1 Milandu 22:3 - Amazwi Yakwe Leza 2013

³ Davidi ayapeela ni cipimo icikulu ca vyela vyakupangila insunga zyakupampamila ivisasa vyapa mpongolo nga na maincezi, nga ayapeela nu mukuwa nauze uno utangapimwa ukunyoma.

1 Milandu 22:3 ပူးပေါင်းရင်းမြစ်များ

1 Yamwene 7:47

Solomoni atatazile apime ukunyoma kwa viya vyonsi vii ivyapanzilwe uku vyela vya mukuwa, pamulandu wakuti vyavulisye wakwe cimwi. Kusi nu muntu angavipima pakuti amanye vino vyanyomile.

1 Milandu 22:14

Umu ntazi zyonsi, nemo natinezya ukuleta ivintu vii vyakukuulila Ng'anda ikulu yakwe Yawe, zaabu umunyome ukulingana na matani 3,400, na siluva ukulingana na matani 34,000, nga ukwika penepo nu mukuwa ni vyela vino vitangapimwa ukunyoma. Natinteyanya imbao na mawe kwene, lelo ulinzile ukongezya penepo navyuze.

1 Milandu 29:2

Nemo napeela consi icingapelwa apa kuteyanya vyonsi ivyakuomvya apa kukuula Ng'anda ikulu yakwe Leza, zaabu wakupangila iviya vyakwe zaabu, siluva wakupangila iviya vyakwe siluva, umukuwa wakupangila iviya vya mukuwa, ivyela ivya kupangila iviya vya vyela nga ni mbao zyakupangila iviya vya mbao, nga na mawe yamutengo amusango wakwe onikisi, daimondi, akupangila ivintu vyamutengo, na mawe ya malangi ya misango yonsi, ni misango yonsi yuze ya mawe kumwi na mawe yano yakati malabulo. Vyonsi vii vyali anyanya.

1 Milandu 29:7

Vino yalavile kupeela ku mulimo wa kukuula Ng'anda ikulu yakwe Yawe aevi: amatani 170 yakwe zaabu, amakilogalamu 84 ya mpiya zyakwe zaabu zya musango uze, amatani 340 yakwe siluva, amatani ya mukuwa manye 620, nga na matani 3, 400 a cela.

2 Milandu 4:18

Umwene Solomoni wapanzile ivintu ivingi sana icakuti kutali wenga uwapimile ukunyoma kwa mukuwa.

Yelemiya 52:20

Alino lyene incesi ziili, icifula conga, yacipambasi yaili a mukuwa, aali pa nkolelo ya cifula, ni ntontoka ya mipeto, vino umwene Solomoni wapangile Ng'anda ikulu yakwe Yawe, kutali kupima ukunyoma kwa mukuwa kwa viya vyonsi vii.

Malango 8:9

Kuku mutalatala muvwe inzala nanti ukuulilwa cimwi. Amawe yakweneko mwaya icela, nga mu myamba ya kweneko mungimba mwenemo mukuwa.