1 Milandu 24:3 - Amazwi Yakwe Leza 2013

³ Umwene Davidi aika amu mupanda wakwe Eleaza mu maumba maumba, ukulingana ni milimo ino yapilwe. Zadoki uwamwazwilizye ukucita vivyo, pamwi na Aimeleki uwamu mupanda wakwe Itamali.

1 Milandu 24:3 ပူးပေါင်းရင်းမြစ်များ

2 Samueli 20:25

Syeva wali a kalemba wamwi tengo. Zadoki na Abyata yali a yasimapepo.

2 Samueli 8:17

Zadoki, umwana umonsi wakwe Aitubi, pamwi na Aimeleki umwana umonsi wakwe Abyata yali a yasimapepo. Selaya wali a kalemba uwamu cilye ica milandu.

1 Yamwene 2:35

Alino umwene aika Benaya umwana wakwe Yeoyada pa cifulo cakwe Yoabu kuti aye musika mukulu uwa vita nga Zadoki nawe amupyanikizya pa cifulo ca usimapepo cakwe Abyata.

1 Milandu 15:11

Lyene Davidi atuma akuya aama yasimapepo, Zadoki na Abyata, nga aama na Uliyeli, Asaiya, Yowelo, Syemaya, Eliyeli nga na Aminadabu, aina Levi yalya.

1 Milandu 16:39

Davidi asya simapepo Zadoki na yasimapepo yauze ukwi Taalu lyakwe Yawe, apa ncende yakupepela penepo uku Gibyoni.

1 Milandu 18:16

Zadoki umwana umonsi wakwe Aitubi nga na Aimeleki umwana umonsi wakwe Abyata yali asimapepo. Alino Syavisya wali a kalemba.

1 Milandu 24:31

Cila ntunguluzi zya mitundu, ukwika penepo nu mwina wakwe wenga, yapendola kuti yamanye umulimo uno yapilwe, ndi vino aina yao amu mupanda wakwe Aaloni yacisile, aikolo na ance kwene. Yakambone yao umwene Davidi, Zadoki, Aimeleki, ni ntunguluzi kwene zizi zyakwe yasimapepo na ina Levi.

1 Milandu 24:4

Pakasi ka amu mupanda wakwe Eleaza pazanyilwe intunguluzi izivule ukuluta mu amu mupanda wakwe Itamali. Acino Davidi wasolwile intunguluzi 16 pakasi ka amu mupanda wakwe Eleaza, nga nayauze cinani pakasi ka amu mupanda wakwe Itamali.

1 Milandu 24:6

Amu mupanda wakwe Eleaza na wakwe Itamali yalekelana ukupendola. Lyene kalemba, Syemaya umwana wakwe Netaneli, wino wali umwina Levi, alemba mazina yao. Yakambone yakwe aeya: umwene, ivilolo, simapepo Zadoki, Aimeleki umwana umonsi wakwe Abyata, nga ni ntunguluzi zya ndupwa zyakwe yasimapepo ni zya ina Levi

2 Milandu 8:14

Solomoni wawakanga sana ivyacitanga isi Davidi. Fwandi nawe wankinye impuka zyakwe yasimapepo umwakuombela incito zyao amanda yonsi. Wankinye na ina Levi aazwilizyanga yasimapepo umu kwimba inyimbo nu kuomba imilimo yuze.

1 Samueli 21:1

Davidi aya ku Nobu, kuli simapepo Aimeleki. Aimeleki azakaza sile pa kumukomenkanya nga amuuzya ati, “Uzye pacani cino wapita sile wenga pa kwiza kuno, ukwaula nu wakukusukilila?”