1 Petulo 1:13 - Amazwi Yakwe Leza 2013

¹³ Caleka, muye aiteyanye. Mwapempula nupya mwapaalila cuze mu kupolelelwa kuno mulapolelelwa lino Yesu Klistu alasokololwa.

1 Petulo 1:13 ပူးပေါင်းရင်းမြစ်များ

1 Yamwene 18:46

Amaka yakwe Yawe yali na Eliya. Eliya anyepa ivyakuzwala vyakwe mu musana. Afuma akusimula nzila yonsi apa nkolelo yakwe Aabu, suka sile nu mumbali ya musumba wa Yezileele.

2 Yamwene 4:29

Elisya ali pakunena Geazi ati, “Zwala ikoti lyako, nga utoole ni ntuwa yane uwapita. Ndi wakomenkanya umuntu umwi munzila, utezya wimilile nanti kumulamuka. Nga ndi umwi wakulamuka, utezya kumwasuka. Wemo yanga ukalambalike intuwa yane pa usyu wa mulumendo.”

Yobo 38:3

Ale ndi wewe monsi monsi, katuka zwalila, pano lyene nemo natinakuuzya, nawe uwasuke.

Yobo 40:7

“Ale zwalila tuvwe, ndi wewe monsi monsi. Nemo namakuuzya nawe unjasuke.

Kufuma 12:11

Lino mulalya muce mucite vii. Muce munyepe mingila inu ni misipi inu mu misana. Muce muzwale ndyatu zinu ku ngazo. Muce muleme intuwa zinu mu minwe, nga pakulya muce mulye zuwazuwa. Cimulo cii ca Ucilo icakucindika Nene ne Yawe.

Ezaya 11:5

Uwololoke ulaya wa musipi wakwe, nga ukutailwa kulaya wa canamala cino alafyenta umu musana wakwe.

Yelemiya 1:17

Ali cino fwandi wemo Yelemiya posya sile, nyepa nu musipi mu musana. Katuka uye ukayanene vyonsi vino namakunena. Utayoopa foo, pano limwi ningiza nkoofye apa manso yao.

Mateo 20:4

Alino ayanena ati, ‘Namwe kwene yangini mukaomba mu calo cane ca matingi, nga nani namaiza mulipile kulinga ni cipimo cilingane.’

Luka 12:35

“Pimpini kuomba nu kuleka inyali zinu zitwalilile ukwaka.

Luka 17:30

Avino cilaya pa wanda uno Mwana wa Muntu alaloleka

Luka 17:8

Uzye mucifulo cakwe cii, atangamunena ati, ‘Teyanya mulalilo, nga pacisila uiteyanye nu kuntumikila, kufika lino namala ukulya nu kumwa. Lyene pacisila nawe umalya nu kumwa.’

Loma 13:13

Caleka twapita ningo ndi vino antu yakacita musanya. Tutaya mu nsaka zya kuwowota nanti kuya akolesi, nanti kucita vya winyi, nanti ukakasi, nanti lwete, nanti uzuwa.

Loma 8:19

Pano uumbo onsi ukalolela kasita kano Leza alasokolola ana yakwe.

1 Kolinto 1:7

cakuti kusi uwila nanti onga uwa mupasi uno mulilwa, lino mucili mukulolela Mwene witu Yesu Klistu kuti asokololwe.

1 Kolinto 13:13

Pa ndakai kuli vintu vii vitatu, utailo, upaalilo nga nu kutemwa. Lelo pali vyotatu kutemwa ukukulu kuluta vyonsi.

Efeso 6:14

Acino muye aiteyanye! Lekini cumi ciye wa musipi unyepwe mu misana inu, nupya lekini wololoke uye wa cela ca kucinga visao vinu.

Kolose 3:4

Umi winu uwa cumi a Klistu nga lino alaloleka, lyene namwe kwene mulaloleka pamwi nawe nu ku kumako kululumbi lwakwe!

2 Tesalonika 1:7

Lelo wene alapeela upemwilo kunomuli mwe muno mukucula nga naswe kwene. Wene alacita cii lilyo lino Mwene Yesu alaloleka kufuma mwiyulu pamwi na angeli yakwe a maka,

2 Timoti 4:5

Lelo wemo ulinzile kuisunga muli vyonsi. Uwaposya mu macuzi yonsi. Omba mulimo uwakukosola Ilandwe Lisuma nga nu kuomba ncito yako yonsi wa muomvi wakwe Leza.

2 Timoti 4:8

Acino cilambu ca kucimvya kwane cino cikundolela, ingala ya wololoke ino Mwene kapingula mololoke alampeela pa Wanda ulya. Nupya atalapeela sile nene, lelo alapeela na yao amutemwa, yano akalolela kwiza kwakwe nupya.

Ayebulai 10:35

Lekini kuposya kwinu kutanenuka, pano kulamuletela cilambu cikulu.

Ayebulai 3:6

Lelo Klistu u Mwana uwakutailwa wino akaangalila ng'anda yakwe Leza. Sweswe tuli ng'anda yakwe, ndi twalemasya kuposya nu kutaila muli vino tukapaalila.

Ayebulai 6:19

Twakwata upaalilo uu uno ukoline wa nanga pa kutungilila umi witu. Wene wasungwa ningo nupya uwa cumi, nupya ukapuzya mu nsalu yakucingilikizya mu Ng'anda ikulu yakwe Leza mwiyulu, wingila mukasi mu ncende yamuzilo.

Ayebulai 9:28

Mu musango uli onga Klistu wapilwe kuya impolelwa yakufumya maifyo ya antu aingi. Wene alaloleka iila lyakwe ciili, asi ku kufumya maifyo, lelo ukwiza tuula yao akumulolela.

1 Petulo 1:10

Cali apa ufyusi kwene uu, uno yakasema yalondelezyanga mu kutekela nu kuuzya. Yene yasemile pamulandu wa nzila ino Leza alamutuulilamo.

1 Petulo 3:15

Lelo mukwatile Klistu coopo mu myenzo inu, nupya mwamucindika wa Mwene. Muye aiteyanya lyonsi pa kwasuka umuntu umwi uwamuzya pali vino mukapaalila.

1 Petulo 4:7

Mpelelekezyo ya vintu vyonsi yatipalama. Mulinzile kuikanya, nupya pempulini kuti muye na maka akupepa.

1 Petulo 5:12

Siluvano uwangazwilizye kulemba kalata wii, nupya nkuti wene umwina witu uwakutailwa muli Klistu. Nemo nkulonda kumukomelezya nu kupeela umboni uwakuti cikuku cakwe Leza kunomuli ica cumi. Komelekini muno cili.

1 Petulo 5:8

Mwatekela nu kupempula! Ciwa, mwanisi winu akululumba nu kung'anza wakwe cisama wino akulunga umwi uwakuti alye.

1 Yoane 3:3

Muntu ali wensi wino uwakwata upaalilo uu muli Klistu, ala wene akaikala mu muzilo ndi vino Klistu wikala.