1 Kolinto 9:5 - Amazwi Yakwe Leza 2013

⁵ Cila muntu muno tuyelile akweti nsambu zya kusenda muci wakwe mwina Klistu pa lwendo, ndi vino atumwa nga na ina ya Mwene pamwi na Petulo yakacita.

1 Kolinto 9:5 ပူးပေါင်းရင်းမြစ်များ

Lwimbo lwakwe Solomoni 4:12

We kaci wane, nawinga wane, uli wa calo cipindilwe, uli wa calo cino yapindilila icimpinda, uli wa kafukoka kano yacingilila.

Mateo 13:55

Uzye wii asi mwana wakwe kawaza wa mbao? Uzye nyina asi Maliya? Uzye aina yakwe yasi a Yakobo na Yose na Simoni na Yuda?

Mateo 8:14

Alino Yesu aingila mu ng'anda yakwe Petulo, nga azana nyinavyala Petulo aizi pa musanzi ala umulwale impepo.

Mako 1:30

Nyinavyala Simoni waizi pa musanzi, ala umulwale impepo. Zuwazuwa lino Yesu wafika yamunena pamulandu wa kulwala kwakwe.

Mako 6:3

Uzye wii, asi akawaza wa mbao, mwana wakwe Maliya? Uzye wii, asi mwina wakwe Yakobo, Yosefu, Yuda, na Simoni? Uzye yakaci yakwe yasiikala kuno mwitu?” Alino yamukana.

Luka 6:15

Mateo na Tomasi. Yakobo mwana Alufeo. Simoni (kalwisya wa untungwa),

Luka 8:20

Alino umuntu umwi anena Yesu ati, “Ala nyoko na anyonko yaimi panzi yakulonda kukulola.”

Yoane 1:42

Alino aleta Simoni kuli Yesu. Yesu amulolekesya, nga avwanga ati, “Wewe Simoni mwana wakwe Yoane, lelo umatemelwa izina Kefa.” (Kuli kuti Petulo nupya cikusenula “Iciliwe.”)

Yoane 2:12

Pacisila cakwe cii Yesu, nyina, aina nga na alondezi yakwe yaya ku Kapenaumu, iikalako manda yanono.

Milimo 1:14

Onsi yakongananga lyonsi ku kupepa pamwi wiumba, pali pamwi na anaci nga na Maliya nyina wakwe Yesu nga na ina yakwe Yesu.

Loma 16:1

Nkweti visuma vya kulanda pali nkazizyo Febi, wino akatumikila Iuvi lyamu Kenkelea.

1 Kolinto 1:12

Manye kandande ndi vii, cila muntu munomuli akulanda cimwi cipusane. Umwi ati, “Nemo nkalondela Paulo,” muze nawe ati, “Nemo nkalondela Apolo,” muze nawe ati, “Nemo nkalondela Petulo,” muze nawe ati, “Nemo nkalondela Klistu.”

1 Kolinto 7:15

Lelo nanti cingaya vivyo, wenga wino atataila akulonda kuti yatane na wiyo ali mwina Klistu, lekini cicitike vivyo kwene. Lino caya vivyo, ndi wenga munoyali mwina Klistu, cingaya a iya nanti muci, wene umuntungwa kucita cico. Leza wamwama kuti mwikale mu mutende.

1 Kolinto 7:39

Mwanaci wino watwalwa wene asi nu untungwa wa kutwalwa lino iya acili nu umi. Lelo ndi iya wafwa, lyene ala waya nu untungwa wakutwalwa ku monsi wensi wino akulonda, cikulu sile ale umonsi wiyo umwina Klistu.

1 Kolinto 7:7

Endi! Nemo ningatemwa ndi cakuti antu yonsi yakolana nani. Lelo Leza wapela uwila uiyele kuli cila muntu, onga ku muntu wenga nga nauze kuli muze.

1 Kolinto 7:8

Ndakai, nkunena mwe muno mutatwala nanti kutwalwa ukuti cingazipisya mutwalilile kwikala mu usimbe wakwe vino nani nikala.

Galatiya 1:19

Ntaweni mutumwa namuze sukasile Yakobo mwina wa Mwene.

1 Timoti 3:2

Intunguluzi yamwi uvi italinzile kutungwa kayi. Wene alinzile kukwata muci wenga sile, nu kuya mutekele, wa mano, wa mucinzi, akasunga aenyi ningo mu ng'anda yakwe. Wene alinzile kuya mukampuke ku kusambilizya.

1 Timoti 4:3

Antu yaa, yakasambilizya ukuti cisi cisuma kutwala, nupya yakainda kulya vyakulya vimwi. Lelo Leza waumvile vyakulya vii kuti vyaliwa ni ntaizyo kunoli na yao ataila nupya amanya cumi.

1 Timoti 5:2

Vivyo kwene wacitila anaci aikolo ndi vino ungacitila nyoko. Akazyana nao wayacitila kwati a kaci yako, nu mwenzo usuma.

Tito 1:6

uwikolo wino akatungulula iuvi atalinzile kuya uwa mpwelo mbi. Wene alinzile kukwata muci wenga, nupya ana yakwe yalinzile kuya ataila. Yene yatalinzile kuya ni mpwelo ya ononyi nanti kuya autizi.

Ayebulai 13:4

Ing'anda ilinzile kucindikwa na antu onsi. Yaiya na Aci yalinzile kutailana. Leza alapingula yao akacita uzelele na yao akacita ulenzyo.