1 Milandu 11:9 - Amazwi Yakwe Leza 2013

⁹ Cila nsita Davidi walundulukanga umu kukwata amaka, pano Yawe Wamaka yonsi wali nawe.

1 Milandu 11:9 ပူးပေါင်းရင်းမြစ်များ

2 Samueli 3:1

Ulwi pakasi ka vita vyakwe Saulo ni vita vyakwe Davidi watwalilile pa nsita ntali. Lino Davidi watwalilila ku komeleka, amulwisyanga nayo iyatwalilila ukutonta.

2 Samueli 5:10

Amaka yakwe Davidi yavulilangako sile, pamulandu wakuti Yawe Leza Wamaka yonsi wali nawe.

1 Milandu 11:8

Davidi wakuululwile umusumba ukutandikila sile pa ncende yapa Milo pano yazifizye ulung'umba lwa ku ufumondaka wa kamwamba. Alino Yoabu nawe azifya ncende iyasyala yamu musumba mukasi.

1 Milandu 9:20

Pineasi, umwana umonsi wakwe Eleaza uwali kangalila wakwe yakalinda yapa mpongolo, nga Yawe wali nawe.

Esita 9:4

Modekai wali umuntu umwi umucindame ukwisano alino nu kukula wakulilangako umu maka cakuti ululumbi lwakwe lwasusile lulimba impanga zya alasi monsi pyu.

Yobo 17:9

Antu akailola kwati alio yakacita vyaololoke, yene caluta! Lyene yaya akailola kwati akayele, nayo kwene yatiyacila sile mwenemo.

Masamu 46:11

Leza Wamaka yonsi waya naswe, Leza wakwe Yakobo ali cele litu!

Masamu 46:7

Icacumi swemo twaya na Leza Wamaka yonsi. Leza wakwe Yakobo ali cele litu!

Ezaya 41:10

Ali cino mwemo mutaoopa, nemo namayanga pee namwe. Mutasakamala nanti cimwi pano nene indi Leza winu. Nene namamukomyanga nupya namamwavwanga. Nene namamusunganga nupya nene namamupususyanga.

Ezaya 41:14

Nupya Yawe wavwanga wati, “Mwe ina Izlaeli, nanti angala mwacepesya nu kuulilwa amaka, mutaoopa foo, pano nene namamwazwanga. Anene Leza Wamuzilo wakwe Izlaeli. Anene namamupususyanga.

Ezaya 9:7

Uwene wakwe ulandalila konsi konsi. Ulasyukila ulongo ulutalasila. Wene alikala apa cifulo ca wene wakwe Davidi nga nu kuteeka uwene wakwe. Wene alausimpa nu kuukomya umu ulungami nu mu ololoke. Ukutandikila sile pali ndakai ukufika na pano insi ilasilila. Ee, cumicumi, avino Yawe Wamaka yonsi alafikilizya cico.

Loma 8:31

Uzye tumati uli pa vintu vii? Ndi Leza ali naswe, aweni amatucimvya?