1 Petulo 1:24 - Amazwi Yakwe Leza 2013

²⁴ Cili ndi vino calembwa mu malembelo cati, “Antu yonsi yakoline wi sote nga nu lulumbi lwao lukoline wa maluwa amu mpanga.” Isote likauma, na maluwa nayo yakalukuta,

1 Petulo 1:24 ပူးပေါင်းရင်းမြစ်များ

2 Yamwene 19:26

Antu ali mwenemo yatakweti amaka foo, yali ni ntete nu kutonta zuwa. Yali wi sote lyamu mpanga nanti wi sote ilikamela apapela yi paala, ilikafooka lino litatala lyakula.

Yobo 14:2

Waya wi luwa ilikasapatuka nu kuonza, nga liwela linyala nu kuuma. Waya wa cinzingwa, icisiikalila pano cili.

Masamu 102:4

Natinumilila solokoto wi sote lino yalyatola, nanti insuna ya kulya intakweti.

Masamu 103:15

Umuntu wene umi wakwe waya wi sote, akawalula nu kukula wi luwa lya mpanga.

Masamu 129:6

Kayaye wi sote ilikamela apa mapaala ya ng'anda, nu kufoota ilifoota lino litacili lyalimba imisisi.

Masamu 37:2

Yalafoota zuwazuwa wi sote lyume, nu kuuma wa mulemvwe.

Masamu 39:6

nu kukolana wakolana ni cinzingwa! Navino akacita, umu cuumi ivyasile sile vyonsi. Wene akaitulikila ivyuma, lelo ukwaula ukumanya wino alavilila penepo.

Masamu 90:5

Ukasenda antu wakwe mulamba, yasilengela, yene yakapita sile wa ciloto. Yene yali wa mulemvwe umu katondotondo,

Masamu 92:7

icakuti antu aipe nanti yangavula uli wi sote, ni ntalanganyi nazyo nanti zingasyuka uli, awe yene yonsi yalalowelela pyu.

Ezaya 51:12

Yawe nupya wavwanga wati, “Kapela wa maka kuno muli anene. Nga fwandi nupya ungaoopa uli umuntu umwina kufwa, wino waviilwe uku muntu? Wiyo alafoota sile nu kuuma wi sote?

Mateo 6:30

Leza akazwika isote lyamu mpanga, ililipo ilelo na mutondo lisontekwa umoto. Uzye wene atalalusya kuzwika mwemwe, mwe ya utailo unono?

Yakobo 4:14

Mutamanya nanti vino umi winu ulaya pa mutondo! Mwemo mukoline wa cunsi, cino cikaloleka pa kasita kanono nupya icita kuloleka.

1 Yoane 2:17

Caleka insi ii ya pansi ikupita, pamwi nu lunkumbwa ululi mwenemo. Lelo umuntu wino akacita kulonda kwakwe Leza akaikalilila manda pe.