1 Milandu 18:3 - Amazwi Yakwe Leza 2013

³ Ukulundapo, Davidi alwisya Hadadezeli umwene waku Zoba, apipi nu ku Hamati, apa nsita ino waile ku kukomya uwene wakwe lwaku Luzi lwa Yufulate.

1 Milandu 18:3 ပူးပေါင်းရင်းမြစ်များ

Utandiko 15:18

Pa wanda ulya Yawe acita upangano na Abulamu, avwanga ati, “Nakulaya ukuti namapeela impanga ii yonsi ku amu mupanda wako, ukufuma ku Luzi lwa Eguputo kufika nu ku luzi lukulu lwa Yufulate,

2 Samueli 10:6

Aina Amoni iyiluka ukuti yatiyapanga uwanisi pakasi kao na Davidi. Pali pakutuma nu kulipila asilika kuti yize yayazwilizye. Asilika yapa ngazo aina Asilya ukufuma ku Beti Leobu nu ku Zoba yali amazimbi amakumi yaili, nayauze ukufuma ku Tobu yali amazimbi ikumi na yaili, nga ukwikapo nu mwene waku Maaka pamwi na antu yakwe izimbi lyonga.

2 Samueli 8:3

Davidi acimvya nu mwene kwene uwa mpanga iya Asilya ino ikaamwa ukuti Zoba. Nga acimvya na Hadadezeli umwana umonsi wakwe Leobu lino wali pa ulendo kuti aswilile pa wene wa mpanga yonsi iyalondelela Luzi lwa Yufulate.

1 Milandu 18:2

Davidi acimvya na ina Moabu kwene, nga yamutumikila nu kusonka imisonko kunoli.

1 Milandu 18:4

Davidi apoka amaceleta izimbi lyonga yakwe Hadadezeli, na yakapisya yamaceleta nayo amazimbi cinimbali nga na asilika yapa ngazo amazimbi amakumi yaili. Alino alemalika imfwalasi zyonsi pyu, lelo asya sile umwanda onga.

2 Milandu 8:3

Alino Solomoni aya apokolola ni mpanga yaku Hamati na Zoba.

Ezila 4:20

Kwatalanga kuya na yamwene amaka ateekanga mu Yelusalemu yayo atesile impanga yonsi mpaka nu ku mbalama ya luzi lwa Yufulate. Yasonkesyanga ni misonko ya pa mwili wa muntu, iya miseo ni milaza.

Masamu 60:1

We Leza, watutazyela, nu kutusya apa lwalala. Watutusokela, awe cumi ungala uwele kunotuli!

Masamu 60:2

Watutensya insi, watuipandula apakasi, sungala usilile muno vyativilepoka, pano kwasyala sile kwempe kuti imokoke!

Kufuma 23:31

Ndapanga mumpaka ukufuma kuli Yemba Muyenzu mpaka nu kufika kuli Yemba Mukulu wa ina Filisti. Nupya ukufuma ku lwanga mpaka kufika nu kuluzi lwa Yufulate. Ndalenga kuti muye na maka pa antu amu mpanga iyo nu kuyazinga.

1 Samueli 14:47

Lino Saulo walasikwe pa cilimba ca wene wa ina Izlaeli, wene walwisizye anisi yakwe konsi konsi, aina Moabu, aina Amoni, aina Edomu, yamwene aku Zoba, na ina Filisti. Fwandi konsi sile kuno wayanga, wene wayacimvyanga.