mu cifulo cimwi mu mfinzi. Mulinzile kutwalilila kwikako mano kufika lino kwaca nga na lino namukokola watunka mu myenzo inu.

1 Yoane 1:1

Twamulembela pali wiyo akaamwa ukuti Izwi likapela umi, wiyo uwaliko kufuma ku utandiko, wino tuvwile, nupya wino twaweni na manso itu. Endi twamulolekisye, nupya twamukumizye ni minwe itu.

1 Yoane 1:3

Cino twalola nu kuvwa cili cino tukumunena, kuti namwe kwene muilundanye pamwi naswe ku utandano uno twakwata na Tata pamwi na Yesu Klistu mwana wakwe.

Umbwilo 14:6

Nupya ndola mungeli muze akupapuka mwiyulu papelapela, ala asenzile Landwe Lisuma lya manda pe kuti akalande ku antu amuno nsi amisango yonsi, mitundu, ni ndimi ni nko zyonsi.