1 Milandu 22:2 - Amazwi Yakwe Leza 2013

² Caleka Davidi apeela ilamulo kuti yakonganike ainamasi yano yali mu mpanga ya Izlaeli. Lyene pakasi kao asonta yakalepula ya mawe kuti yateyanye amawe akukuulila Ng'anda ikulu yakwe Leza.

1 Milandu 22:2 ပူးပေါင်းရင်းမြစ်များ

2 Samueli 5:11

Lyene Hilamu umwene waku Tuli atuma inkombe kuli Davidi ni vilongelelwa ivya uculuzi. Wayalongelizye imilando ya mikelide, pamwi na yakawaza ya mbao na yakaconga ya mawe, nga nayo iyakuulila Davidi isano.

1 Yamwene 6:7

Amawe yano yakuulilanga yayasonsontile calimwi kuku kwene kuno yayasendanga. Fwandi pa kukuula kutayanga icongo nanti cimwi ica nondo, ica mpasa nanti ica cela icili consi.

2 Yamwene 12:12

Alino yalipila yakaconga ya mawe na yakalepula ya mawe, nu kukala imbao na mawe pamwi na tonsi utwalondekwanga uku kuzifya Ng'anda ikulu yakwe Yawe.

2 Yamwene 22:6

Nayo yalipile yakapala ya mbao, na yakakuula, na yakaconga ya mawe. Nupya ali pano yatole ni zya kukalila imbao na mawe akuzifizya uku Ng'anda ikulu yakwe Yawe.

1 Milandu 14:1

Lyene umwene Hilamu waku Tuli atuma inkombe kuli Davidi, ayalongelezya ni milando ya mikelide, amutumila yakaconga ya mawe na yakawaza ya mbao kuti yakamukuulile isano.

1 Milandu 29:1

Pacisila cakwe vii umwene Davidi anena iumba lyonsi ilyakongine ati, “Solomoni umwanane umonsi, wino Leza wasolola, umwance nupya atakweti umanyililo wa vintu. Umulimo uukulu, pamulandu wakuti icikulwa cii ica lulumbi. Ing'anda ii isi ya muntu, lelo iyakwe Yawe Leza.

2 Milandu 2:16

Swemo kuno tumatema imiti yonsi iya mbao zisuma ino ukulonda ukufumya umu myamba yaku Lebanoni. Tumainyepanga umu myanzi wa vilako, nu kwisumbila apa manzi pali yemba. Alino ilafuma ikwelela ukuya uku Yopa. Namwe ali kuno mulaipokelela nu kuizuulula nga muitwale uku Yelusalemu.”

2 Milandu 2:17

Umwene Solomoni wapenzile ainamasi yonsi yao ali umu Izlaeli, umu musango uli umwi kwene uno Davidi isi wacisile. Wazanyile ukuti ainamasi yali impendwa ukufika 153,600.

Ezila 3:7

Lyene iyasangula ulupiya ulwa kulipila yakaconga ya mawe na yakalepula ya mbao, nga yapeela ivyakulya ni vyakumwa pamwi na mafuta ku ina Sidoni na ina Tuli, apakuti nayo yangafumya imiti ya mikelide uku Lebanoni. Alino yailete kuli yemba, ifike uku Yopa ndi muno Kilusi mwene waku Pesya wapelile insambu.

Efeso 2:12

Mu nsita ilya mwemo mwali mutali mumanye vyapali Klistu. Mwemo mwali ainamasi pakasi ka ina Izlaeli, nupya mutali antu asololwe yakwe Leza. Mutakweti mbali imwi mu vipangano vino vimikwe pa malayo yakwe Leza ku antu yakwe. Nupya mwatenzi munonsi kwaula upaalilo nanti Leza.